تعددت أسماؤها بين النجمة والمسيجور والفواكه

نقلا صحيفة الاخبار


تسعى حواء دائماً للبحث عن الجمال واكتشاف معالمه التي جُبلت عليها, ما يدعوها الى طرق شتى السبل في سبيل المحافظة واكتساب هذا الجمال.. مما يجعلها تلجأ أحياناً الى استخدام وسائل قد تتجاوز المألوف،


وربما تضر بها في اللحظة أو على المدى البعيد لدرجة التشوه، أو الموت أحياناً, ومن هذه الوسائل استعمال الفتيات النحيفات لعقاقير السمنة، وهي ما يسمى الآن بـ(المسيجور، تشاهد غداً، النجمة، الفواكه) وغيرها من أسماء.

مشهد أول:

سلمى فتاة عشرينية العمر تدرس بالجامعة, لم تنغص عيشتها سوى (معايرة) بعض زميلاتها لها بنحافتها الزائدة الأمر الذي جعلها تصاب بعقدة نفسية جراء هذه النحافة, فلجأت لاستخدام أدوية زيادة الوزن.. تقول سلمى لـ(الأخبار): العملتها فيني الحبوب دي ما انساها مدى الدهر, ذهبت لعدة صيدليات لشرائها ورجعت خائبة لعدم وجودها الأمر الذي أدخل بعض الشك في نفسي الا انني تناسيت وواصلت رحلة البحث حتى وجدتها اخيراً في إحدى الصيدليات بأم درمان، والتي اعطاني لها مساعد صيدلي في الخفاء طالباً مني إخفاءها بسرعة، وواصلت: بعد استعمالي لحبوب (أبو نجمة) لفترة شهرين تقريباً تغيرت ملامح جسدي وأصبحت كالبالون المنتفخ خاصة في الجزء الأعلى، وأكدت في ختام حديثها بأنها ما زالت تعاني من هذه المشكلة رغم انقضاء 3 سنوات على استعمالها وهي في أشد حالات الندم.. انتهت افادات سلمى.



ليلى لم تذهب بعيداً عن قصة سلمى بأنها قامت باستعمال هذه الأدوية مثل البركتين والفواكه والمسيجور وغيرها إلا أنها ظلت على حالها دون حدوث أي تغيير عليها ولا تدري ما السبب, وعند سؤالنا لها عن مصدرها أفادت أنها اشترتها من سوق أم درمان.

مشهد ثانٍ:

أكد بعض التجار في سوق أم درمان رفضوا ذكر أسمائهم بأنهم عادة ما يتعاملون مع هذه الحبوب نسبة لزيادة الطلب عليها من قبل الفتيات, وأشاروا الى أنها ذات عائد مادي كبير, وحول مصادرها أفادوا ان هذه الأدوية تأتيهم عن طريق التهريب وبأسعار مناسبة، وهي تدخل البلاد بكميات مهولة وهم عادة ما يبيعونها للفتيات سراً حتى لا يقعوا في قبضة حملات التفتيش التي تحضر للسوق بين فينة وأخرى, وأوضح التاجر خالد عبد الله صاحب محل بسوق أم درمان أنه قد عرضت عليه هذه الأدوية بأسعار زهيدة جداً إلا أنه رفض التعامل معها نسبة لخطورتها.

مشهد ثالث:

من مساوئ هذه العقاقير زيادة الوزن بصورة غير طبيعية, هكذا كان حديث د. سلمى مصطفى بصيدلية الولي ببحري, وواصلت: الزيادة تكون غير طبيعية كالتورم وارتفاع وتضخم حجم الأنسجة وتورم الجلد والكبد والكلى وغيرها من أعضاء الجسم, وأضافت د. سلمى: في الماضي كانت تستعمل هذه الأدوية كمضادات للحساسية وبعد العلم بآثارها الجانبية تم سحبها من الأسواق، وأوضحت أن آثارها الجانبية تكمن في أنها تقوم بفتح الشهية بصورة غير طبيعية, وهي أدوية غير مسجلة بوزارة الصحة الاتحادية, وغالباً ما تدخل البلاد عن طريق التهريب، وأكدت أن استعمالها لفترة طويلة يؤدي للإصابة بالعديد من الأمراض مثل السكري والقرحة، بسبب ان المادة المخزنة ترفع ضغط الدم, وأشارت الى ان بعض المواد التي تدخل في تركيبة هذه الأدوية تساعد في معالجة مرضى الحساسية والروماتيزم والمفاصل وبعض الالتهابات, وكذلك قد يؤدي استعمالها لحدوث خلل هرموني في الأطراف, ومن الممكن ان تُدخل الشخص في مشاكل صحية هو في غنى عنها، وأشارت الى أنها تدخل البلاد عن طريق التهريب من بعض ضعاف النفوس الذين يسعون لتحقيق الكسب غير المشروع، واختتمت حديثها بالقول: إن الشكل الخارجي للحبوب يُرسم عليه شكل الفواكه، وهذا شكل للتمويه فقط فهي لا علاقة لها بالفواكه.

من جانبه تحدث د. عبد المنعم محمد هاشم بصيدلية الشهيد عن الأعراض الجانبية وأفاد بأنها تؤثر على الأعصاب وتضر بالحمَل، وتلقي بظلالها على المواليد، وقد تؤدي للإصابة بأمراض الفشل الكلوي، فيما أشارت د. آمنة صالح بصيدلية الضواحي الى أن هذه الحبوب في الأصل هندية المنشأ وتستعمل لعلاج الصداع النصفي والحساسية وهى ذات أضرار كبيرة خاصة حبوب (النجمة)، كما يسمونها والتي تعمل على زيادة الصوديوم بكميات كبيرة مما قد ينجم عنه تأثير مباشر على القلب والكلى، وأضافت: توجد بدائل طبيعية تساعد الفتيات على زيادة الوزن مثل التنظيم في الوجبات وبعض الأدوية المسجلة في الصيدليات.. وعن وجود إقبال من الفتيات على الصيدلية لشراء هذه الأدوية أفادت بالقول: تأتي إلينا في اليوم حوالي المائة فتاة تسأل عن هذه الحبوب ونقوم بتوعيتهن بأضرارها.

مشهد أخير:

ختام جولة (الأخبار) كانت مع الإدارة العامة للصيادلة وحدة المعلومات الدوائية بوزارة الصحة ولاية الخرطوم، والتي أوضحت خطورة هذه العقاقير وتأثيرها السالب على الفتيات خاصة حبوب (النجمة)، أو (كوني النجمة)، كما يسميها أصحاب الطبالي والبوتيكات الذين يتاجرون بها، وهي ذات استخدامات طبية أخرى، لكن استخدامها دون استشارة الطبيب قد يؤدي لمضاعفات مثل السمنة الزائدة غير المتناسقة للفتاة والاكتئاب والأرق وآلام العظام والعضلات وضعفها، ثم ارتفاع السكر والضغط، وارتفاع ضعط العين، وعين العدسة (الماء الأبيض)، وأكدت الإدارة أن الفتيات اللائي يستخدمن هذه الحبوب قد تنتفخ أجسامهن وتصبح وجوههن مستديرة بسبب تجمع السوائل في الجسم ويؤدي تعاطيها لمدة طويلة وبجرعات كبيرة لأكثر من عشر مرات في اليوم الى ظهور مضاعفات الكورتيزون وأعراضه الجانبية, وكلما طالت مدة أخذ الكورتيزون كلما ازدادت احتمالات المضاعفات في الأحوال العادية للجسم لتفرز الغدة فوق الكظرية الكورتيزون ويصل الى أعلى مستوياته وقد يؤدي في النهاية الى الوفاة.

وأخيراً هلا تعي فتياتنا هذه المخاطر والآثار الجانبية لهذه العقاقير ويبتعدن عنها درءاً للمهالك؟!

شكرا شديد اروي الرائعه علي هذه المعومات الجميله انا صراحه خبوب النجمه دي ماكنت عارفه هي مكوناتها الصيدلانيه شنو بس من شرحك عرفانها تحتوي علي steroid وانا بتهيا لي انا دي طامه كبري اذا كان هذا الاستيرويد نحن عشان نصرفو لعلاج بعض الامراض بنتوقي الحزر الشديد واحيانا كتيره بنتجنب اننا اصلا نصرفو كعلاج اجن بناتنا الوهم ديل في زمن اصبخت فيه السمنه شيء من التخلف ياخدوه عشان اسمنو
الصخه تاج علي روءس الاصحا
ولاتلقو بايديكم الي التهلكه
وفعلا نحن بنواجه نوع الغبا والتفريط في الصخه بصوره مزريه
وعشان شنو وعشان منو
انا عايزه اقول ليكم معلومه ظريفه كده في خصوص المسجور والاستيريد والنجمه هذه المواد العجيبه التي لجاتي اليها اختي الضعيفه عشان تسمني وتبقي سمحه اول اشني سمن انا شفتو في حياتي هو السمن المصتنع ده عارفه ليه الاستيرويد دي تاثير شحمها بكون كيف (moony face ) وهو بكون الوش مدور وسمين ذي القمره ومايغرك انو ذي القمره ده اسم بطلقوه الخواجات علي حاله مرضيه فدايما بختارو الالفاظ الجميله لكن الموني فيس دي شكل قبيح جدا جدا بالمناسبه الواحده بتكونوشها متختخ ومورم وتشبه رقيف العجيب
الشي التاني trunkal obesety ودي الشنه الصحي صحي الترنك ده الجزء من المتبقي من الجسم عندما تطرح منو الوجه واليدين والرجلين الحته دي بتكون مدوره وكلها عباره عن جزئ متصل مع بعضو دون اي تقسيمات جسديه حباها بها الله يعني الوحده بتكون بقت مدردمه ذي انبوب الغاز عليكم الله الجمال في كده شنو الوش رغيف العجيب وباقي الجسم انبوب غاز ونسيت اقول ليكم الاطراف اليدين والرجلين الاستيرويد مابشتغل فيهم بسب الانسلينفي الاطراف بالزات بتعاكس مع شغل الاستيرويد عليكم الله اتخيلو معاي المنظر الراس كبير والرجلين واليدين مسلوعات ( راسو كبير كرعينو رقاق شن سمو سمو العولاق )
انا ياجماعه متاسفه شديد اذا كانت طريقه عرضي للموضوع فيها شي من الالفاظ الماجميله ( مثل قبيح.شين .كرعين وغيرها من الالفاظ الدارجيه ) لكن بقدر قبح هذا الاستعمال الخاطئ للحبوب والنتايجه البشعه دي بقدر ماانا تخاطبت معكم
علي صعيد اخر هذه الحبوب بتعمل سكري وضغط وهشاشه مبكره للعظام

شكرا د.رؤى علي الموضوع البيخاطب شريحه مهمه في المجتمع وهي شريحه امهات الغد شكرا د.ايمان علي الاضافه واتمني ان الناس تعي و تثقف نفسها ثقافه صحيه جيده عشان ماتقع في الاخصا الطبيه دي التي تودي الي الموت البطي جزاكم الله خير

طبعا في جوانب اجتماعية وثقافية للظاهرة من ضمنها نظرة الرجال للمراة ممتلئة الجسم ودي ملاحظة في الرجل الشرقي بصورة واضحة وفي تفسيرات كتيرة للسبب ونواحي نفسية لتقييم الاجزاء المكتنزة من الجسم(وقد يكون السم في الدسم ) من موروثات قديمة للعرب والافارقة والنوع ده من التفكير بقى هو الغالب في المجتمع السوداني ولازم نلاحظ انو ناس زمان لما كانو بيسمنوا ده كان بيتم بغذاء طبيعي واكيد ماحيكون ضررو زيي الحبوب اللي اتكلمتو عنها.

صفقة شدييييييييييدة يادكاترة وياريت لو يسمعوا بنات حواء -وحتى اولاد ادم- البستعملو الحبوب دي ويعرفو خطورتها وحتى لو عاوزين يغيرو شكل اجسامهم مفروض يهتموا بالتغذية السليمة ويراجعوا اهل الاختصاص,,,

eman khalaf allaha كتب:

شكرا شديد اروي الرائعه علي هذه المعومات الجميله انا صراحه خبوب النجمه دي ماكنت عارفه هي مكوناتها الصيدلانيه شنو بس من شرحك عرفانها تحتوي علي steroid وانا بتهيا لي انا دي طامه كبري اذا كان هذا الاستيرويد نحن عشان نصرفو لعلاج بعض الامراض بنتوقي الحزر الشديد واحيانا كتيره بنتجنب اننا اصلا نصرفو كعلاج اجن بناتنا الوهم ديل في زمن اصبخت فيه السمنه شيء من التخلف ياخدوه عشان اسمنو
الصخه تاج علي روءس الاصحا
ولاتلقو بايديكم الي التهلكه
وفعلا نحن بنواجه نوع الغبا والتفريط في الصخه بصوره مزريه
وعشان شنو وعشان منو
انا عايزه اقول ليكم معلومه ظريفه كده في خصوص المسجور والاستيريد والنجمه هذه المواد العجيبه التي لجاتي اليها اختي الضعيفه عشان تسمني وتبقي سمحه اول اشني سمن انا شفتو في حياتي هو السمن المصتنع ده عارفه ليه الاستيرويد دي تاثير شحمها بكون كيف (moony face ) وهو بكون الوش مدور وسمين ذي القمره ومايغرك انو ذي القمره ده اسم بطلقوه الخواجات علي حاله مرضيه فدايما بختارو الالفاظ الجميله لكن الموني فيس دي شكل قبيح جدا جدا بالمناسبه الواحده بتكونوشها متختخ ومورم وتشبه رقيف العجيب
الشي التاني trunkal obesety ودي الشنه الصحي صحي الترنك ده الجزء من المتبقي من الجسم عندما تطرح منو الوجه واليدين والرجلين الحته دي بتكون مدوره وكلها عباره عن جزئ متصل مع بعضو دون اي تقسيمات جسديه حباها بها الله يعني الوحده بتكون بقت مدردمه ذي انبوب الغاز عليكم الله الجمال في كده شنو الوش رغيف العجيب وباقي الجسم انبوب غاز ونسيت اقول ليكم الاطراف اليدين والرجلين الاستيرويد مابشتغل فيهم بسب الانسلينفي الاطراف بالزات بتعاكس مع شغل الاستيرويد عليكم الله اتخيلو معاي المنظر الراس كبير والرجلين واليدين مسلوعات ( راسو كبير كرعينو رقاق شن سمو سمو العولاق )
انا ياجماعه متاسفه شديد اذا كانت طريقه عرضي للموضوع فيها شي من الالفاظ الماجميله ( مثل قبيح.شين .كرعين وغيرها من الالفاظ الدارجيه ) لكن بقدر قبح هذا الاستعمال الخاطئ للحبوب والنتايجه البشعه دي بقدر ماانا تخاطبت معكم
علي صعيد اخر هذه الحبوب بتعمل سكري وضغط وهشاشه مبكره للعظام

شكرا يا ايمو علي المعلومات وحابة ازيد الحبوب دي زي ما قلتي استيرويد او كورتيزون زي ما بعض الناس بيعرفوها وانا شاهدت تجربة حقيقية لوحدة من صديقاتي بلعت ما يعرف بالفواكه وعملت ليها يرقان وابى يروحواذدادت الحالة سواء" وطبعا البطن زادت واتملت موية والرجول اتورمت ودخلت في غيبوبة
واللكلام دا كلو طلع عندا تليف كبد(liver cirrhosis),وكان السبب ما معروووووووف لغاية ما اكتشفو السبب من الحبوووب دي والحمد لله اتعالجت لكن للاسف التليف ما بتعالج بل بمرور الوقت حتتليف كل الكبدز
والسمن القايلنو سمن دا هو عبارة عن تراكم موية تحت الجلد ما اكتر

محمد كمال السر كتب:

شكرا د.رؤى علي الموضوع البيخاطب شريحه مهمه في المجتمع وهي شريحه امهات الغد شكرا د.ايمان علي الاضافه واتمني ان الناس تعي و تثقف نفسها ثقافه صحيه جيده عشان ماتقع في الاخصا الطبيه دي التي تودي الي الموت البطي جزاكم الله خير

شكرا يا محمد للمرووووووووور وجد دي مشكلة مالية البلد والناس ما دايرة توعى ليها

صفوان فاروق وراق كتب:

طبعا في جوانب اجتماعية وثقافية للظاهرة من ضمنها نظرة الرجال للمراة ممتلئة الجسم ودي ملاحظة في الرجل الشرقي بصورة واضحة وفي تفسيرات كتيرة للسبب ونواحي نفسية لتقييم الاجزاء المكتنزة من الجسم(وقد يكون السم في الدسم ) من موروثات قديمة للعرب والافارقة والنوع ده من التفكير بقى هو الغالب في المجتمع السوداني ولازم نلاحظ انو ناس زمان لما كانو بيسمنوا ده كان بيتم بغذاء طبيعي واكيد ماحيكون ضررو زيي الحبوب اللي اتكلمتو عنها.

صفقة شدييييييييييدة يادكاترة وياريت لو يسمعوا بنات حواء -وحتى اولاد ادم- البستعملو الحبوب دي ويعرفو خطورتها وحتى لو عاوزين يغيرو شكل اجسامهم مفروض يهتموا بالتغذية السليمة ويراجعوا اهل الاختصاص,,,

تسلم اخ صفوووان
واعتقد نظرة الرجل ومقايسية للمراءة اخلفت عن ما مضى فلا ينظرو الان الى المراءة السمينة

ودا برضو ما سبب الناس ترمي نفسها للتهلكة

لو اتغيرت النظرة او على الاقل لو كان البفكرو كدة ماكتار-(واصلا في النهاية كتيرين الببقوا سمينات بعد الزواج عشان كدة احسن يصبروا)- كان مالجئوا للحبوب هم عايزين يسمنوا عشان كدة والتفاسير كتيرة طبعا لكن في النهاية الحبوب مضرة دي حقيقة ومصرين ياخدوها وده هو ذاااتو الغلط والحيجيب ليهم الامراض,,

نرجو من الاداره تثبيت الموضوع لاهميته

دقيقة نكلم الادارة عشان يودوهو العام, ويثبتوهو,, وللا رايكم شنو ؟؟؟

لا يثبتو هنا احسن

اقول ليكم احسن خليهو هنا عشان الناس تتعود على انهم يجو المنتدى الصحي بس نحنا نعمل دعاية في العام,,

لا احسن هنا الناس تجي هنا الصحي ولا عملنا الصحي ليه؟؟؟

رؤى مشكووووووووووووره والله كان الموضوع دا في بالي نسبه لاهميته ولخطورته الشديده بس كويس انك سبقتينا ونبهتي عليهو. اسمحي لي كمان ازيد شوية معلومات عنو.
كيف يمكن لادويه خطيرة كهذه ان تنتشر بين الناس ؟؟؟؟؟؟ النجمه كما يسمها البعض وغيرها من اسامي اخرى ما انزل الله بها من سلطان والتي للاسف تباع في اماكن العطور والكريمات النسائية سرا . اسمحوا لي ان اشرح بشكل مبسط ماهية هذه الادويه وما يمكن ان تفعله في جسم الانسان والتي قد تؤدي الى الوفاة ببساطه شديدة .

ان حبوب النجمه كما يقال لها عبارة عن مادة تسمى (دكساميثازون )وهذه المادة هي شكل مصنع من هرمون موجود في جسم الانسان الطبيعي يسمى (الكورتيزون) ويفرز من الغدة (الكضرية او فوق الكلوية) ويقوم بوضائف حيوية في جسم الانسان فبدون هذا الهرمون لا يمكن ان نعيش ,, اذ يتحكم في الوظائف الحياتيه المهمه من ضربات القلب وضغط الدم ومستوى السكر في الدم والكثير الكثير من الوظائف الاخرى .
يتم تصنيع الكرتزون
لعلاج الكثير من الامراض كاالربو (الازمه ) والتهاب المفاصل والكثير من امراض الدم الناتجة عن فرط المناعة ضد الانسجة الذاتيه لانه يعمل كمضاد للالتهابات ومثبط للمناعة بشكل عام وحالات الحساسية وكتعويض لمن يعانون من نقص في هذا الهرمون وفي العديد من الحالات الاخرى
ومن ضمن هذه الاشكال الصناعية للهرمون يوجد ما يسمى
بالدكسامثازون ,, او الهايدرو كورتزون ,, او البردنزيلون
والاول يعمل بقوة مضاعفة 30 مرة بالنسبه للهرمون الطبيعي وهي المادة الفاعله في ما يسمى (حبوب النجمه)
متلازمة كوشنج او Cushing syndrome هو اسم المرض الناتج عن زيادة الكورتيزون في الجسم سواء كان السبب اورام في الغدة الفوق الكلويه او الغدة النخامية المنشطه لها او اورام اخرى تفرز هرمونات منشطه للغدة فوق الكلويه او اخيرا لسبب مصادر خارجيه للمادة كالعلاج او امور اخرى كما هو الحال مع حبوب النجمه.

مم يعاني الشخص المصاب بهذه المتلازمة ؟

1_نتيجة لاعادة توزيع الدهون في الجسم يتسم المصابين بهذا المرض بوجه مستدير منتفخ وبطن ممتلئة متدليه وتجمع دهني اعلى الكتفين يسمى ب( سنام الجاموس)واطراف نحيفه لذا شبه البعض بغرض تقريب الصورة شكل الشخص المصاب بالمرض (بليمونة على اعواد اسنان)

2_نتجية لنقص البروتين والكولاجين تصبح الاوعيه الدموية هشه وضعيفه مما يسبب سهولة النزيف وظهور الكدمات تحت الجلد من ابسط ضربه

وكذالك يصبح الجلد رقيقا جدا مما يسبب في ظهور علامات مميزه على هيئة خطوط عريضة حمراء على الجذع والذراعين نتيجه لشد الجلد

ايضا ضعف عام في العضلات وزيادة هشاشة العظام خصوصا العمود الفقري وقد تحدث كسور في بعض الحالات وبطء شديد في عمليه شفاء الجروح والتئامها

3_ قرحه في المعده

4_ ارتفاع في ضغط الدم

5_ ارتفاع السكر في الدم (سكري)
الكارثة الحقيقيه لا تكمن في المرض السابق ذكره فحسب, انما في المضاعفات الخطيرة والمميته التي تحدث اذا ما تم ايقاف العلاج بشكل مفاجئ بعد استعماله لمده طويله ,لان وجود كميات كبيره من الهرمون في الدم لفتره طويله يؤدي الى تثبيط الغدة النخامية فلا تعود تفرز هرمونها المنشطللغدة فوق الكلويه والنتيجه انعدام الهرمون عند ايقاف الدواء. لذا نجد ان الاطباء حريصين في حاله وصف الدواء لمن يحتاجونه عند ايقافه ان يتم ذلك بشكل تدريجي قد يستمر لعدة اشهر


اذا ماذا يحدث اذا انعدم الهرمون في الدم نتيجه للايقاف المفاجئ للدواء؟

نقص حاد جدا في مستوى السكر في الدم والذي قد يؤدي اذا لم يعالج بسرعه
الى الوفاة وانخفاض حاد جدا في ضغط الدم مع قيء شديد والذي قد يؤدي ايضا ان لم يعالج بالسوائل الوريديه المناسبه وبسرعه الى الوفاة
وهذه الحاله هي حاله طارئه لا تحتمل التأخير وتوصل المريض الى منطقه حرجه جدا.

فقولو لي بالله عليكم كيف يمكن لشخص ان يعرض نفسه لكل هذه المصائب لاجل مصيبه اخرى ,,!؟
مع العلم ان وزارة الصحة تحظر بيع هذه الادويه وهي غير مسجله بالوزاره وتهرب الى البلاد كما تتهرب المخدرات

شكرا يا مها انك وضحتي لينا تركيب الدوا واستخداماته واضراره[img][/img]
دي طبعا صورة طفل بيتعالج بكورتزونهي نفس السمنو الموهومين بيها البناااااااااات

شكرا رؤى على اثأره الموضوع وعلى اجتهادك.. ومين يعمل؟؟؟
لان اي واحده واحده بتشتري الحبوب وبتكون عارفه على الاقل احد اضراره,
وفقدنا في الحصاحيصا اخوات ماتو بسبب هذه السموم, والكل يعلم( ولا حياه لمن تنادي),
والسمنه الطبيعيه في حد ذاته مرض, وينقصنا فى الحته الوعي ل الجميع رجال وستات,
وعن تجربه شخصيه انا بعتبر نفسي بدينه وبجتهد احصل على الوزن الصحي بس انقص 2 كيلو,
الناس بياكلو لحمي يابت مالك جاءك سكري, والبعض يشكك في نفسك ويحسسك انو عندك مشاكل
وتفسيات, والبعض بيهبشك في الحتات الحساسه السمن فيك احلى وكده بقيتي شينه.......لخ
تفتكري الازمه ويييييييييييييييين والحل شنننننننننننو؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

رحاب قسم الباري كتب:

شكرا رؤى على اثأره الموضوع وعلى اجتهادك.. ومين يعمل؟؟؟
لان اي واحده واحده بتشتري الحبوب وبتكون عارفه على الاقل احد اضراره,
وفقدنا في الحصاحيصا اخوات ماتو بسبب هذه السموم, والكل يعلم( ولا حياه لمن تنادي),
والسمنه الطبيعيه في حد ذاته مرض, وينقصنا فى الحته الوعي ل الجميع رجال وستات,
وعن تجربه شخصيه انا بعتبر نفسي بدينه وبجتهد احصل على الوزن الصحي بس انقص 2 كيلو,
الناس بياكلو لحمي يابت مالك جاءك سكري, والبعض يشكك في نفسك ويحسسك انو عندك مشاكل
وتفسيات, والبعض بيهبشك في الحتات الحساسه السمن فيك احلى وكده بقيتي شينه.......لخ
تفتكري الازمه ويييييييييييييييين والحل شنننننننننننو؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

شكرا اخت رحاب لمرورك ومشاركتك معانا
بس احنا مشكلتنا الكبرى الناس والحبوبات والخالات اللي هم لسة بفكرو زي زمان احنا مازيهم احنا عارفين الخطاء وين وامشاكلو شنو ومضاعفاتة يعني لو بعد العرفنا دا كلو ولسة بنعمل الهم بيسوهو عشان كلامهم تبقى جد مشكلة ويبقى تعلمنا والعرفناو دا ما منو فائدة
واهم شئ الوثوق من النفس والزول لما يتخذ قرار زي دا يكون عارف هو بواجه شنو والاهم يكون متاكد انو البعملو صح وما يهتم لي كلام الناس ولاشنو يا استاذة رحاب
احنا لانو بنفكر كدا مابنتقدم لازم عزيمتنا تكون اكبر واقوي ولا شنوووو

حنزل موضوع عن السمنة وياريت تشوفيو

مهويه العسل شكرا ليك شديد علي هذه المعلموات الدقيقه والجميله
روى الجميله الصوره كانت معبره
اختي رحاب الجميله اهم شي في الدنيا دي انك ماتشتغلي بزول من اشتغل بالناس مات هما
بعدين الناس ديل صدقيني كان سمنتي ووووووب وكان ضعفتي وووووووووبين وكان بلعت حبوب المسجور اصفقو ليك عشان كده اعملي الشي البتشوفيه انتي صح ومفيد لصحتك
مشكورين جميعا علي المرور ياراقين

eman khalaf allaha كتب:

مهويه العسل شكرا ليك شديد علي هذه المعلموات الدقيقه والجميله
روى الجميله الصوره كانت معبره
اختي رحاب الجميله اهم شي في الدنيا دي انك ماتشتغلي بزول من اشتغل بالناس مات هما
بعدين الناس ديل صدقيني كان سمنتي ووووووب وكان ضعفتي وووووووووبين وكان بلعت حبوب المسجور اصفقو ليك عشان كده اعملي الشي البتشوفيه انتي صح ومفيد لصحتك
مشكورين جميعا علي المرور ياراقين

تسلمـــــــــــــــــــــــــــــــــــــــــــــــــي يا عســــــــــــــــــــــــــــــــــل

[quote="Rouaa SHouayeb Jebreel"]

eman khalaf allaha كتب:

مهويه العسل شكرا ليك شديد علي هذه المعلموات الدقيقه والجميله
روى الجميله الصوره كانت معبره
اختي رحاب الجميله اهم شي في الدنيا دي انك ماتشتغلي بزول من اشتغل بالناس مات هما
بعدين الناس ديل صدقيني كان سمنتي ووووووب وكان ضعفتي وووووووووبين وكان بلعت حبوب المسجور اصفقو ليك عشان كده اعملي الشي البتشوفيه انتي صح ومفيد لصحتك
مشكورين جميعا علي المرور ياراقين

تسلمـــــــــــــــــــــــــــــــــــــــــــــــــي يا عســــــــــــــــــــــــــــــــــل[/quo



ايموووو يا عسل تسلمي شدييييد ومشتاقين وكده

wallahe ya mha moooooooooooooooooooooooooooooooooooooooot

بالجد يا رؤيا كلام جميل ويديك العافية يا منقا (عارفة يا رؤيا الصحة دي مجننه البنات ديل كلهم وما في زول مقتنع بحجمه السمين عايز يضعف والضعيف عايز يسمن بالجد ربنا يعينهم واكيد هم ما خعارفين الكلام الطبي ده لو عرفوه ما في واحده تاني حاتعمل الحاجات دي والله يا رؤيا في حاجات طبيعيه بتاعة حبوباتنا الزمان لو الوواحه عملتهم اكيد حا خيعجبوها بس هم طوالي جاريين للحاجات الكيميائيه دي غايتو بس بالجد ربنا يهديهم )

hanoya khalafalla كتب:

بالجد يا رؤيا كلام جميل ويديك العافية يا منقا (عارفة يا رؤيا الصحة دي مجننه البنات ديل كلهم وما في زول مقتنع بحجمه السمين عايز يضعف والضعيف عايز يسمن بالجد ربنا يعينهم واكيد هم ما خعارفين الكلام الطبي ده لو عرفوه ما في واحده تاني حاتعمل الحاجات دي والله يا رؤيا في حاجات طبيعيه بتاعة حبوباتنا الزمان لو الوواحه عملتهم اكيد حا خيعجبوها بس هم طوالي جاريين للحاجات الكيميائيه دي غايتو بس بالجد ربنا يهديهم )

والله صح كلامك ااي زول ما مقتنع بس الناس متابعة كلام الماس ومن اشتغل بالناس مات هما

UP