رشا الزبالة

الاحباب والاغراب والزور وناس البيت وست الدار
وام الحسن والحسين وعم الجاك وجبر الدار وست النفر والشول
والعم بعشوم والاخت خدوم وعموم اهل الحارة والحاره
قد يكون موضوع طرح من قبل ولكن بسيقة مختلفة اليوم وبعد ما بكيت بكا السواد
وبكا اللهاتي والاعادي والسجم والرماد
واتدردقت في التراب وقلت احييييييييييييييييييييييييييي الروب يا يمة
مشيت اسجم واترمد براي سويتا في حيطتنا والولد عامل فيها زبالي
لميت البعر والقش وخمجتها وقلت ازبل طولي وما عارف انو بخمروها
وبقتقتوها وكمان بحبسوها مرات عشان تبفي بيضاء ونائرة
ومرات بولعو ليها الحطب عشان يبعدو منها الباعوض والقراص والبجنن الناس
وانا ما عارف اي حاجة الرمادة في خشمي
ويا جماعة الخير اتشالقتا جنس شلاقة
وصحي قالو المابعرف بيقول ( شوربة عدس )
عدس شنو والله دي فتة عديل وعايزة ليها بصل اخضر وشطة مدقوقة ببصل مكادة وفلفل اسود
غايتو ما عارف الحصل لكن لقيت نفسي اتمثل بقول الشاعر الفحل ( رفيق الانادي )
حين يقول
عجنتها ولتخطتني ببعرها وحين استوت رحلو اهل المضارب عنها
ولو كنت اعلم انها منها لدفنتها وهي تزرف الدمع منها
معليش يا جماعة برجع ليكم في وقت اخر والي ان نلتقي
لكم مني جزيل الشكر والامتنا
ودمتم ولنا لقاء

مستنين الباقى بى فارغ الصبر يلا واصل

شنو ياعريس مانشفنا من (الشره)
بتاعتك ده
خالص ودى

الاخت زهرة المدائن والمنتدي لك التحية وانتي في مكانك
السامي عساك بخير والاهل وعموم ناس المنتدي والمنتديات المجاورة
ومشكورة علي المرور
والله ما طولت بس لاني بصراحة هذة الزبالة رشا كتبتها في منتدي اخر
ولا زلت اواصل فيها فسوف اوافيكم بالجز التاني باذن الله
وتسلمي

الاخ الحبيب عبداللطيف مساك الله بالخير اينما كنت ومن معك
انت عارفني عريس يعني في الصبحية عايزني اتم ليك القصة
غااااااااااااااااااالي والطلب رخيص وممكن ناجل ليك اي حاجة
وتسلم
وقول للراجل خلاص كفاك افتح تلفونك
ولا المفارق عينو قوية

مساكم الله بالخير اينما كنتم
رجعنا ليكم والرجوع للبلد حلم يداعب الخيال وامنية تراود النفس ولكن الغربة حبلها
تمطي وتلولو وتشربك ولكن حتمت سوف ينقطع وما بلقاء الزول البربطو
رجعت الي الزبالة والطين وخلعت ملابسي السمحة ديك واتشمرت
ولابس ليكم فنيلة ( كت او كط ) والرداء بتاع الجنز القديم الاكل عليهو الدهر وشرب وكان البنطلون يا شباب اشتريتو لعرس
( عوض ) ودالسرة ) والان عوض عندو ماشاء الله ستة اولاد وتلاتة بنات
المهم مليت الجردل بتاع الزنك وشلت الطورية والكوريق ويا تارك الصلاة جاك الموت
مرة ارشرش فيها ومرة اغمس والطورية في اليد زي البربندي في الارض الدلجلة
وتاخد نفس وتاني ترجع للحركة الاولي وتاني شوية رشة والباعوض ينوني والضبان كمان
وشوية جردل موية العطر فاح ووششت البعاير وتكوم التبن
والخطوة التانية ترفع الرجل وفي نص الزبالة تخمج والتانية توازر ولمن دخلت الرجل التانية
الشريط كمل صفحة ويا ابوي عليك الله اقلب الشريط
وشباب الحلة وصلو وكل واحد شايل ليهو شريط واحد منسوخ وواحد ممسوخ وواحد الخ
والعطر يزداد عبقا والباعوض في الاذان زي الساون سستم
وفي غمرة الخمجة وفركة البعر الحيطة بقت تجدع في قفا الزول البناها
وارفع راسي لافوق ومن رقراق الحيطة المايلة اشوف القمر طلا ااااي والله القمر بعينو ماتقولو دي غيبوبة من رئحة الزبالة
ابدا جد جد يا جماعة القمر طلا وفي يدو شريط ( ماستر ) اصلي سنا يا انا
والكرعين طلعن من الزبالة زي العجين من الشعر ابو اللخبطة زاتو زي الشعر من الطحين
ابت تجي معاي تموها براكم المهم الرجل طلعت من الطين زي الشرا في القندول
ومشيت علي الشريط والقمر مبتسم وانا منسجم ومسجم
السلام عليكم................
وعليكم السلام وحمدلله علي السلامه........
الله يسلمك ودة شنو ؟؟؟؟؟؟؟؟؟؟؟؟؟
زبالة ..................
يعني لزوم استقبال ولا شنو ؟؟؟؟؟؟؟؟؟؟؟؟؟؟؟
ابدا والله انتو بستقبلوكم بزي دة ....................
وانت متين جيتي ؟؟؟؟؟؟؟؟؟
امس العصر لكن كنت تعبانة وماقدرت اطلع البص يدهج بينا من طلوع الشمس
ياستي الف حمدلله علي السلامة وبس انشاالله الاجازة طويلة
يعني ممكن انتظر لحدي ما اشوف منظر الزبالة علي الحيطة المايلة
اضحك وتتبسم هي
وانا واااااااااااااااااااااااااااسجمي وااااااااسحنتي
الممسوخ المكوجن بالزبالة وواقف وسط القمر والحيطة مائلة وانا بكرة بقول ليكم
خلوني انجما شوية وافرك عيوني وامتع نفسي بالزبالة والحيطة المائلة
وملتقين يا الحبائب
وفي امان الله

ياخ بالغته يا ابو ذر كده جهجهتنا وخليتنا كراع في القمره ورجل في الزباله وشكلك ح تخلينا للقراص ونينيو ...

تخريمه
القمره دي مشيت ليها بي خلقتك دي وريحتك الترمي صقر كده وعجيب كمان تضحك بي نفس بس خاتيه القمره الطلعت جاتك...

صلاح محمد الجاك كتب:: ياخ بالغته يا ابو ذر كده جهجهتنا وخليتنا كراع في القمره ورجل في الزباله وشكلك ح تخلينا للقراص ونينيو ...

تخريمه
القمره دي مشيت ليها بي خلقتك دي وريحتك الترمي صقر كده وعجيب كمان تضحك بي نفس بس خاتيه القمره الطلعت جاتك...

صلاح اخوي براحة براحة ثبت اول كرعين ولا رجول؟؟
وتبري انت من القراص ونينو
شفتا حكمه الله قادرة كيف مشيت ليها بزبالتي دي وهي كانت تراني كانني عريس سائر
والعجب الريحة عوووووووووووووك اسكت سااااااااااااكت بس
ومشكور علي المرور بقمرتنا لكن بس ما تشاغل بس
وتحياتي

القمرة شائلة الشريط في يمينا وقلبي في يسارا وانا غرقان ما بين بعرات غنم السرة وتيس حاج حمد
اسوي شنو؟؟؟؟؟ يسامحك ياحبيبي
ايوة بديت اغني وانا مقهي والشريط في يميني وشمالي تكرش في عيني وعيني رحلت من مقدمة راسي وبقت في قفاي
وقفاي حليلو كان بهدي الناس صبح جعار وبكوس في الهداي
استغفرتك يامالك روحي وتاني استغفر الله واتوب الية
وحسبنا الله ونعم الوكيل من الزبالة العايزة تقصر عمرنا وتهرب الحمام من بيتنا
البت سنونا بس تحلف تقول عقد مرصوص ومنضوم والوجنة احييييييييي منها لمن تضحك لا لمن تتبسم
يطرشني ما سمعت ضحكتا لليوم والعيون اححححححححححححح
والله يا جماعة الخير وياناس الخير الرموش من البت ما اتولد رموشا ما اتلامس مع بعض
واحات في الهوج والتانيات في الشرق وبيناتن شمس في النهار وقمر في الليل
سبحان الله الخالق الواحد الاحد الفرد الصمت الخلق بت جيرانا من طينا
ونحن نلخ في زبالتنا وحيطتنا مالت لمن قربت للسجود وقد يكون سجود السهو لانها من زمن بعيد مفروض تسجد وفاتت فيها الصلوات الخمس
وخمجتا الطين وموية البلاعة والجردل بتاع الزنكي في نص كراعي اتشبك وان مشبوك في الشريط والشريط فيهو ريحة الشنطة
والشنطة حقت بنت جيرانا وجيرانا وووووب علي منهم ومن كلبهم الموادب
وشغلت الشريط وصدح الغناي
يسامحك يا حبيبي عارفك قلبك طيب
ومابتشيل مني
والموسيقي وراهو ترلم ترلم ترلم تااااااااااااااارا تااارا
ترررررا تم ترلاااا
وانا بقيت ارجف والطورية ترجف والحيطة ترجف وحتي شراب اخونا الادانا ليهو بقي يرجف ياناس
ياحي ياقيوم ويا مكاشفي القوم ويا سيدي ودحسونة من الشريط دة وربنا يتمو علي خير
وشويتين جات البنت القمرة شايلة الشاي وبمضارة كدة ومن فوق ( السريقة ) ترفعو لي
ياربي ان امسك شنو يدها ولا الكباية ولا الحيطة وانا زاتي البمسكني شنو اترتعت وقربت اتكسر واكسر معاي الحيطة
ما بقيت انا مكسر في شايهيكم وفي ست الشاي وست الشريط
وبرجع ليكم بعد ما اقلب الزبالة يا الحبايب
بس اسمعو شدة الشريط دة

https://www.youtube.com/watch?v=trg7zZ30Nr0

اضغط علي الرابط للاستماع

[size=24]عساكم بخير والاهل
وسمعنا الشريط والمحارة في يدي كعازف كمان واللحن ينساب مابين الحيطة
والزبالة في سيفونية فريدة والقمر بيسمع في الدندنة من الطرف الاخر
وحين اسرق النظر اجدها تحرك في اناملها علي اطرفها
ووووووووووووووووووووووووب علي انا
هوووي يا ولد........
ايوة يمي ( امي ) نعم
نعم الله عليك يا جناي
اقول ليك ماتنسي شيل جق اللبن بعد ما تنتهي من شغلتك دي
كويس يمي
ولمن تجي وديهو لرشا تفوري ليك
كويس يا يمي
وشوف ابوك ودي ليهو الابريق عشان يتؤضا
طيب يا ست الحبايب
وخلاص اقفل الرادي دة
حاااااااااااااااضر يمي
ومشيت علي الحمام واقول يا انتي يا اغرق يا رشا
ابوي الصلاة قوم اتوضا
وصلينا ورفعنا الاكف والاضرع وتضرعنا الي الله ان ينعم علينا
وشيلتي جقي علي الغنم ودندتا بغنم حلتنا زول كان بحلبك يا حليلو
ومشينا انا واللبن علي رشا يا كحيل
ازيكم و
اهلييييييييين بالزبالي
امي قالت ليك فوري لينا اللبن لانها مرقت ..................
وبقينا انا واللبن فوق النار نعاين لرشا وهي تعاين لينا
سجمك وسجمك يا المنتظر اللبن يفور وانت فائر ومتدفق من زمن ................
وباطراف البنان البنية شالت الكورية من علي النار وناري انا ما بتنطفي .............
وقعد لامي في الواطة واتحكرت ليها وقلت ليها
يمي شوفي لي الوصف دة بيشبة منو وعرسوها لي
هي بيضاء وشعرها اجمل الوجهين فيها
وانتي عارفة يا يمي انو البياض والشعر والطول كل الجمال
وهي جيداء العنق غيداء الليت كحلاء العينين لها طرف ادعج
وحاجب ازج موردة الخدين سهلتهما واضحة الجبين قنواة الانف
حمأ الشفايف مفلجة الثنايا نقية الثغر مشرفة النحر ولست اكره
الانكسار في الثدين لانة ليس للنهود عندي لذة المنظر
وهي ايضا تحول بين المعانق وبين ارادتة
والشاعر قال .................
حال الوشاح علي قضيب زانة .................. رمان صدر ليس يقطف ناهد
وهي يا يمي ممتلئية الزراع فخمة العضد قباء البطن نحيفة الخصر
يطويها الضجيع طي الحمالة عبلة الفخذين بردية الساقين لطيفة القدمين
ولولا افراطي غيرتي يا يمي كان زكرت لك ماهو مستور ولي فية حاجة
وهي رخيمة الصوتشهية النغمة عذبة الالفاظ بها غنة الحداثة وبحة الاحلام
وهي اشجي حلقا من الغريض وانغم كلاما في الاذان من نغم الغناي

ووووب علي انا منها يا يمة النار بتاكل فيني اسوي شنو ؟؟؟؟؟؟؟؟؟؟؟
قولي ليها والله اني احبها اكثر من اهلها
وجد يا ناس البنت تعبتني شديد وشوفو لي علاج ولو كان كي بالنار
بس خلوها تقول حاجة من نظرتها وعيونا
ويا زبالة الشوم وجامعة الخرطوم تطيرو وما يتلقي ليكم اثر
وبرجع ليكم كان الله اداني العافية
وودعتكم الله

انا البكائي وجعار ياناس [/size]

ازيكم ياناس
وعساكم بخير وحالكم زين ومرتاحين
وعموم البكايئن والجعارين ( المجعراتية )
شالت البت شنطتا ويممت وشها صوب السوق الشعبي تريد الرجوع للجامعة وانا لازمت الجامع
للفرض والنوافل وقيام الليل والتهجد والتسبيح والتكبير والتهليل ومرة مرة بعمل حولية
وادق النوبة وافش غبينتي فيها لمن تئن وترن وحين ياتي طيفها تصدح النوبة
والافواة ( يا حي ياقيوم ويا المكاشفي زعيم القوم ) ترجع ( رشا ) فالحة ناجحة
وادروش وابرم شعري واحلف ما بستحما ولا يلامس جسمي طيب ( عطر )
ومشينا معها في زفة عرس للسوق الشعبي وكنا تلاتة بس
ويا الكمسنجية الليلة جاتكم نسمة الروح وعطر الصندل وامانة عليك يا الكمساري تشوف الكرسي الوهيط
وبعيد من الشمس وقريب من القلب واقفل الشباك من البنادي ( تسالي وفول وبرد موية وبل جوفك )
وانا جوفي قايدة فيهو جهنم لو تعرف يا بتاع البرد وتسمع جرائد صحف يومية ويقرو فيها
ما الخبر الاكيد ونشرهو العزال ( رشا ) اليوم صادة للبندر
وياربي يا سيدي تحفظ البص وسايقو وكمساريهو وتطوي ليهو الارض زي ما طويتا ( لذي القرنين )
وسهل حركتو ويسر مسيرو وغطيهو من عيون بوليس الحركة والتفتيش البنت جاهلة وبتخاف وانا بخاف عليها من التطفيش
والتفتيش
وفي السوق كل ينادي علي ( رشاهو ) وفتحت البنية خشيما وقالت عايزا ليها كباية جبنة
رشا .. اقول ليك يا البكاي عايزة لي جبنة
انا.... وحاتك انت اجيب البن من اثيوبيا واغليهو في نار جسمي
رشا : تضحك البنت لا ماتتعب روحك ونحنا شايلنك للتقيلة
انا : عديلة وانا رقبتي سدادة بس خليني اجيب ليك كباية قهوة
رشا: انا منتظراك..............
سعيلي الله لمن قالت لي كدة حسيت كاني في طيارة وبين طيات السحاب وهي سحابة تتبعني وانا ابراي فيها
ومشيت لست الشاي
هاك يا رشا امسكي قلبي اقصد الحبنة
وانا والجبنة كنا في كباية واحدة
والكمساري ينادي وست الشاي تنادي وبتاع الموية ينادي وبتاع الجرائد ينادي
وانا وووب علي بقيت انادي واهاتي واجعر وابكي وبطرف الجلابية اقشقش في دميعاتي بالدس
ويا اللوري عليك الرسول بوري
وركبت فوق البص وانا ركبت فوق عفاريتي وهي اتوهطت فوق الكرسي وانا اتوهطتا فوق نيراني
بس بقول ليك يا رشا بتتاخري كتير
لا بس عندي كم ( سمستر ) وبرجع
يا شيخي عنتر من السمستر والسمستر دة شنو يا رشا
تضحك وانا اتبسم واتكشم واتنفش وانكمش ومنعول ابوك يا السمستر
واتحرك البص في رعاية الله وانا بقيت لاني قادر ارجع البيت ولاني قادر اغادر السوق وحسيت كل الخلق تعاين لي وانا مقهي
وفاغر فاهي ومنتظر البص يرجع ويقول ما ماشين
عاد الليلة يا شيخي ودالزين واحمر عين تغطيها من وعثاء السفر وعناء البندر وكهربتو ورقشاتو
سافرت................
ااي يا يمة
عاد ودعتها للانام ولا اكل الطعام وبركة الصباح ودعوة الصلاح وجبيرئل الفي المدينة صاح
ويا ودحسونة ويا ودشنتور ويا ابوشراء تغطيها وتحفظها من العين ومن الاتوس والرقشات والحفلات
والبارتيات ومن البنات المتكشفات ومن بنات العرفيات
ودعتك وداعتن لا تحرقي ولا تغرقي ولا تحومي ولا تتحاومي وعارفك يا بنتي هدية ورضية
واانا ادعو الله يقطعك يا البص والسوق الشعبي ويا البند وانت كمان يا السمستر
وبنرجع ليكم بعد ما ترجع رشوية من السمستر
وفي رعايه الله

» كيس الزبالة.. تفاهات من زبالة الذاكرة
» الحصاحيصا تقول ..صباح الزبالة ايها السادة المسؤلون (توجد صور )