صفوان كنت وين من الصباح(في مدرسه المشاغبين)

صفوان كل سنه وانت طيب
بتعييد علي الناس انصاص الليالي مالك؟
كنت وين من الصباح
الناس دي قامت وقعدت البكا بكا
والاتزكر اهلو
واللجامع بعيد عليه لما وصل لقا الصلاه فاتتو وانت وين من الحته دي

كنت في الحتة ديك,,,كل سنة وانتي طيبة والجميع بالف صحة وعافية ومبسوطين بي خير وسعادة,,الكتابة متحسنة زيي ماشايف

وانت طيب
ده لاني عملت لي استاذ خاص بتاع لغه عربيه بدرسني كل يوم درس في بوست قصه قصيره اسمو صفوان
(لكن كان ماطلعتو ليك بقول بتدورو العوض؟)
بالمناسبه الحته ديك وين مابعرفه استاذ صفوان مادرسني ليها

دي تبقى مشكلة (عويصة) فعلا بس التركيز في الكي بورد احسن من الشخبتة شوفو ليكم سبورة ,غايتو مخير الله علي البعيا

علي قوله دسكو ده السبب الخلاني
انت قايل شنو انا السبب البخليني اشخبت ده ما المخير الله عليه ذاتو البعيا ده جنني
طبعا الليله المستشفي كلها كانت النسوان الفايقات ديل اسوا في الخبيز واجن اعزبني انا كل واحد خابزه ليها 20 كيلو عسان انا في النهايه الحاابقي بسكويت
السبب الخلااااااااااااااااااااااااااني مااعيد

احسن الواحد يتعلم صناعة الخبيزمثلا لانو الظروف مامعروفة يمكن يعني ناس المستشفى يكتشفو غلطهم بعد ده كلو ,,,

لاخبيز لاحلومر مافي في قاموس حياتي لانهم شغلات متعبات وعائدهم صفر
وناس المستشفي اذا اكتشفو غلطتهم انا حاشتغل مدرسه لغه دارجيه في مدرسه خواجات

شغلانة زيي دي في نوع معين من العكاكيز ينفع معاها تحسبا من ردود افعال عنيفة

الغلط من من؟
الاستاذ؟
التلميذ؟
ايمو ركزي ,,
صفوان اجتهد

وانت قايلني قلت ليك مدرسه خواجات ليه ماعشان ماجايبين للدنيا خبر البقولو كلو حاصدقوه ههههههههههههههههههي

disco كتب:

الغلط من من؟
الاستاذ؟
التلميذ؟
ايمو ركزي ,,
صفوان اجتهد

دسكو طبعا الغلط من الاستاذ لان اسلوبو في التعليم استفزازي ودايما يحسسني بالاحراج

ياديسكو الغلط غلط الطبشيرة لانها بتجيب حساسية وغلط التلميذ لانو جا المدرسة دي من اساسو وغلط الاستاذ لانو عاوز فرمطة قبل مايدرس جماعة زيي ديل

انا بتكلم عن التدريس في المدرسة للاجانب ياجماعة !!!

وانا بتكلم عن مدرسه استاذي الجليل الي علمني مالم اتعلمه في المدرسه الشرقيه 8 سنين
لكن بالنسبه لمدرسه الخواجات يابختهم باستاذته التي لم ولن تعلمهم شيئا طيله ماهم شعرهم ناعم ومسبسب وسالو شعر اخواتنا وحيرونا

اجمعي كلهم من غير فرز,,,

سلاااااااااااااااام
emoooooooo , صفوااااااان

يا جماعه انشاء الله مافي عوووووجة
معليش جيت ناطي تووووش

كــــل الــــود
وكلنا حصــــاحيصـــــا

يا صفوان و إيمو..
عيد سعيد..
حاولت أن أتداخل معكم في حواركم الشيق هذا خصوصاً عندما تطرقتم لمسألة الطباشيره و الأستاذ.. إلا أنني فضلت الإبتعاد طالما أنكم تديرون حواركم بعيداً بتناغم جميل، فأخذت طباشيرتي و كتبي و دفتر تحضيري و نسيت (عصاتي) داخل الفصل..و رجعت لمكتبي..ألتقي بكم الحصه القادمه بعد الفسحه..
رن..رن..رن
تفطروا علي خير و عيد سعيد..
و دمتم..

يامراحب ياحافظ اهلييين,,,, الموضوع بدايتو الاخطاء الاملائية وعدم القدرة انك تفهم من كتابة غلط بعدين اتكلمنا عن انو السودانيات عندهن مشاكل في الشعر يعني الغالبية ماكلهن ويادوب دايرين ندور النوم اظنو حيكبس,,

مرحبا اخي الرشيد,,,ندعوكم كلكم غدا لبداية عام دراسي جديد باذن الله ونحن في انتظاركم,,,وكل عام وانتم بخير
ادارة المدرسة.

صفوان شكلك داكي الحصة الاخيره

نتقابل بكره بدرررري

كـــل الــــود
وكــــلنا حصـــــاحيصــــا

هيا يمه مدرست الياباني والتاباني
لا استاذ كضب كضب(صفوان) ولا استاذ جدجد(الرشيد)
ولا الهلالبي القال داكي الحصه الاولي (حافظ)لاماجو
كل يوم بقتنع ان انا تلميذه نجيبه

الرشيد حبيب الله التوم كتب:

يا صفوان و إيمو..
عيد سعيد..
حاولت أن أتداخل معكم في حواركم الشيق هذا خصوصاً عندما تطرقتم لمسألة الطباشيره و الأستاذ.. إلا أنني فضلت الإبتعاد طالما أنكم تديرون حواركم بعيداً بتناغم جميل، فأخذت طباشيرتي و كتبي و دفتر تحضيري و نسيت (عصاتي) داخل الفصل..و رجعت لمكتبي..ألتقي بكم الحصه القادمه بعد الفسحه..
رن..رن..رن
تفطروا علي خير و عيد سعيد..
و دمتم..

اخي الرشيد
عام سعيد اشكر مشاركتك
وبركه الجيت بركه الجيت
عشان كل طير اطلع شجرتو
واكون جانانا استاذ جد جد
عليك الله سمعت ليك بمدرسه بناقشو فيها مشاكل الشعر (بفتح الشين )
المدرسه ممكن اناقشو فيها مشاكل الشعر ( بكسر الشين )
يااستاذ بعين دي مدرسه شنو الفيها طالبه وهلالبي واستاذيين

hafiz ahmed كتب:

صفوان شكلك داكي الحصة الاخيره

نتقابل بكره بدرررري

كـــل الــــود
وكــــلنا حصـــــاحيصــــا

صفوان داكي الحصه الاخيره وانت داكي الحصه الاولي
تلقاك قشيت مدرسه الامثال الشعبيه حقت ديسكو تشاكل ليك طالب طالبين من طلاب المريخ
كان استاذ الرشيد جا مابخليك تخش بعدو اسرع الكوره دي خليه ساعه حصه صفوان ههههههي

رن رن رن رن رن
2/رن رن رن رن رن
3/رننننننننننننننننننننننننننننننننننننن
دي مدرسة شنو دي مدرسة المشاغبين ولة شنو
ولة يكون دا جرس دلالة
يمكن الواح دقس وجا غلط
يا ايمو الاجاذة جات تعالي الحصاحيصا احسن ليك من القراية أم دق دي

ودعيسي كتب:

رن رن رن رن رن
2/رن رن رن رن رن
3/رننننننننننننننننننننننننننننننننننننن
دي مدرسة شنو دي مدرسة المشاغبين ولة شنو
ولة يكون دا جرس دلالة
يمكن الواح دقس وجا غلط
يا ايمو الاجاذة جات تعالي الحصاحيصا احسن ليك من القراية أم دق دي

انت ماعارف ان دي مدرسه لافيها ظابط ولارابط
اسكت ساي كان شفت ياود عيسي فيها استاذ التقول ولدو في كراس املا غير تصحيح الاملا ماعندو شغله
وطبعا اختك ذي ماشايفها كل يوم جايبه صوبي
انا ماعندي اجازه انتهيت من الامتحانات نزلت شغل طوالي لكن انشا الله لو ربنا سهل حااجي اشتغل النسا والتوليد في الحصاحيصا بس ارجيني ياحصاحصا
ولك التحيه