صعاليك النت

يا وراق..
كلامك الأخير ريحنا من مقولة(اللبيب بالإشارهـ يفهم)..؟؟ لأنو نحنا هجرتنا (عن قصد) النباهة و عايشين (غير مشكورين) مرحلة (البلاهة)..؟؟.. و ربنا يجازينا و إياك حسن الخاتمه و العفو في الدين و الدنيا و الأخرهـ و يٌفرِج علينا ، ما عليهم..؟؟
و دمت..

اعلن الاتحاد المحلي لمدينة الحصاحيصا
عن قيام مبارة ودية يكون الدخل لصالح تعمير شوارع الحصاحيصا وهي بين

صعاليك النت vs صعاليك الانتخابات
صعاليك النت بزيهم الاحمر المعهود وصعاليق الانتخابات بالزي الاسود الكامن القاتم فى القلوب والله يبيض القلوب

وتوقع كل المراقبين بانها ستكون مباراة حامية الوطيس لما لها من اهمية وحساسية بين جمهور الفريقين

وستساهم فى اصلاح ما فسد ,,, والله يغتيك يا حصـــــــاحيصـــــــــــــــا


ابوعلي ماتنسي تجيب لينا مدرب اجنبي


وكــــــــــــــلنا حصــــــــــــــــاحيصـــــــــــــــــا
كـــــــــــــــــــــــــــــــــــــــل الــــــــــــــــود

بالمناسبة اعملو حسابكم

ما تجيبو لينا اعلام سالب كمان استعدو كويس ولازم تغلبو

ما تبقي عليكم قصة الوصيفاب


كــــــــــــــل الــــــــــــــود
وكـــــــــــــــلنا حصــــــــــــاحيصـــــــــــا

والله با حافظ ده كلوا هين
الكلام التحكيم والله استر الجماعه ديل متعودين علي البيع والرشاوي والتزوير..
وحريفيييييييييييييييييييييييييييييييين في الاساليب دي .....
الله يعينكم يالصعاليك !!!!!!!!!!!!!!!

صعاليك النت بالمرصاد لمن يمارسون الظلم في الطرقات
صعاليك النت بالمرصاد لمن يقتاتون من مال الشعب
صعاليك النت بالمرصاد لمن اكتنزوا الذهب والفضة وبنوا العمارات السوامق من مال فقراء لا يتوسدون سوي التراب
صعايك النت بالمرصاد لمن اردوا للمواطن ان يكون مثل جندي الشطرنج يحركونه كفيما ارادوا

وكلنا حصاحيصا نـــــــــــــــــــــــــــــــــــــــــــــــــــــــــــــــــــــــــــــــــــــت

انا عايز امشى مع صعاليك الانتخابات يا حافظ
يمكن تجينا حاجة
رايك شنو
اصلو الايام ديه توزيع بتاع اراضى وكده

قلت اراضى وين يا عمار انا ذاتى معاك النطلع من الحصاحيصا دى بى واطة ساى على اسوء الفروض

الأخ العزيز وراق ...........

بدل ما يسمنا صعاليك النت ما يسمونا المتفرجين الغيورين ، الأنسان عندما يكون داخل الملعب المتفرج بكون شايف الخانات والثغرات أكثر منه ....
ولكن خلينا ندعوا الله ان يغير ما في نفوسهم وان يرزقهم البطانة الصالحة الدالة على الخير وان يولى علينا أخيارنا ولو كانت لنا دعوة صالحة فالندعوا بها للحكام عسى ان ينير الله بصيرتهم ... لان بصلاحهم تصلح كل امور الدولة ....

صعاليك النت ..استقبلووووك
ومجدوك ..وصورووووك
ومن الحصاحيصا لي مدني وصلووووك
اشادو بيك ..وامنووووووووك
وانت غدرت بيهم .....وهم ما برحمووووك
اغتبتهم ,,,ظلمتهم,,,ما بريحوووك
ولو قلت كيف ...؟
بالكتابة بقنعووووووك
ويوسفني اقول ....انت ما بتعرف صليحك من عدوووووك
خليك معا ناس شلعوها وشلعوووووك
والانتخابات جاتك ...و ما بدوووك
وبي معداتك هم كشفووووك
عايز تغشهم وهم الفهمووووك
لفظتهم بالصعاليك ...وهم اشرف من الملووووك
ونواصل ونتبراء من كل آثم وفاجر
وهمو في الدنيا التفاخر
والتناحر
كل الود
وكلنا صعاليك

حسبنا الله ونعم الوكيل

الاخ عمار تلودي والاخت ايناس عدوي
نحن بنزعل شديد لو تحولتوا لصعاليك الانتخابات وطلعتوا بقطعة ارض في الحصاحيصا بس يعني بتحولكم هذا تستحقوا لكل واحد عمارة في جبرة وسيارة لاندكروزر استيشن واصلو انتم هينين واللا لينين وما في حد احسن من حد

كمال الجمل كتب:

الاخ عمار تلودي والاخت ايناس عدوي
نحن بنزعل شديد لو تحولتوا لصعاليك الانتخابات وطلعتوا بقطعة ارض في الحصاحيصا بس يعني بتحولكم هذا تستحقوا لكل واحد عمارة في جبرة وسيارة لاندكروزر استيشن واصلو انتم هينين واللا لينين وما في حد احسن من حد

الاخ كمال كانت جابت ليه عمارات وعربات لاندكروزر انا بعلن انسحابى وما داير معاكم ياصعاليك الانتخابات (اتقى النار ولو بشق تمرة)

هااااك التمره دي يا نــــــــــــوسه ؟؟؟
كــــــــــــــــــــل الـــــــــــــــــــــــود
وكـــــــــــــــــلنا إسترالــــــــــــــــــــيا

سلامات للجميع وشوقنا كتير وناسف للانقطاع لظروف عمليه .غبنا جينا لقينا القصه فيها صعلقه ونبز كمان ،لكن يا حسن وراق تستاهلوا .بعدين يا جماعه صعاليق دى ما نبذ لانها وصفوا بيها اعظم شعراء العرب فى زمنهم ووصفوا بيها كل شعرائنا وفنانينا لانهم اتوا بالجديد ، ودايما الجديد والمختلف من الاشياء بيبدو مستغرب فى زمن الانحطاط ،لانو يبدوا انو الحديث عن الشرف والطهر فى زمن الفساد والمفسدين بقى مشاتر ،وحتى الرسول (ص)قال طوبى للغرباء فى زمن البعد عن الدين واستغلالوا لاغراض الدنيا حتى يبدو الماسك على دينو شكلوا غريب .
شدوا حيلكم انتو غالبين قبل المباراه ما تبدأ يا حافظ وبعدين يا دسكو كلنا دار التحالف بالحى الاوسط .

ينتابني شعور غريب وأنا خارج أسوار الوطن ... عشق لأرض النيلين وأهل المليون مربع ... ورغم مرارة الغربة والبعاد من الأهل والأحبة لكن مرات كثيرة الواحد بشعر بارتياح بحثاً عن الاستقرار ولقمة العيش الكريمة بعد أن ضاقت بنا السبل داخل أسوار الوطن .... وصف صعاليك النت مؤشر على أن ما كتب عن مواضيع الإهمال والتردي والفساد قد وصلت وهذا اعتراف بتلك الوقائع ... يا حافظ أنا خليني مدرب (كامبوس) بضع ليكم الخطة والتيم وليك على نغلبهم ليك ذهاب وإياب ....

الامثال الشعبيه كثيرة وارتبطة بالواقع السودانى المعاش... الكلب ينبح والجمل ماشى ... والسفيه نبذ الباشا ..والعارف عزوا مستريح...والخ.... لكل المتداخلين مهما قيل يؤكد انكم تسييرون فى الطريق الصحيح.... لذا المطلوب ليس الرد ... الرد... وانما المزيد من تسليط الضؤ على مواقع الظلام... هذا هو الرد الحقيقى المطلوب من الجميع . لنبتعد عن الاسفاف فى الردود التى تخرجنا عن جادة الطريق.... هم عايزيين كده لابعادكم عن مواقع عملهم سستبقى الحصاحيصا فى قلوبنا دائما .... ويذهب الزبد جفاء ويبقى ماينفع الناس ..