عُـــــــــــذراً للصــــــــــــراحة

زائر

الاخوه الاعزاء

أبناء مدينتا العنيده

تحية إجلال وتقدير واحترام

لوحظ فى الفترة الاخيره وجود بعض المشاركات التي تهدف لزر التراب علي الاعين وبالدارجي (المديده حرقتني) من بعض الدخلاء الذين لان ندري من اين هم اصلا؟؟؟ ولماذا هم أصلا يتواجدون بيننا , وانا هنا إذ أُشير باتهامي صراحة لاناس نحسب ان إنتماءهم لنا قد يفرق ولا يقرب ونحن لسنا في حوجه لهؤلاء علي أقل تقدير في هذة المرحلة .
قد يتسأل احدهم ويصفني بالمتعصب والقبلي والله علي ما اقول شهيد اني براءة من ذلك ,,, ولكن حينما تجد من يصطاد فى الماء العكر وعلي من !!!
علي ابناء البيت الواحد وانا هنا احسب ان كل انسان حينما يضغط علي زر الدخول وكأنه دخل ليس فقط علي حسابة الشخصي فى موقع الحصاحيصا دوت كوم بل قد استأذن بالدخول لكل بيت من بيوت اهلنا الشرفاء فى هذه المدينة المعطاءة .
لذا وعلية نرجو التعامل من هذا المنطلق واننا قد خرجنا من رحم واحد ولا توجد فيما بيننا ضقائن او ما شابه ذلك ,,, قد نختلف احيانا ولكن اختلافنا هذا لا يكون الا من حيث اختلاف وجهات النظر فقط وتظل العلائق كما هي .
الفت انتباه الاخوه الاعزاء لموضوع طال الحديث عنه الا وهو (لا للالقاب) وهذا ما حداني الا ان اكتب هذة المشاركة وذلك لوجود بعض الاسماء الواهيه التي هدفها الاول والاخير ان تطفيئ جو غير معافي بين ابناء هذة المدينة الرائعة ,,,
ولمزيداً من الصراحة اني ادعو من هذا البوست كل منتسبي هذا المنتدي الرائع والذي وًلد بسنونه ان يكون هناك بوست تعريفي لجميع الاعضاء حتي نتمكن من التواصل مع بعضنا البعض بكل اريحية ودون تحفظ وهذا كُله من اجل عيون تلك الجميلة الحصاحيصا .
ولتكن البداية بالضيوف اولا ,,,,

فهلا تقدمت اخي ود الحاج وعرفت عن نفسك ؟؟؟؟

رجاء وضع وسيلة اتصال (رقم هاتف ) برسالة للادارة ليتم ادراجها في صفحة البيانات الخاصة بالاعضاء اذا لم تريد بنشر معلوماتك فى هذا الفضاء الاسفيري .

ودمتم
كـــــــــــــــــــــــل الـــــــــــــــــود
وكـــــــــــــــلنا حصـــــــــــــــــــــــــاحيصـــــــــــــــــــــا

تحياتي..
بغض النظر عن الشخص مثار التساؤل هنا، فإن الحديث عن الأسماء المستعارة تكرر الحديث عنه أكثر من مرهـ.. المنتدي يحمل إسم مدينه،إذن لا داعي من أن يتخفي البعض وراء مسميات تجعلك أحياناً كأنك تحاور (خيال المأته) و ليس في هذا سخريه من أحد و أقدر تماماً أنه هناك من لهم ظروف أو أسباب تمنعهم من المشاركه بأسمائهم الحقيقيه، إلا أن ذلك يتضرر منه أخرون خصوصاً إذا جنح صاحب الإسم المستعار إلي الإساءه الرخيصه و الكلمه لا ترد حتي و لو تم الإعتذار عنها..؟؟ و ربما يلجأ هؤلاء لمعاكسة بنات حواء عبر الرسائل الخاصه و ما أكثرها..؟؟ و ربما.. ربما.. ربما.......؟؟؟؟؟.. كما أن معرفتك من تخاطب أو تحاور تضيف للحديث بعداً أخر دعنا نقول أنه إيجابي و الإيجابيه مطلوبه في كل الأحوال..
عليه أقترح إعطاء ذوي الألقاب و الأسماء المستعاره فتره زمنيه محدده يتم فيها تغيير أسمائهم إلي الحقيقيه و بعد ذلك يكون هناك إجراء مناسب حتي ولو يبقي في المنتدي ثلاثه و رابعهم تلاقيهم الخلاق..
و دمتم..

عين العقل ،،
نؤيد،،
نساند،،
بشدة .
بالمناسبة.. حسن وراق حسن دا اسمي الحقيقي واهلي بيدلعوني وبقول لي :
حسن وراق حسن
فمن انت يا حلم الصبا؟؟؟

نحنا زمان شن قلنا
انا واحد من الناس الكتبته عدة مرات عن الالغاب ولا حياة لمن تنادي

لكن مادام جات منكم نؤيد وبـشــــــــــــــــــــــــــــــده .

انا انور ود محمد الحسن ود عبدالوهاب
وكمان
ود رقيه بت الماحي ود يوسف
الحصاحيصا الحي الاوسط
يعني بالعربي كده ود قـــلِـبه
بالميلاد

لك التحية والاحترام اخي ودفعتي حافظ
انا اتفق معك في الراي
نحن جميعنا نعلم انه اذا اقدم المرئ على عمل في الخفاء فهذه دلالة على انه مخطئ فيما يفعل او انه خائف من شئ
لذلك لا مبرر للتخفي وراء الالقاب لانني متاكد انه ليس بيننا مخطئ او جبان
وان كان لابد من استعمال الالقاب فعلى الذي يستعمل لقبا تعريف نفسه بصورة على الاقل

وانا ياحافظ( ود حامده ابراهيم) فايزه بت ود السيد الفى الحله الجديده ما ود السيد الفى الحى الاوسط وزمان كنت شغاله فى بنك الادخار وفصلتنى تعسفيا حيكومة الانقاذ واخوانى ميرغنى ود السيد( نسيب ناس دسكو ومحمد كمال السر )ومصطفى المعرف بلياقه والسر السيد الاستاذ الكان ملقب بالسرقرض
وكان ماعرفتو نشوف طريقه ثانيه.وانت دحين ماك ود حامده ودسكو ماود امسلمه كولا وانور ودرقيه بت الماحى والله انا ضهبانه فيكم

زائر

فايزة يا بت ودالسيد كيف حالك

الاسم: وليد عبد اللطيف على عثمان عشي
اسم الوالدة: نورة عبد الحفيظ محمد عايد
السكن: الحصاحيصا - الحلة الجديدة
العمل: موسسة العشى لخدمات الكمبيوتر
جوال: 0912243115
العمل الاعلامى: مراسل صحفى لصحيفة المشاهد واخر لحظة واذاعة السلام
قصرت معاكم با اخوانا

الالقاب شئ فى نفس يعقوب
بالمناسبة يعقوب ده اسم حقيقى وما لقب
يعقوب سوف يرحل عن الحصاحيصا قريباً
اتمنى ذلك

ياود نوره ده تعريف ودعايه .

عاوزين نسجل

مرحب بيك يا احلى جاره

وليد العشي كتب:: مرحب بيك يا احلى جاره

يا عشى هوووووووووووووووووووووووواى بنادى ليك حسن كيشو اسه

ياحافظ يا أخوي سلامات :
الاسماء الوهمية عورة ؟ أم ورقة توت ؟

تحياتي اخي حافظ اينما كنت
في منتدي الحصاحيصا دوت نت
كتبت موضوع بنفس المضمون وكان معنون ( هل انتم نكرة علي انفسكم )
وقامت الدنيا وماقعدت الي ان تم ايقاف عضويتي من الامم المتحدة
والكل استنكر ما عنونته والسبب شنو والله ما عارف
وكنت بقول ليهم ياناس نحن في بيت واحد ومستحيل يجي زول يجد الباب مغلق يدق الباب وحين يسال يقول ليهم ( جرح الزمن )
معقولة وانا في بيتنا مافي زول بالاسم دا
المهم الشغلا جاطت وصاتت الي الان لا زلت في نفسي شي من الالقاب خصوصا حين نكون في بيت واحد وكما قلت من رحم واحد اتولدنا
يعني لا داعي للمسميات الغير مطابقة للاسم الحقيقي ومافيها حاجة لو كتبت اسمك الحقيقي لانو اسمك ومسجل في بيناتك الرسميه
ولا ضير ان تكتب مع اسمك اي اسم انت تختارة
وقالو علي كفرت وارتديت عن المله وطالبو بالقصاص مني والحمدلله عادت الان المياه لمجاريها
بفضل من احد الاخوان المتفهم للعنوان
ولا مانع من الالقاب في المنتديات الكبري مثل اونلاين او اوفلاين لانها منتديات عامه بالمعني والكيف
ولك شكري علي طرحك
وتقبل تحياتي

اخي حافظ والله انت جبته التايها ذي ما بيقولوا انا طبعا من الاعضا الجدد وحكاية الالقاب دي تعبتني شديد يعني اي شخص كاتب اسمو وانا اساسا ما بعرفوا برجع علي طول للحواليه وبعرف دي فلانة ودا فلان ودناس فلان وانبسط جدا انو الماحظيت بمعرفتوا مع ظروف الحياة ان كانت مكانية اوذمانية انوا اليوم اقدراتواصل معاه مثلا انا من الامتدادا بعرف ناس الامتداداكيد اكثر من غيرهم بحكم الجيرة وغيروا من الاسباب فاكيد من خلال البيت العامر ده نقدر نكسر كل الحواجز ونكون الاسرة الواحدة البنحلم بيها فكيف الحال لمن اتعامل مع لقب انا لا عارفه ليه اصل ولافصل اكيد حتتلاشي كل الاهداف التي من اجلها وجد هذا الصرح واكون ذي البتعامل مع اي مجهول في اي تجمع اخرفلماذا ولماذا

نتفق وبشده بعدم وجود ضروره للتعامل بالقاب ، وضرورة تسجيل معلومات تفصيليه لدى طلب العضويه وضرورة التذكيه من عضوين معروفين لتفادى اى تسبيب مضايقات للاخرين ،ونرجو التعامل مع هذه الظاهره بالحسم المطلوب .

السلام عليكم ورحمة الله
الاخ حافظ
الاخوة المتداخلون
سبق ان عرفت نفسي في البوست الخاص بالاخ وليد العشي
يحي الدين عبداللهg.t
المايقوما
اولاً اخي حافظ في هذا البوست عزراً للصراحة
لا توجد صراحة
كنت اتمني ان تكون هنالك شفافية ووضوع علي الاطلاق
(تقول للاعور اعور في عينو) اكيد البشوف بيها
واختلف معك في منطق الالقاب
عندما يقدم الشخص علي الاشتراك في المنتدي هنالك شروط ليس من بينها
عدم تداول الالقاب
وعند ملء البيانات هنالك بند بالاسم الحقيقي
اذن ذلك مشروع مع احتفاظ الادارة بالاسم الحقيقي
وتسقط شرعية التسجيل بعدم الالتزام بالشروط والبيانات الصحيحة
ومن حقي ان اختار الاسم الذي استدل به عن نفسي ومن حقكم عدم التواصل معي(الحصارالاجتماعي)
الناس طباع بينهم من حب الظهور والاخر يحب الخفاء ومنهم من يحب الشمس والاخر يحب الظل
فرضت عليهم اسمائهم الحقيقية دعوهم يختارون اسماء يعشقونها
اسف للصراحة

انت ياولد يايحى يامارد زعلللللللللللللللللللللللللللللللللللللللللللللللللللان كده ليه ؟اخترت اسم خاص مافى مشكله

لكن قلنا بس الزول اقول لينا هو منو عشان نعرفه وهسع عرفناك.اقعد بالمارد بتاعتك دى ونحن نعرف المارد يحيى .

ماتزعل

بس الفطور الجاى تعال

الاستاذه فايزه
السلام عليك
اناما زعلان ولا حاجة
ده الشايفو انا
وممكن يكون غلط او صاح
تخريمة
انا كنت بقعد في الكنبة الطيش
عشان كده شغبي كتير
لكن الفطور الجاي علي انا
العصيدة بارت ولا شنو