يا ادارة المنتدي ارجوكم منتدي بدون القاب

تحياتى الاخ انور
والله صراحة نحن دخلنا الموقع عشان نقابل اصدقاءنا القدامى وجيراننا لكن لقيت اغلب الناس ما بنعرفهم لانو داخلين باسماء مستعارة فلذلك نرجو الدخول بالاسماء الحقيقة رجاء لمزيد من التواصل

والله فكره جيده عشان الواحد اعرف بكلم منو واحفظ المقامات تخريمه لمن جات بطاقة الكهرباء الجديده ____واحد قال ليهم مافيها اظهار رقم ___قالو ليه لي شنو ___قال ليهم الواحد لو ضربتو كهرباء اعرفها جايه من وين

الاخ انور
الاخوة إدارة المنتدي
السلام عليكم ورحمه الله
المنتدي جميل جدا بمواضيعه الشيّقه والثرّه ، من الطبيعي أن ينضم اليكم كل من يبحث عن المعرفه ، ولن يكون المنتدي قاصرا علي ابنا الحصاحيصا فقط ،ولكن الفكره جميله من باب ان يتعارف ابنا الحصاحيصا ببعضهم البعض ويكون بينهم إتصال سواء كان عاماً او بالرسائل الخاصه،وددت أن أكون من أبناء الحصاحيصا حتي اتعرف علي الاعضاء بصوره اقرب ،ولكن إحتراما لراى الاخ انور
أعرفكم بي
ابوبكرابراهيم محمد مختار
معتمدية المتمه /قرية الصلوعاب
ولذلك ألحقت إسم قريتي باسمي