اسرة دوت كوم فى زيارة الدكتور محمد على جبريل بالحصاحيصا

سلامااات ياتلودي مشكورين انشاء الله نجيكم في ساعة خير

صداح فاروق وراق كتب:

ياعمار دي من المبادرات القيّمة اللي بتخلق شعار دوت كوم أسرة ممتده.

اكيد روح التواصل الجميل لازم يكون متواصل

الرشيد حبيب الله التوم كتب:

يا دكتور..
حمد الله علي السلامه و ربنا يردك سالم غانم دائماً و يشرح صدرك و يقُر عيني والديك بيك..

تخريمه..
أين الهلالابي الشهير ب(الزعيم).. هل لديك أخبار عنه؟؟ حيث يقال أنه متواجد في الهند معكم.. باءت كل مجهودات البحث عنه هنا و هناك.. أفيدنا يرحمك الله..

و دمت..

امين يارب والله الزعيم مابعرفو

انور محمد الحسن كتب:

دي الاصول وده الواجب مزيد من التواصل

وفقكم الله يا وراق وتلودي والعشي وده من اصلكم

نحن معكم من علي البعد تحياتي لجبريل

الي الامام

سلاااامات يانور انشاء الله طيب

ودعيسي كتب:

ياعمار لية الواحد بيعرف انكم مع فلان بالصدفة؟؟؟؟؟
ياوليد ويا وراق برضو؟؟؟؟؟
والباقيييين

ياود عيسي الجايات اكثر وانشاء الله نتقابل

الطيب تلودي كتب:

والله ياود عيسي ليك حق............!

حمدلله علي السلامة يا محمد علي

وفي انتظارك في تجمع الداخل قبل السفر

سلامات يا هندسة اللمة الجاية معاكم باذن الله

كمال الجمل كتب:

حمد لله علي السلامة محمد علي جبريل ونتمني لك اجازة سعيدة بين الاهل والاصدقاء
وهذه الزيارة الكريمة من الاخوان تدل غلي ان اسرة الحصاحيصا كوم اسرة واحدة وتتفقد احوال اعضاءها اين ماحلوا وهذه الوجوه النيرة قامت ايضا بزيارتي بمنزلي بالحصاحيصا في اجازتي السنوية واسمح لي اخي محمد علي جبريل لي ان اشكر عبرك الاخوان حسن ووليد وعمار ونقول ليهم ان شاء الله مانجيكم في شينة

العزيز الراقي كمال انشاء الله طيب وكل عام وانت بخير وتاني بنقول ليهم مانجيكم في شينة

مرحب بيك الغالي ود جبريل وانشاء الله الحصاحسصا منوره بيك

عبد المنعم سيد احمد كتب:

الهلالابى الجميل ود جبريل
مرحبا بك..وانت تصل الى ارض الوطن سالما..ومعيدا
بين الاهل
نتمنى لك دوام التوفيق ..فى مسعاك العلمى
وللجميع عيدا سعيد
فها قد عدنا..بعد حلت مشكلة الموقع البطىء تصفحا
للحصلحيصا سلااااام.
بالله نسق مع وليد وحسن وبقية الاعلاميين
وعايزين لقاءات حية مع رموز الكفر ممن قدموا روائعهم بالملاعب
وياريت..تبدوا لينا بالحارس العملاق عبد الله جبارة

ياجميل ياراقي وين ماظاهر انشاء الله في رموز الكفر

محمد كمال السر كتب:

ياحافظ الراجل دا عندو عرقو مريخابيه وهو اصلا مريخابي زعلان وحتي شوف لون الفنيله الاستقبال بيها عمار تلودي ورفاقو والله في ارقام الجلوس في الامتحان الاخير انا اول واحد في حرفMOوهو قاعد وراي طوالي

فوق فوق هلالنا فوق

راشد محمد الجاك كتب:

حمدا لله على السلامة ودجبريل واجازة سعيدة ان شاء الله ....
ياتلودى كلام ودعيسى دا ماترموه واطة .... خلوا الناس تشارك معاكم واتقاسموا الاجر سوا ....
وكلنا حصاحيصا ... وكلنا دوت كوم

الاخ راشد الجاك سلامات الجايات اكثر وانشاء الله ما بترمي كلامو واطة

محمد كمال السر كتب:

ياغول شفرتني قدام الجماعه ولا شنو

ياراغب علامة مافي شماااارااات ولا حاجة انتا عارفني ما بعملا اتمني الاقاب تنتهي ههههههههه لانو احنا في مكان عام

مهدي بكش كتب:

مرحب بيك الغالي ود جبريل وانشاء الله الحصاحسصا منوره بيك

سلاماااات يا استاذ وعقبال ماتجي انتا من غربتك

يا خوانا حاجة اخيرة كلمة دكتور بدري عليها

الوجية /محمد على جبريل
السلام عليكم
وكل سنه والجميع بخير
وحمدلله على سلامتك
وكم سررت بلقاءك واسف جدا جدا جدا على تاخيرى هذا (من غير قصد منى ) انما هى الظروف القاهرة التى حالت دون ان اكون فى مقدمة مستقبليك فلك العتبى حتى ترضى وان شاءالله سوف نلتقى قبل سفرك
مرحب بيك فى بلدك ووسط اهلك و منتداك
ودمت
اخوك
المغربى