موسوعة نكات المساطيل

امسك الخشب !!!


مسطول اشترى بي ام دبليو بمواصفات
خاصة فيها الكمبيوتر يصلح كل شي
دقش الباب اليمين ، فرد الكمبيوتر: يا أيها الباب ارجع كما كنت
دقش الباب الشمال ، فرد الكمبيوتر يا أيها الباب ارجع كما كنت
عجبته الحكاية قام طار بالعربية من فوق الكوبري
فرد الكمبيوتر: يا أيتها النفس المطمئنة ارجعي إلى ربك راضية مرضية
####

واحد مسطول سطله شديده سمع المعلق بقول فاول لصالح رونالدو
قال أول مرة أعرف انو رونالدو عندو ولد اسمو صالح.
####

مسطول جاتو فاتورة الموية مليون قال اكيد الجماعة ديل كتبو مطرة
امبارح دي في حسابي سكران رجع البيت متاخر
مرتو سالتو وين لي هسي !! قال ليها كنت بلعب شطرنج
قالت ليهو شطرنج شنو وريحتك عرقي قال ليها يعنى عاوزة ريحتي تكون شطرنج
####

مسطول قال لصاحبه : شنو ياخي الوالد مما اتوفى بقينا ما بنشوفو ؟
####

في الحافلة فجأة شريط المسجل وقف
المسطول سأل الراكب جنبو: اسمع يا
أخي ود اللمين ده نزل ولاشنو؟
####

مسطول جاء داخل بيتهم بالليل....ابوهو صحي بيه...وعمل
معاهو مشكلة وطردو من البيت....وقفل الباب....قام
المسطول كتب علي الباب بي فحمة... منزل الدكتور خليل ابراهيم
####

واحد رباطابى عندو غنماية خايف عليها من العين عشان كدة داسيها
من الناس اقصد الجيران لكن بالرغم من كدة فى واحد من الجيران شاف
الغنماية لكن ما اتكلم بعد فترة الرباطابى قام اشترى ليهو بقرة
فرزيان وطبعا كان خايف شديد وجا ماشى براحة جنب الحيطة عشان الجيران
قام جارو الكان شاف الغنماية طلع ليهو براحة وقال ليهو اسمع بعد جبت
الهيئة القومية دى ما تدينا الجنليتر الجوة داك
####

واحد قام من نومه نص الليل على صوت الجيران بيصرخوا
قالوا في تسمم في خزانات الموية رجع البيت سألته زوجته
الحاصل شنو !! قال ليها مافي حاجة .. إشربي ليك مويـــة ونومي
####

شايقي ورباطابي مسافرينالشايقي شايل اكل كتير
بالليل الرباطابي شايل معاهوبطانيه اتغطي وخلي الشايقي في
البردالشايقي اتغاظ وقعد يقول والله
انا عندي قراصه سمحه وفطير مافي
زيو وبلح كتير لكن ما جعان هسي اعمل بيهم شنو
الرباطابي قال ليهو اعمل بيهم سويتر
####

واحد قال لمرتو : مساكين بنات لبنان دمرتهم الحروب .. والله لو كل
واحد يأخد واحده يكون اجرو كبيرقالت : والله المساكين بنات
الصومال تلقى اجرهم اعظم
####

مسطول مشي يخطب بت ..
قدمو ليه كباية شاي فيها كيس لبتون
قال لي صاحبو : أها من قولة تيت مسوين لينا عمل..




مع خالص ودي,,,

واحد بيسطل مع مرتو في البيت، الباب دقه قالت ليهو: سجمي راجلي جاء
قام تلب بالحيطة
****
مسطول مشى لندن، لما رجع سألو صاحبو عن البلد هناك. قاليهو: تمام لكن المحيرني حتى الشفع بتكلمو انجليزي
****
مسطول سألوه : ماهو الحب؟؟
رد: أكولة في القلب ما تعرف تحكها
****
مسطول جاب ليهو موبايل جديد اداهو لي اخوهو
قال ليهو هاك اكتب لي رسالة انا خطي كعب
****
في مسطول قاعد جنب ست شاي: قالت ليهو : أديك جبنا؟؟؟
قال ليها: والله ما عارف، لكن الجداد جا نزل الطوب حسي ومشي
****
مسطول طلع من السينما لقى العجله بتاعتو سرقوها !! قال بالله دي الفاظ دي.

محشش فكر وحس ان العالم فيه اشياء كثيرة غلط ووضع اسئلة ليبرهن على ذلك :

1-إذا كانت الخضار والفاكهة تفيد في تخسيس الوزن ، فلماذا لم يستفد الفيل منها ؟
..
2-أنت تركض للأمام لتخفيض وزنك ، ماذا لو ركضت للوراء هل يزيد وزنك ؟؟؟؟

3-لماذا الصمغ الشديدالفعالية لا يلتصق بالأنبوب الذي يحتويه ؟

-إشارة ممنوع المشي على الحشيش المزروع ، كيف وضعت في مكانها ؟؟

6-البطيخ الذي لايحتوي بذور ، كيف تمت زراعته ؟

7-نسمع كثيراً عن سرعة الضوء ، طيب كم تبلغ سرعة العتمة ؟؟

8-لماذا لا يصنعون طعام القطط بنكهة الفئران ؟

9-لماذا يعقمون الإبرةالسامة لقتل المحكوم عليهم بالإعدام ؟؟؟؟

10-طيب هذا سؤال أجمل منه


لماذا كان الطيارون الانتحاريون اليابانيون ( الكاميكاز ) يرتدون خوذة
واقية ؟؟؟

11-إذا كان السوبر ماركت يفتح لمدة أربعا وعشرين ساعة في اليوم لمدة عامٍ
كامل ، فلماذا وضعت عليه الأبواب والأقفال؟؟

هوي الكلام ده ما قلتو انا
ده منقول

النمر في الغابة متخصص في ضرب الثعلب كلما يشوفوا يضربه على رأسه ويقول ليهو: ليه ما لابس طاقية؟
الثعلب اشتكى للاسد فنادى النمر ونصحه: مافي مانع تضربه بس لازم يبقى عندك سبب تقوله للجماهير.. مثلاً قول ليهو جيب لي تفاح ولو جابو أحمر تضربه وتقول ليهو انا عاوزو أصفر، ولو جابو أصفر تضربه وتقول ليهو أنا عاوزو أحمر.
راح النمر ينفذ الحيلة وقال للثلعب: جيب لي تفاح، الثعلب سأله: أصفر ولا أحمر؟ فضربه النمر على رأسه وقاليهو: ليه ما لابس طاقية!!


واحد من جماعة (الخيال الخصب) اشترى شريط فاضي وشغله في المسجل!! سأله صاحبه مستغرباً: مُشغل شريط فاضي ليه؟ رد صاحبنا: اصلي داير اسمع حاجة هاااادئه!!


واحد سأل واحد داقس قاليهو: شاي بالانجليزي شنو؟ رد صاحبنا: ساده ولا بى لبن؟


سأل الاستاذ: لماذا لم تأت يا خالد للمدرسة؟
اجاب خالد: كنت حلمان اني مسافر!!
إلتفت الى وليد وسأله: وإنت مالك ما جيت؟
اجاب وليد: أنا كنت بودعه!!



سألوا مصري: ليه المصريين بيحلفوا كتير؟ اجاب المصري: (والنبي) دي إشاعة يا بيه!!


واحد قاعد قدام الباب جاء بتاع فراخ، وبتاع الخضار، وبتاع البصل.. وبتاع الفحم..
قال: الواحد ممكن يعمل حلتو بالراحة قدام البيت!


واحد من جماعة (الخيال الخصب) بيعمل في تجربة على ضبانة مسكها وقاليها (طيري) فطارت.. قام قطع أجنحتها وقاليها (طيري) ما طارت، كتب: (اثبتت التجربة ان الضبانه اذا قطعت أجنحتها لا تسمع)

واحد أحوص بيشوف الواحد ثلاثة شاغل ليهو واحدة حوصة بتشوف الواحد عشرة ..
قاليها: يا بلابل غردي!!
وهى لأنها بتشوف الواحد عشرة قالت ليهو: هوووي يا اولاد الحله بطلوا قلة الادب!!


بمناسبة موت رفيق الحريري، في جماعة كدا لسه محتارين!! مين اللي مات الحريري ولا رفيقه؟!


واحد مغترب إتصل بأخته قاليها: اجيب ليك موبايل ولا عريس؟
قالت ليهو: اليومين دي الشبكة قالوا تعبانة!!


الزول إن ابا يرسل ليك رصيد خليهو..
لو بخلان عليك بي حبة الوف جليهو
الدنيا دوارة بكرة بتدور بيهو
بتدردق يجيك بي كراعك اعفص ليهو


واحد عايز يتزوج واحدة شغاله في سوداتل
قالت ليهو: «عفواً هذا المشترك لا يمكن الوصول اليه»
قام طلبها من ابوها.. قالت «خطوبتك لا تتم حسب الطريقة التي إتبعتها»!!

مسطول مشى بيت ناس صاحبو دق الباب جاتو أخت صاحبو
سألا "حسن" في ؟
قالت ليهو: ما في !
فضل واقف سرحان
قالت ليهو: خلاص لما يجي بكلمو ليك !!!
قاليها: كلميهو إنتي قايلاني خايف منو؟؟

مسطول ولدو ليهو بنت سألوه: 'حتسميها منو؟' قاليهم: حأسميها "هبة" على عمتي "علوية"

مساطيل لآقاهم عسكري سألهم: (ليه كلكم عيونكم حمرا كده ؟؟ قالوا ليهو: 'بنبقى لبعض'!!)

مسطول سأل مسطول: أمك حية ؟ قالي : لأ عقرب .. قا له لأ قصدي عايشة !؟ قالي لأ فاطمة
مسطول ماشي في الشارع شاف مكتوب
التطعيم ضد الجدري
قال ديل لاعبين بتين!!

مسطول سأل بتاع صيدلية:
عنك شريط بندول
قاليهو: نعم
المسطول: شغلو كدي النسمعو !

مسطول دخل متحف لقوه بلحس في اللوحات
قالو ليهو دا شنو؟
قال ليهم بتذوف في الفن

واحد مسطول بيشرب سجارة وبيرجع البيت يفتح الباب بالمفتاح و يرقد ينوم مرة كان مقرش اشترى سجارتين ولع واحدة ونسى التانية لما رجع البيت عاوز يطلع المفتاح طلع السجارة التانية استغرب و قال ياربي أكون أنا شربت المفتاح
فار مسطول نام لمن صحى لقى جنبو كديسة ميتة قال: كنت عارف إني لمن ازعل برتكب جريمة

مسطول أمو مريضة مشى الصيدلية جاب ليها دواء لقاها ميتة قال: بصراحة دي حركة سخيفة للغاية ؟؟؟

مسطول قال لمرتو: الجيران ديل ضابحين ولا إيه ، ريحة الآبري دي شنو ؟؟؟

مسطـول سايق إسـعـاف .. فـى الحـرب .. شايل ليهـو 35 قتيـل فـى
الـعـربـة .. فقـام فتح الراديـو .. وسمـع لنـشـرة الأخبـار : سـقـوط 30
قتيـلاً .. وقف بسـرعـة .. وفتح باب سيارة الإسـعـاف .. وقـال : الخمسـه
مستهـبليـن ينـزلـوا ســريــع ..!!

مسطول عينوه مدير دار الايتام اول يوم طلب اجتماع مجلس اباء

مسطول يحب واحده من طرف واحد
سنه كامله يتابع فيها وهي ما جايبا خبر
بعد فترة شافا مع واحد
قال ليها: شوفي اعتبري البيناتنا انتهى

مسطول ماشي في غابه قام سكاهو اسد المسطول جاري والاسد جاري وراهو
المسطول لمن تعب قال للاسد تعال اكلني تاكل السم

مساطيل جاتهم كشة في البيت طفوا السجارة. سألوهم: الدخان ده جاي من وين؟ قالوا: والله ياخي البيت ده اجرناه
كده!!

مسطول درع الجلابية بتاعتو فى الشماعة بعد شوية الجلابية وقعت قال الحمد لله ما كنت لابسة!!!!

اثنين مســـــــاطيل الاول يقول للثاني تصدق انت تشبه الحمــــــار ؟ الثاني قاليهــو قول ماشــاء الله

ســـــــواق امجـاد راكب جنبو واحــــــد سميــــــــن لدرجة إنو ماقادر يســــــوق . في واحـد مسطـول راكب في الكنبه الخلفيـــه قال للسـواق.. ياابن العـم شيل دركسونك وتعال معانا بي ورا

عجوزه مسطولة بتسبح في حوض السباحة جاء برق .... قالت خلاص الشباب قام يصور

مسطول عايش في بيت عزابة ومفلسين فلس شديد وعندهم غنماية
بشربو بحليبة شاي الصباح وبفطرو وبتغدو وبتعشو من الحليب
والمسطول دة عندو جماعة بمشي اسطل معاهم كل يوم . في يوم جماعتو قاليهو
ياخ ماتعزمنا يوم عندك قال ليهم خلاص .
وكلم العزابة يزبحو الغنماية للضيوف
وفي اليوم التاني بعد العزومة جابولية شاي احمر
قال : وين الحليب
قالو لية الغنماية ما ضبحنا
قال ضبحتوها كلها


كان في شلة بتاعة مساطيل قاعدين في قهوة ..بيقولو ارقام وبيضحكو..واحد كان قاعد جنبهم استغرب من الحكاية دي ..
مشى سألهم الارقام دي قصتها شنو ليه بتضحكو عليها..؟
قالو ليه..نحن كل يوم بنجي نقعد هنا وبنحكي نكات وكل يوم بنكرر نفس النكات لمن حفظناها فقلنا بدل ما كل مرة نقول النكتة كلها ندي كل نكتة رقم والداير يحكي نكتة يقول رقمها والباقين يتذكروها ويضحكو..
صاحبنا داد عجبتو الفكرة قام قال ليهم عشرين..
المساطيل ديل اتدردقو في اشلله من الضحك.. قال مدام بيضحكو كده معناتا النكتة دي سمحة.. قال ليهم النكتة رقم عشرين دي حلوة للدرجة دي.. قالو ليه آي.. وبالمناسبة نحن أول مرة نسمعها..


غايتو انا تاني ما حاوريك وشي خالص (مسطولة بتتكلم مع المرايا)

واحد اشترى خروف عجبو شديد لدرجة إنو حننو ولبسو هلال قام جاب ضباح مسطول شاف الخروف محنن ولابس هلال قام طهرو ومشى

واحد قرب يغرق في البحر ومافى جنبو الا شايقي قال للشايقى عليك الله انقذنى الشايقى قال ليهو يازول استغفر ربك ده يومك



مسطول لقوه شايل شامبو وبمسح بيهو في بيض جداد
سالوه يا زول بتعمل في شنوو ؟؟؟؟
قال ليهم اصلو دا شامبو مزيل للقشرة


واحد مسطول محكوم عليهو بالاعدام كل ما يجي يشنقوه ، الحبل ينقطع ....عاين للسجان وقال ليهو وهو متغاظ .....احنا جايين ننشنق ولا جايين نلعب

مسطول قال لي زميلو: أمبارح اليوم كلو بالي مشغول
رد عليهو : يمكن يكون في زول رافع السماعة

اتنين مساطيل واحد قال للتاني تصدق انا لو شربت قهوة ما بقدر انوم..
التاني قال ليه انا عكسك لو نمت ما بقدر اشرب قهوة..

انتين مساطيل في لندن ركبوا الباص ابو طابقين..
واحد ركب فوق والتاني ركب تحت..
الراكب فوق دق للتحت في الموبايل قاليه انتو وصلتو وين..؟
داك قاليه جنب ساعة بغ بن وانتو وين..
الفوق قال ليه لالا نحن لسة سواقنا ما جا..

مسطول قاعد وجنبو قروش شالتو نومة
جوهو حرامية شالوا قرورشو وحلقو ليهو صلعة
زولكم قام ليك مخلوع - لا حول ولا قوة الابالله - قروشى وين
بس بعد شوية خت يدو في راسو لقاهو صلعة
قال : آآآآآآآآ ولا دا ما انا

مسطول حضن الزير قال لى وين يا مرطب

مسطول في بيت البكاء بكاء مع اجمل واحده


قالوا ليهو دي ما من أهل الميت
قال ليهم دي الماتو ليها شوية

عجوز كل يوم تقشر وتمشي للجكس ومابعبرها ولا بيقول ليها لبستك حلوة
فيوم اتحرقت ماعرفت تلبس شنو قامت مشت من غير هدوم
لاقاها مسطول قال ليها لبستك حلوة لكين اكويها

مسطول فتحو محطة بنزين جنب بيتهم.....
قال: اخيراً الواحد يقدر يكب بنزين كدارى

ضب مسطول قال للحيوانات:
أنا لو ما البنقو ومبارات الجكس
كان بقيت تمساح

يا صفوان ايمان لو دخلت البوست ده تاني ما حتفارقه وحيبقي فجاءة مية صفحة
لأنها موسوعة في النكات وخاصة نكات المساطيييل دي

والله بقت زيي الشريك المخالف لماتقول جاية مابتجي وفجأة تلقاها داخلة غايتو بقتنا محوصين زييها ,,,
المساطيل ديل نكاتم بتكون حاجة جديدة كدة يعني فكرة ماممكن تخطر في البال بسهولة ,,,انشالله تجي تضحكنا بالمساطيل

والله يا صفوان ايمان دي بالجد ربنا يعينها تعبانه شديد
انا غايتو لو في محلها بخلي الطب اتخيل انو البت دي يوم الجمعة شغالة

مسطول وقف تاكسى ..
و قال للسواق: " يا إبن ..العم " .. تودينى وين .. و أدفع ليك كم ؟
.. بتاع التاكسى زاتو طلع مسطول
".. فقال ليه : " أنزل هنا و أدفع البتدفعه

بااااااالغتي هههههههههههه
واحد مسطول قال لصاحبو (وده طبعا مسطول) شايف النملة الفي الحيطة ديييييك
قال لي ايوة شايفا لكن الحيطة وينا,,,

سواق تاكسي مسطول وقفوه بنات قالو ليه يا عم ماشين جبره
قاليهم امشو لكن ما تتأخرو

مسطول أول مرة يسوق عجله ماشي بيها سريع لقي ليه كشك سجاير قدامه بتاع الكشك قال ليه لف لف المسطول قال ليه لا لا قفل انت

اتنين مساطيل في قرية مافيها زول غيرم متعلم الا امام الجامع... يوم جمعة الامام صبح عيان قدر ماحاولو يعالجو الناس ماقدرو... اها جماعتنا ديل عرفو الخبر واحد فيهم قال انا بصلي بالناس... يللا قامو مشو عمل الخطبة والصلاة انتهت... مارقين سوا من الجامع قام سأل صاحبو:اها رايك شنو في الصلاة.... قال ليهو: والله صلاتك كاربة مافيها اي كلام الامام العيان ده لو قام مايصلي زييها.... لكن بس فيها حبة ملاحظات....ده هنا اتحمق قال : ملاحظات شنو؟؟.... صاحبو قال: لو ما اربعة حاجات كانت تكون تمام... :شنو ؟.... قال لي:
اول حاجة السيجارة البين الخطبتين دي مافي ليها اي داعي(يعني زولنا بدل مايجلس بين الخطبتين ويقوم قام شرب لي سجارة)
تانيا انا بجي الجامع ده طوالي وعارف انو فيهو منبر ماشفت لي زول تلب من فوق ليهو ونط في الناس!!
تالت حاجة انا قاري دين وبعرف الصحابة كويس ماسمعت لي صحابي اسمو سامر.. انت شابكنا الخطبة كلها(سامر رضي الله عنه سامر رضي الله عنه)!!!
رابع حاجة ياخ ابولهب ده كافر ماقلنا حاجة لكن معفن دي مافي ليها اي داعي!!

ابكر سألوهو ليه ما مشيت الحج ؟ قال ليهم : سبهان الله كل ما ننوي يسادف أيد الدهيه



مسطول ودوهو الخلوه .. آخر اليوم سألوهو اها الشيخ اداكم شنو ؟ قال ليهم هو زاتو ما متأكد مرات يقول القارعة مرات يقول ما القارعة


قال ليك ادروب عينوهو وزير تربية وتعليم ... عمك مسطح جدا .. فقالو ليه النظام انو نسمي المدارس باسماء الصحابة يعني مدارس الاولاد خالد بن الوليد - ابوعبيدة بن الجراح - مصعب بن عمير ... الخ
ومدارس البنات نسيبة بن كعب - خولة بنت الازور - خديجة بنت خويلد .... الخ
اها الحبيب جابو ليهو مدرسة مختلطة ... وسألوه .. رايك شنو يا ادروب نسميها شنو المدرسة دي ؟؟
عمك مسطح طبعا وعامل فيها ناقش .. رد على طول وقال ليهم :طبيعي نسميها عيسى بن مريم



عيان مشى الدكتور
الدكتور قعد يحذر فيهو من اعراض ضغط الدم
ما تأكل لحمه سمينه وكبده نيه
البيض المقلي والمسلوق ولا السمنه البلدية
وابعد عن الزبادي والجبنه المضفرة و...!!
العيان قاليهو
ها آزول اقيف ها...
انا لو بأكل جنس ده... اكان جيتك؟


حرامي قال لي ولدو
عملت شنو في الامتحان؟؟
قال ليه
اطمن يا ابوي
ساعتين بستجوبو فيني
ما قلت ليهم ولا كلمة


جراح مسطول دخل للعملية
لقى المريض مخدر
قال ليه من اسه عملت فيها ميت؟؟


واحد اسمو ابكر آدم هارون
بحب ليه معلمة حب شديييييييييد
جابو ليه ولد سماه حبيبي
بس عشان المعلمة تقول
حبيبي أبكر آدم هارون


مسطول بخت كبايتين جمبو
وحده فاضيه والتانيه ملانه مويه
قال عشان يمكن يشرب ويمكن ما يشرب



مسطول سالوه الفرق بين زمان وهسي شنو
قال ليهم زمان لما يجيبو الاكل الناس تقول بسم الله وتبدا وفي النهايه تقول الحمد لله
هسي لما يجيبو الاكل الناس تقول الحمد لله الاكل جا ولما تنتهي تقول بسم الله كمل

جعلي راكب حماره في الخلا .. دخل في كومة قش طارت منها (فرة) خلعت الجعلي لغاية ما وقع من الحماره

اتلفت يمين وشمال ما شاف زول

قال والله لو دا شايقي كان مات عديل





اتنين مساطيل قاعدين تحت نخله بالليل.
الاول, انا نفسي في بلح,
التاني , لاكين نطلع ليو كيف؟.
الاول بولع ليك نور البطاريه, وانت اتشعبط فيو لحدي ماتصل السبيطه,
التاني, بالله عشان تطفيو واجي واقع.


شايقي قالوا ليهو اتبرع عاوزين نعمل سور للمقابر قال ليهم حصل سمعتوا بي ميت شرد



ادروب سألو تمش الجنة ولا النار
قال ليهم: الشوايقة ماشين وين ؟؟
قالوا ليهو ماشين النار
قال ليهم: خلاص بمشي معاهم النار
يا ادروب الكلام ده كيييف بس
قال ليهم الشوايقة ديل ما بمشوا حتة الا يكون فيها كّدة والا منفعة


ناس العريس ماشين يجيبو العروس ما لقو دلوكة، سالو جارهم السكران "ماعندك باقة نجيب بيها العروس؟
قال ليهم ما عندي لكن ما ممكن تجيبوها في كيس


شايقي داخل يزور امو في المستشفي لقي مكتوب على الباب (إدفع) قال اخير اشوفها في البيت


اتنين مساطيل في موقف المواصلات بتفرجو في حافلة والناس بتدافروا عشان يخشو فيها !!!
الاول: الناس دي كل يوم بتتشاكل عشان ترجع لبيوتها !!!
التاني محتاااار: والغريبة تاني يوم بجو راجعين تااني


اتنين جنوبين عايزين يخشو الجيش
واحد بيسال في التاني
يا جون نهن حسة ماشين تجنيد شنو فايدة بتاع جيش
قال ليهو
شوف
تقدم للجيش
ممكن يقبلوك وممكن يرفدوك
لو رفدوك ما مشكلة
لكن لو قبلوك
يا تتخرج جندي يا تتطلع عريف
لو طلعت عريف ما مشلكة
لكن لو طلعت جندي
يا تقعد في خرتوم يا يدوك جنوب لو قعدت في خرتوم ما مشكلة
لكن لو مشيت جنوب
يا تجي راجع يا تموت لو جيت راجع ما مشكلة لكن لو كتلوك
يا ياكلك اسد يا تبقي تحت اشللة بترول
لو اكلك اسد ما مشكلة لكن لو بقيت بترول
يا تكون بترول خفيف يا تكون بترول تقييييييل
لو بقيت بترول تقيل ما مشكلة
لكن لو بقيت بترول خفيف
يا تكون بنزين يا يعملو منك ورق مناديل
لو بقيت بنزين ما مشكلة
لكن لو بقيت ورق مناديل
يا يلاقاك شماشي يمسح بيك جزمة
ولا تلقاك جكسي
يمسح بيك خدو الحلللللللللللللللللللو ده
ده فايدة بتاع جيش


مسطول بيسـأل صاحبه
هـا أخبار ابوك شنو؟
وفجـأة تذكـر أن أبـو صاحبـه مـتوفي
"فكمـل الموضوع وقال " لسه برضو فى نفـس القبر


مسطول مشى محل نقاشين قال ليهم عايز لي نقاش الجماعه كلهم الجاء شايل ليهو فرشة والجاء شايل ليهو جردل جير
قال ليهم انتو نقاشين ...
قالو ليهو ايوه
قال ليهم الحريف فيكم ينقش انا جاي من وين


مسطول عنده حمار ضاع منو .. طلع يفتش عليه لاقاهو حمار الوحش قال ليه: خلاص قايل روحك قشرته ما بعرفك؟



مسطول مثقف قال لي صاحبو "قل لي ماذا تقرأ أقل لك من أنت"... قام صاحبو قال ليهو.. ماذا تقرأ؟؟
قام المسطول قال ليهو:: من أنت؟؟


واحد بيعلم في جماعة الصلاة وهم ماسحين خالص طبعا تبدو بقراية الحمدو وبعدين اسجد تسجدو اركع تركعو اسلم تسلموا .... زولنا بدا يصلي بيهم لما جا في الجلوس قرا التشهد وسلم ...الجماعة كلهم من وراهو اهلااااااااااااان شيخ حسن

مسطول احوص دايرين يشنقوهو سألوه: امنيتك شنو؟
قال: اشوف نفر واحد بس


سألو مسطولة سودانية ترشحي مين لقيادة حماس؟ اجابت: راغب علامة


مسطول؟؟؟
لقي اثنين في المقابر بفتشو علي قبر ابوهم وهم بتغالطوا: ياهو ده لا ماياهو، ياهو ده لا ماياهو،
قاليهم: انتو دايرين تدو هو فاتحه ولامصاريف



واحد سأل واحد مسطول يا أخ انا داير اصل المستشفى أقرب شارع بى وين ؟؟؟؟

رد المسطول : بسيطة أقيف في نص الشارع



واحد مسطول مشي للدكتور بشتكي من ضرسو، الدكتور قاليهو: احشي ليك؟

قاليهو لا.. لا.. اديني في صحن!!


مسطول سأل التاني : الطحنية دي بصنعوها من شنو؟ قاليهو: من النشاره!!


مسطول في المدرسة
سمع الاستاذ بقول المثابرة تولّد النجاح
قال لى زميلوا : مــــــــتين هي المثابرة بقت دايه؟؟


مسطــــــــــــول ماشي وراء واحدة مسطــــــــولة فكر يقول ليها حاجة يشاغلها قال ليها : ا لحلوة وراها مشوار؟
قالت ليهو: الحلوة وراها .........حمااااااااار


مسطول عمل عملية تجميل جاء داخل لاهلو بعد العملية
قال ليهم على بالقسم ما عرفتكم


عجلاتي ساطل زهجان من ولدو النائم لامن الشمس طلعت فيهو. جات امه تصحيهو قاليها: خليهو تحت الشمس فيهو رقعة دايرها تقوم


مسطول سأل بتاعة الاتصالات: عندكم مفتاح امريكا
قالت ليهو ايوه في
قال ليها: اعملوا لي منو نسخة


مسطول بيشاغل في واحدة لونها اخضر (سمراء) قاليها: وين يا بيبسي؟
قامت تفت عليهو
قاليها : وكمان بتفوررري؟


مسطول اشتري عربية شبح جديدة لنج
....وهو سايقها فتح الراديو سمع هنا لندن، قال انعل ابو السرعة ذاتو

واحد مسطول مثقفاتى سالوهو ما فائدة (ملاح الويكه؟)
قال: يساعد علي انزلاق اللقمه

مسطول سألته بنته العائدة من السفر: أنا منو؟
رد عليها قائلاً: بالله انتي ما عرفتي اسمك دايري أعرفك أنا

مسطول سايق تاكسى واحد وقفو قال ليهو: نادى الأسرة من فضلك

رد قاليهو ناديهم براك


مسطول سايق تاكسي الراكب قاليهو: لف يمين،
المسطول قاليهو: لفها انت .........انا سايق


مسطول ضرب تلفون غلط قال: دا منزل مصعب
؟ قالو ليهم لا
قال ليهم : طيب رافعين السماعة ليه

مسطول فتحو محطة بنزين جنب بيتهم.....
قال: اخيراً الواحد يقدر يكب بنزين كداري


مسطول قدر ما يشرب سفن اب (7 up) بقي يمشي سبعة خطوات وينط....

مسطول جارى وراه كلب ينبح عليهو..
لف ستة شوارع والكلب لسه وراه،
لما وصل الشارع السابع الكلب تعب رجع،
المسطول وفق في نص الشارع : مبــــــــــــــــــــــــــــــــــالغة دا كلب طويل خلاص


سواق أمجاد راكب جنبو واحد سمـــــــــين لدرجة انو ما قادر يسوق،
في واحد مسطول في الكنبة الخلفية قال للسواق: يا ابن العم شيل دركسونك وتعال معانا بي وراء


مدرس بيدرس في طلبة مساطيل قال ليهم: يعيش السمك في الماء! قالو ليهو: يعيش... يعيش..يعيش


واحد طلب من مسطول سيجارة عيدية فى عيد الفطر
المسطول قال ليهو السجارة كان بدوها عيدية كان ختوها في علبة الحلاوة


مسطول بحب نفسو... كتب ليها جواب


مسطول دخل يدو في مويه نار مرقا لقاها مافي.. دخل رأسو يشوفا مشت وين

مسطول سالوه ما اصغر شئ في الدينا
قال ليهم
شامة في ضهر نملة


واحد مسطول ساق حمار الوحش لبتاع التلفزيونات وقاليهو: عاوز واحد زي دا.. لكن يكون ملون


ليه الواحد لما يعاين ليك بتجيهو نفسيات؟
غايتو انا تاني ما حاوريك وشي خالص (مسطولة بتتكلم مع المرايا)


سألوا مسطول عن اكثر زول صبور قال واحد منتظر نانسي عجرم في قناة اقرأ


واحد عندو ارنب عاوز يبيعو جاهو واحد مسطول قاليهو: القرد ده بكم؟؟
رد الرجل: دا ارنب ما قرد! المسطول قاليهو: يا ابو الشباب انا سألت الأرنب ما سألتك انت

واحد جاي جاري داير يقطع للشرق(وده اظنو ديسكو) ماشي رفاعة قبل ماينزل القيفة خايف البنطون يفوتو لاقا زول قام سالو(بنطون رفاعة ده بلفا؟؟)
الزول قال لي (لا بالبا!!)

هاك دي يامدير مسطول قدر مايجي ينوم يخت جمبو كبايتين واحده ملانه موية والتانية فاضية سالوه قالو ليهو دا شنو البتعمل فيهو دا رد عليهم احتمال اشرب واحتمال ما اشرب

wb محمد علي,, وليك وحشة عساك طيب ,,,لاعدمناك ياذوق
ايوة كدة ادينا من النكت المشكنة

مسطول يقول لمسطول:عايز ابيع عربيتى بسعر غالي..
قاليهو :بسيطه غير علامة عربيتك وخت علامة بى ام دبليو..
بعد اسبوع تقابلوا قال ليهو:اها بعت عربتكك..؟
قال ليهو: انت مجنون..؟ في زول يبيع بى ام دبليو..؟
هههههههههههه عزبني وزيد عزابك

فار إنسطل نام لمن صحي لقى جنبو كديسة ميتة قال هيع انا عاااارف روحي لمن اغضب كعب

اثنين مساطيل .. راكبين عربية الأول سايق والثاني راكب ورا .. الراكب ورا سطل سطلة شديدة ..
ماشين في شارع النيل .. السايق شاف الشجرة (مضروبة جير أبيض نصها التحت) أفتكرها عسكري حركة .. راح واقف .. لما شافها شجرة ضحك وطلع طوالي ..
بعد مسافة الثاني من ورا .. قال ليه .. التافه دا قال ليك شنو