موضوع: الراسو لفّ منو؟ الخميس 8 أكتوبر 2009 - 10:57
في الجرائد علاء الدين يوسف وسيف مساوي قالوا راسهم لفّ أثناء مباراة الخمسة الشهيرة وقالوا الموضوع فيه حاجة ما طبيعية
غايتو علاء الدين يوسف كضاب عاوز يبرر الموضوع لي روحه ساي
لكن سيف مساوي كلامه صاح أنا مقتنع مية في المية إنه سيف مساوي راسو لفّ
لما موبوتو دور بيه قبل ضربة الجزاء لحدي ما بقى ما فاهم الاتجاهات وحضن موبوتو من ضهرو ياخي أنا القاعد في التلفزيون راسي لفّ تقول لي مساوي راسو ما لفّ !! كيف يعني ما يلف ؟
أها قالوا المباراة فيها حاجة ما طبيعية دي أنا معاهم فيها يا مريخاب هسة عليكم الله العملوهو في اسامة التعاون دة طبيعي؟ قلبوه يمين وقلبوه شمال وبيضوها ليه وهو قاعد ووقعوهو وقوموهو وبرضو تقولوا لي طبيعي؟ عاد جنس دة شفتوهو متين؟
غايتو يا الباشا الله اجازى محنك بشتتة ذى دى ماشفناها واخونا راشد الجاك من الناس الحاجزين تزكرة لمباراة حبيب مازيمبى ضد برشلونة وقالوا التعاون حا يمسك ميسى
قبل بضع سنوات، ضربت صاعقة رعدية ملعبا لكرة القدم في جمهورية الكنغو الديمقراطية(ديل ناس ماذنبي) خلا إحدى المباريات ، الغريب أن تلك الصاعقة قتلت جميع لاعبي احد الفريقين في حين لم يصب أي لاعب من لاعبي الفريق المنافس بسوء...الله يستر علي ناس الهلال ...سوف تضربون لكن بصواعق من نوع آخر (صواعق ما بتكتل ) هنا كدا ,,,هناك كيف
موضوع: الراسو لفّ منو؟ 
الخميس 8 أكتوبر 2009 - 10:57
