بالدارجي الفصيح

التحية والتقدير للأخوة بالمنتدي

غبت طويلا وطويلا جدا كمان لم افتقد كما جرت العادة لساكني الحلة الواحدة وناشدت ولا ناديت حتي بح حروفي برسائل للأادارة عن نسياني للباس وورد ولم اتلقي ردا مع معرفة معطم الأعضاء لشخصي المتواضع صاح ماعندي مساهمات لكن للكتابة طقس مزاجي اضافة لمللي السريع من الكي بورد الما بشبه القلم البجري في الورقة ساحبا افكارنا من مكامنها ...
المهم ياخ استعدت الباس  في صحوة مفاجئة للزاكرة واتوكلت دخلت علي المنتدي متوقعا زحمة من المواضيع الجديدة او حتي تصميم جديد لكن ياهو من 2013 ياهو وياها نفس المواضيع البايتة ومعظم الأعضاء البعرفهم مافي واحدين غيبهم الموت وواحدين مشاغل الدنيا او وجدوا مساحات اخري للتعبير ...
انا بحب الحصاحيصا جدا وما كلام عاطفي ودايرا تكون شعلة في سماء الميديا ويكفي انني اقوم بالتعريف بها عندما يتوفر لي الوقت بمخالطة لأخوان من من مناطق مختلفة من الوطن او زملاء في غربتي
ده عتاب محب لكم ولمدينتي... فورونا الحاصل شنو علي المنتدي
منشن ل: حسن وراق ,د.بكري عثمان,د.ناجي الجندي  والعزيز ود عيسي وبقية الأخوة الأحباء.
ودمتم موفري المودة والصحة