حسن وراق و المحبوب

نشاط تام وحيويه فى الطرح لكن
هل ما لاقيين وقت لمراجعه اراء اخرين؟
زى ما قال حميد
تف قرارو وفات لى حالو

يا قدورة روق الكورة
كلامك دا ما وقع لي او
في الحقيقة "زي ما بقول علي الحاج"
فهمتو من عدة زوايا ومحاور "ثقافة الحوارات"
فارجو انك توريني "المطلوب" وتجدني في خطراتك
وفي كل الأحوال كتر خيرك
وفي انتظار "جودك"

التحية والاجلال والاكبار للاخوة حسن والمحبوب

للجهدالخارق رغم قساوة الحياة والضغوط المتصاعدة للحفاظ علي مواقعهم المتميزة في الموقع

بل بقاء الموقع نابضاً بالحياة حتي الان .......

كلنا مقصرون وننتقد انفسنا بشدة لتقاعسنا وكسلنا رغم تفاوت وتباين ظرفنا

فاليكن العام الجديد عام نركن فيه التقاعس والكسل الذهني جانباً لنعيد للموقع القه وتفرده الاول

لا اقول: (نعيد سيرته الاولي) لانسهاك هذة العبارة بين شفاه الكذبة والدجالين

وكل عام والحصاحيصا,كوم وانتم/انتن بالف سلام

التحية والاجلال والاكبار للاخوة حسن والمحبوب

للجهدالخارق رغم قساوة الحياة والضغوط المتصاعدة للحفاظ علي مواقعهم المتميزة في الموقع

بل بقاء الموقع نابضاً بالحياة حتي الان .......

كلنا مقصرون وننتقد انفسنا بشدة لتقاعسنا وكسلنا رغم تفاوت وتباين ظرفنا

فاليكن العام الجديد عام نركن فيه التقاعس والكسل الذهني جانباً لنعيد للموقع القه وتفرده الاول

لا اقول: (نعيد سيرته الاولي) لانسهاك هذة العبارة بين شفاه الكذبة والدجالين

وكل عام والحصاحيصا,كوم وانتم/انتن بالف سلام

فعلا جهد مقدر من المحبوب وحسن وراق وهم الاكسجين للمنتدي بس لينا اقتراح اصبح التفاعل مع المنتديات ضعيف وياريت لو اكون في حساب في الفيس وتدعو الاعضاء الكرام للاشتراك بكون في تفاعل اكتر ولكم التحية

طبعا انا معاك يا عثمان انهم الاكثر حيويه ايجابيه كمان
يعنى موضوعاتهم تشد الواحد كلن ماتبقى عيلهم جداريه حميد
تف قرارو وفات لي حالو
حسن موجود فى مواقع كثيره ورصينه وهو لا يزايد فى انتاج حاجه غث
خلونا نامل فى انهم يحركو الباقيين حتى لا يموت البورد
طيب يا المحبوب اعمل سكرتير\سكرتيره\زى منصور خالد
لو جمعنا اعتقد كما يحاول الموقع لو جمعنا الكم الهائل من المواضيع
لا صبح ضروريا ان يكون عندك مكتب متابعه للردود المغتضبه
صحيح اننا بنقرأ كل المشاركات وبتكون عندنا رغبه فى اثراء الموضوع
وعشان يجينا رؤوف الذى اصبخ مركز معلونات ودراسات عن المشروع وكنابيه
بعد ان فقدنا الراحل الكبير عمنا يوسف وقبله محمد حمدنا الله
يديكم العافيه

صباح الأنوار إخوتي عثمان ومصعب وعبد القادر
وصباح منور لكل من يغشى ساحات هذا المنتدى
إتفق مع المنحى العام البكشف عن إحجام ناس كتيرين عن المشاركة
وقد تكون الضغوط المتصاعدة وقساوة الحياة سبب من الأسباب
"زي ما قال أستاذنا عثمان عبد الله"
دا جانب
والجانب الآخر لحدي الآن ما عرفت "الجنن عبد القادر"
لكن خليني أكون صريح معاك يا قدورة يا حبيب
ومع إنو كلامك إعتراه شي من الغموض إلا انني بعقب عليهو بما يلي :

أولاً بعتقد إعتقاد جازم بأن الموقع دا من أهم مكتسبات المنطقة
ولعب وسيلعب دور كبير في تواصل أبناء وبنات المنطقة
صحيح بمر بمرحلة ركود "تتعدد الأسباب والركود واحد"
لكن دا ما بعني نقيف مكتوفي الكيبوردات "ياهو ال الله مقدرنا عليهو"
وبنحاول قدر الإستطاعة المحافظة لحدي ما يجي صاحب الوِداعة ويشيل وِداعتو
ولو كنت شايفو بعيد فإنني "مع الهرم وضعف النظر" أراه قريبا

ثانيا بكون واضح جداً الفرق بين المشاركات الأصلية والردود عليها
ودا ما بعني بالضرورة الرد والتعقيب على كل ما يكتب
وبطبيعة الحال لازم نراعي ميول ورغبات الناس البنفترض انهم يعقبوا

ثالثاً ودا الأهم ففي المرحلة دي حقو نعمل كلنا على ما يجمع
وكان قدرنا نحصر الأسباب ونعمل على إيجاد الحلول بكون أفضل
والتلميحات "مقصودة وغير مقصودة" في هذه المرحلة ما محمودة
فما تراه إنت "غث" قد يراه غيرك "ثمين"
ولو صدق تفسيري لكلامك فالسكرتيرة أولى بيها أخونا وراق
ولا أنا غلطان ؟؟

عثمان هو الالفا بتاع الموقع الضابط للحركه وكلما نشتط عندو كوابح تعمل بفاعليه
وهو قاعد يطلع فى كل مره بموضوع خطير انا عارفو وحافظو كمان
يجعلنا نحلم معه بكون خالى من الانجاس
كلكن فى الفن ما اظنو فاضى ليهو واصدقاؤه كلهم شعراء
منهج الديالكتيك بيكون واضح عندو اكثر من الملكو الفن تحديدا اصم ما اظن يحتاج الى تفكيك كما يذهب نيتشه
اذا تحدث الفنان فانه يسقط
احييييييكم...عرب وبجه ونوبه

اخونا حسن
فعلا انت محتاج الى سكرتيره
ما ملاحق اهو هنا واحداث وايلا
وتاج السر مكى
مؤتمر خامس يكاد الناس ينسوه من فرط الوحل
الله يكون فى عونك و طهران تشعل حروب الجيل الخامس

والله يا قدورة انا داير لي سكرتيرات واهم سكرتيرة للمساج بعد القضاريف الشبكتنا دي
والله كمان ما تكبر في الرد لكن ما لاقي طريقة عمكوما سوف احاول التوفيق بين كل المواقع والعمود الراتب في جريدة الجريدة وملاحقة الراكوبة والتغطية الخارجية والاستماع لقضايا الناس والسفر بقي كثير
تسلموا يا حبان

و الله تستاهل ولا كتير عليك يا ابوعلى
نحن عاوزنك تقلل تواجدك على الظلط
سلمت ان شاء الله من عيون الحاسدات

حسن لم يبقى فى جسده موضع حسد هداك المحبوب امشوا احسدوه
يسلمو الحبان وتسلم انت يا قدورة

» ما بين وراق و دوت كوم..و وراق و الأخرون..
» المحبوب يُرزق بعبد الرحمن المحبوب
» الاستاذ حسن وراق كما رايته بام عيني - شكرا وراق -
» وفاة شقيقة حسن وراق ... ليلى وراق
» أنصار السنة: "وراق بجي" "وراق ما بجي"..