(الشمار ) (وليد العشى يعلن دخول القفص الذهبى قريبا )

اكمل الحبيب وليد عبد اللطيف عشى (رجل الحاسوب الاول فى الحصاحيصا ) اولى خطوات (سلم ) القفص الذهبى مساء يوم السبت الماضى وذلك بعد اختيارة لشريكة حياته واعلانه لوداعه حياة العزوبية قريبا وسوف تتواصل الافراح ما بين مدنى والحصاحيصا
تخريمه (اهم حاجه يا وليد علمها القراصة عشان ما تتغلب كتير )
عمار تلودى

التحايا الحاره للأخ العزيز وليد عبد اللطيف واتمنى انو شمار عمار يكون صحيح وانك تكون قررت فعلأ دخول( السجن) اقصد القفص الذهبى وطويت ملف العزوبيه يا ترى مين سعيدة الحظ القدرت توقعك فى شباكها دى؟ عارفك ما بتقع بالساهل يا عشى. على كلٍ الف مليون مبروك مقدما وياريت نعرف المواعيد لأنه فى نيه للبلد انشاء الله...تحياتى

ياسلام مبروك عشعوش الف مبروك
ويارب العرس قريب عشان نهجج
واهم حاجة المدام تكون بتعرف تعمل قراصة وشعيرية
ومبرررررررررررررررررررررررررررررروك عشعوش
وعقبال شيرين

الف مبروك للاخ وليد العشى ودا خبر جميل جدا بس يا عمار انت متاكد انو فى حافلة سافرت مدنى لخطوبة وليد وكدا وفى زغاريد وكدا والحافلة دى فيها منو عشان نتاكد وليد العشى رجل مراوغات ومامضمون انشاء الله يكون كلامك صاح ياعمار

يا على يا سركيس
الخبر اكيد
وانا باكد ليك
والعرس قريب
جهز حالك للسودان

امس فى مروى لقيت واحد قريب العشى ومع الونسه عرفت انو من ناس العشى وطوالى قلت ليهو (وليد ح يعرس قريب ) قال لى (بعد الصلعه )بتاعتو ديه احسن ما يعرس

مبروك الحبيب وليد عبداللطيف العشي وربنا يتمم بخير وشنو الخبر داسنو0 بالامس كنت بتحدث مع استاذ/ حسن شحاته وسالته عنكم جميعا ولكن لم يجيب سيرة لموضوع الخطوبة وعلي العموم الف مبروك وطبعا انا في خلال هذا الشهر ساكون بطرفكم في اجازة سنوية انشاء الله ونتمي نكون من الحاضرين لهذا الحدث الكبير

تهانينا يا عشي .. وان شاء الله ربنا يتم علي خير

يا كمال جهز بدله الحفلة ومعاها كرفته
وقبل منها جهز الجلابية والملفحه والعمة للعقد
والجامع اسمو الحى الغربى
ومبروك ليكم
اصلو قاعدين تغلبوا بلاعبين الهلال

.. اخيرا ياوليد يا عبداللطيف .. لمن كملت من الحبكانات والتى دايما تنتهى .. باى باى
حقيقة اسعدنا الخبر لحد الثمالة ونتمنى ان نكون معك فى هذا اليوم .. واكيد كل الحصحيصا مزدانة فرحة بيك .. وبركة ياخوى الحقت الصلعة .. وعقبال اخونا جعفر عامر .. الرجاء رقم التلفون ياعمار ..

الف مبروك للغالي وليد عبداللطيف والتحايا موصولة لجميع الاهل والاخوان .

مبروك وليد اخيرا وقعته طيب حتشوف .. الف الف مبروك وربنا يتم ليك على خير
شايف الجماعه بتكلمو عن القراصه والتقليه وعزومات وكده ...
في الحاله دي انا اول ما انزل اول فطور عندك وقراصه بي شرموط احمر كارب
اتفقنا ...


تخريمه ( بس مدني دي كيف ؟؟؟)

[color=blue]سلامتك (قصدي مبروك ) الف الف الف الف الف .............................................. مبرووووووووووووووووووووووووووك وربنا يتم ليك علي خير .

الف الف مبروك للاخ وليد وربنا يتتم على خير ( الاخ وليد اهم شى الوفد ، اوكما قال على سركس )

اول حاجة مبروك فكة البورة
لكن والله هى الرابحة عريس فى قامة وليد وين دة دة مافى
وبعدين يا اولاد تلودى عصام وعمار جهزو الحنن والعزومات خلونا من مبروك دى
ولك الشكر

الاخ/وليد العشى الف مبروك وربنا يتم ليك
على خير وبيت مال وعيال
الف الف الف مبروك

انتم تشبعونى فرحاً بشعوركم الجميل
امس اكتمل الفرح (( وفد مقدمة ))
الله يباركم فيكم جميعاً
وعقبال لكل الناس الحلوين

كل الأحلام المستحيلة تحققت (كبري رفاعة وزواج وليد) ربنا يحضرنا ليهم. مبروووك.

انا جيت تاني عشان ابارك مرة اخري للوليد وربنا يتتم بخير

ولكن بصراحة حرقني كلام اخوي عمار تلودي ( اصلوا انتم بغلبوا ليكم اولاد الهلال) ويا عمار ناس الهلال تربيتهم كعبة عشان كدة اولادهم بفوتوا منهم وبغلبوهم)

جينا نهنيك ونبارك ليك
ابداًنحن جينا نهنى نفسنا بيك ونقول ليك بتنا (مباركة) عليك
(نحن من اهل العروس)
تخريمة مباركة دى عشان الركابى ما يغلطنا