غضـــــب ،، نـــــص ،، للبنيّة ،،

إن شاء الله بكرة صباحاً في البلد ،، الحصاحيصـــا ،، يا ود عيسي ،،

نـــــــــــــــص :-

يا بنيّة ،،
مغزولة ،، مطرّزة بالوجع ،،
ناديتوا ،، لوجه الله صوتك ،،
جاني منّك صداي ،، يا بنيّة الرجع ،،
وبقيت مكتّف من مشي ،،
ضامر الحشي ،،
ما عرفت بي سببك قفاي ،،
من الوشي ،،
وصوتك الساكن معاي ،،
سويتوا في الأيام غُناي ،،
عزفت لحن الناي ،،
بُكاي ،،
شربت من كاسك ،، أساي ،،
ربطت دربك بي خُطاي ،،
يا بنيّة مهرود ،،
وحاشش في مصاريني ،،
الكلام ممحوق ،،
كل ما أسوي القوق ،،
وأعاين في السما ،، لي فوق ،،
تجيني بروق ،،
أنا الفي اّخر السكة ،،
بكون محروق ،،
يا بنيّة ،،
والحلم المحق مسروق ،،
سرقوه ناس السوق ،،
أحزاب ،،
ألقاب ،،
كلاب مسمومة ،،
دين حيكومة مزمومة ،،
يا بنيّة ،،
مدفون الوسط منّك ،، ومرجومة ،،
والتوبة ،،
أسألي منّها ،، الله ،،
كان يقبل صلاتك ،،
واّخر التسبيح ،،
كان يقبل مخاضك ،،
في اّخر الشدرة ،، ويهديك في النهاية مسيح ،،
يا بنيّة لو ما في اّخر السما ،،
كان الصوت بصيح ،،
كنت أكون أنا ،،
دمّوا البسيح ،،
يا بنيّة كنت أكون ،، زبيح ،،

يا بنيّة مالك ،، ما بتجي ،،

ركـــــــــــــــــــابي :-
وقــــــ المغارب ـت :-

البنيّة ،،

البنيّة ،،

متين تعود ،، ليّا ،،

يا الله ،،

دي أغنية قديمة بالمناسبة ،،

هاكم الكوبلي التاني ،،

الجناني ،،

الجناني ،،

دموعي بللاني ،،

يا الله ،،

ودي منّي أنا ،،

الكديسة ،،

الكديسة ،،

جيبوا لي مريسة ،،

يا الله ،،

هع هع هييييي ،،،

أديكم واحدة تانية ،،

ملوخية ،،

ملوخية ،،

بتشبه البنيّة ،،

يا الله ،،

هع هااااااي هع ،،
والله أنا فايق فياقة ،،
وبقعد في المقهي بتاع النت مجّان ،،
ملح ،،
حلوة بتاع النت دي ،،
هع هااااي ،، هّس ،، هّس ،، يا عمر يا أخوي ،،
ما تضحك كدة ،،
الجماعة بصحوا من النوم هسة ،،
هع هع ،، ياخي أكتما أكتما ،،
هع ،، هييييع ،،
خلاص ،، خلاص ،،
أتنحنح ،، أتنحنح ،،
أحححححححم ،، أححم ،،
الله يجازيك يا أمين ،،
خلاص ،، أرح نمشي الدُكان داك ،،
نشرب حاجة باردة ،،
أححم ،، أح ،، أححم ،،
وقمنا جارين ،،
تعال يا أمين تعال ،،
ما بجي ،،
تجيك الكشة يا أمين ،، تعال ،،
وقعدنا نلعب ،،
فك ،، ما بفك ،،
عمر مالك ،، إنتا مجنون ولا شنوا ،،
مجنون أنا ،، والله الليلة أخنقك ،،
هع هع ،، ضحكنا ،،
وركضنا ،،

يا حليل الزمن الجميل يا عمر ،،

ركــــــابي :-
وقـ المغارب ـت :-

» منديل بلون المغربية ،،، نـــــص ،،