انا عرست فيك !!!!

دخل رجل على زوجته

وهي مشغولة بالبيت

وناداها :
قال :ياهناية ...
قالت :ايوه

قال : تعالي دايرك هنا ...

قالت : في شنو ؟؟

قال : تعالي بس وانا بوريك ...

قالت : ياخي انا مشغوله قاعده اكوي في هدومك !

قال : خلي المكوة وتعالي ...

قالت : خلاص كويس ...

ثواني وجاتو لابسها كيف ..كيف ..

وريحتها طاقة... وابتسامتها ماليه وجهها ...

قالت : أها في شنو ...

عاين ليها بإبتسامة صفراء وقال :

شوفي ... أنا عرست فيك ...

بردلب وقعت على الكرسي وهي تعاين ليهو ...

و بصوت يرتجف

قالت : عررر......... سجمي ... قلت شنو ؟؟؟

قال : قلت ليك أنا عرست عليك ...

ويالله قومي شيلي هدومك وأرحكي على بيت أبوكي ...

أنا مسافر مع مرتي التانية كم يوم كدا نقضي لينا شهر عسل وبجي
راجع ...

عاينت ليهو بين مصدقة وما مصدقة ...
وبدون مقدمات قام ليك فيها ...

وقال : ما تعايني لي كدا قومي جيبي شنطتك وانا راجيك برة في
العربية ...

طلع وهي تعاين ليهو ومندهشه !!!!!!!

ومنططة عيونها ومحتارة ياربي الحاصل شنو ؟؟؟
دقايق وجاتو في العربية ...

وبصوت مخنوق ...
قالت : لو سمحت ممكن تجيب الشنطه ؟؟؟
نزل من العربية وشال الشنطة وختاها في المقعد الخلفي ...

دور العربية وطوالي على بيت أبوها ...
بعد شوية وصلو البيت ...
قال ليها : تفضلي انزلي .....

فتحت الباب ونزل قبلها وشال الشنطه ...

وجاء بي عند بابها ومسك يدها .......

وقال ليها : حبيبتي

أنا لا عرست فيك ولاهم يحزنون
بس ... ابوك مات !!!

هي بدون ماتشعر قالت:

الحمدلله خوفتني ...

يا امجد شنو القصة دى............ والله حيرتنا .... خلاص عايزيين قصة من السعودية .... وله هى القصة دى زاته سعودية لانو لو البت دى سودانية كانت برضو غمرت والله اعلم. مع تحيات حمودى......

قصة إبداع وحلوة ومجنونة جن ... الزول ما داير يكتل المراة ويلحقه أبوها .... والله ده طريقة جديدة (3ـ5ـ2) وهجومية لإبلاغ الأخبار السيئة ... سلمت يداك أبو أحمد وكتر لينا من الحاجات ده ...

يا اب احمد
الايام دي في موضة عرس في الزوجة الاولي ,,اوع قصتك دي تنتشر ويقوموا الزوجات الاوائل يفتكروا انو ابواتهم ماتوا ويفشل الزواج...هي سجمي ابوي مات ,, وهاك يا سكلابة وكان ما فشل الزواج الثاني اهو برضو يبقي البكا والسكلي اظهار من صحة شروط العقد بدل من طاخ طراخ السلاح.. عقدوا والله لسع؟؟؟؟ وتبقي الدموع في عيون الزوجة الاولي المعرس فيها ، دموع فرح للضرة الجديدة قامت به الزوجة الاولي خوفا علي العروسة الجديدة من دموع فرحتها تسيل علي المكياج.. هي صحي عقدوا والله لسع؟؟؟
تحياتي لهذا الابداع

باااااااااااااااالغته يا الجعلي فيها دي بس تعرف الزول ده مرتو سمينه جداً وخاف يوريها في البيت وتغمر وتسكل وتولول وحيلة يموت ويبقى في شيله رقده قومه وديها العربيه ركبه نزله من العربيه دخله بيت ابوها الميت وده كلو على حساب ضهر صاحبنا وطبعا عندو قضروف وده مشكلة كبيره بس فكرتو تعقد ولكن ذي ماقال عمنا هيثم اقصد حسن المشكلة القصة تنتشر والنسوان يسمعو بيها ولو عرست جد جد وجيت كلمت مرتك تسكل علي ابوها الحي وفضيحتك فضيحه ..
دمت ابو احمد مبدعاً ..
ولي قدااااااااااااااااام

شيخ حسن سلامات !!!

غالبية السعوديين ما عندهم مشكلة في الموت كان مات ابوك ولا ولدك عادي جدا جدا وكذلك الطلاق
مافارقه معاهم عشان كده ماعندهم مقدمات لا للطلاق ولا للموت تووووش علي طول .......

ذكرتني قصة واقعية حصلت قبل فترة ....... كنت في مستشفي بالرياض مع المدير الاداري
فجابو ليهو واحد سعودي رافض يدفع فلوس عملية زوجتو والسبب لانها شغالة براتب احسن منو وماسكه
مرتبها ومابتطلع منو حاجه للبيت وقال كان أصريتو بطلقها قدامكم الان !!!!!!!!!

يا أبو علي منو القال ليك ؟

والله شدة ما عقلهن صغير ... الواحده كان كنتو بتعاينو في المسلسل وجات سيرة واحد عرس في مرتو .....تزنق عليك شهر وتخليك تلعن التلفزيون واليوم الشفتو فيهو ...

اظرف حاجة في العمارة معانا واحد سوداني متزوج فلبينية علي مرتو الاولى ومريحاهو شديد ! ففي الطالعة والنازلة تزم فيهو رغم أن الكلام ده مر عليهو سنتين ..... لزوم فتح عينك ...

أستاذنا الجاهوري انت عارف أجمل مافي الحياه الزوجية بتخليك مبدع في الخطط وكل يوم عندك قصه جديده أو تحريف لقصة سمعتها زي دي مع التطبيق الفعلي للإستمتاع برد الفعل وهن في البيوت طيبات بيصدقن ...... صاح بيمغصن عليك لكن برضو بتشيل الرتابه ...... عشان كده المدرب الما متزوج بيكون فاشل ... سلامي للأولاد ......

يا ود الجاك النسوان ديل كان عملته فيهم مقلب الليلة وبكره كررتو بيصدقن يا عم هن ما صدقن قبضن ........

صاحبك ده ما عندو حنك سنين ........

يا استاذ امجد يارايع هذه المراة السودانية همها الاول زوجها فكثير من الاحيان يتركن عملهم وشهاداتهم الجامعيه وذلك من اجل الزوج وكزلك من اجل الوالد الزي رباها فكبرها فعلمها ولكن ممكن تحصل