ركن الانسات و السيدات

يا جماعة الخير..
وقبل ما يجونى ناس حسن وراق و جماعة الجندر..يا ربى عبد الوهاب احمد صالح معاهم .. و الساعة الان منتصف ليل امريكا و برضو ماناسى مقترح أحمد بابكرالكوني بالنسبة للتبويب..فكرت نعمل ركن للسيدات و الانسات و انا شايف عددهم و الحمد للة ماشى فى زيادة نعمل ليهم ركن خاص .. و الدخول ليهو بباس ورد خاص.. ياربى دة ممكن؟؟؟؟
افيدونا افادكم اللة.. طبعا من هسع و انا متاكد ح يجو ناس كتار عايزين باس ورد..
مجرد فكرة ناعسة
بكرى

فكرة جميلة يكون في ركن خاص للسيدات

والله الفكرة مقبولة جدا مافي اعتراض عليها ولو عملت ليها بص وورد في ناس بعاينو بي خرم الوورد وعشان كدي يابكري حقو الجندر يقرر في هذا الامر.. وطبعا الرجال شاركو المرأة في اي حاجة وكرهوهم العيشة وخلو ليهم المطبخ والكوفير ولباس التوب وعشانة كدة سيك سيك مافي طريقة الجندر وراك وراك وقديما قيل الجندرما من الجندروالله شنو يا انعام.. نجوي ..رحاب واخواتها؟؟

يا اخوانى ما تخلو البساط احمدى
واعملو لينا الركن لكن خلوه مفتوح للراى والراى الاخر عشان حواء تكتب وادم يرد ويتبادلو الراى
وقالو بيت الشورة ما خرب
سكــر

الجمال يسابق رايى يا امين يا ركابى يا رائع وانا اخاطبك
ركن خاص بالانسات والسيدات هى دعوة من الفرار من الرجل الذى تغول على حاجات النسوان اكثر منهن
علينا ان نجمع المنبوذين مع الاصدقاء ونعمل خلطة النتيجة لا شك سوف تكون ايجابية
تجدع بعيد عندما تلتقى الايادى فى هم واحد والقادم احلى

يا اخونا بلاش ركن خاص لانو الموضوع كده ببقى زى بنطون توتى ... مرة ايام الجامعة ركبنا بنطون توتى ومعاى زميلة عزيزه جاء واحد من مشرفى البنطون قال لى لو سمحت يااستاذ البنت المعاك دى تمشى تركب هناك محل النسوان ومن اليوم داك بقيت لمن امشى توتى بمش ( عوم ) انتو عاوزننا نعوم فى المنتدى ولا شنو .. خلو ( الجكس ) معانا فى الهم والامال( ولا بنبقا ليكم انصار سنة ) هذه دعوة للاختلاط , وسواء وسواء نتحدى الكان مانعنا الهواء

حقيقة يا جماعة بدون باس وورد احلي
عشان يكون عام ... ونشوف كمان افكار الرجال ..

بس ما يجننونا بي المراة زي الموبايل والمواضيع الفارغة دي
وتبقي القصة عبارة عن (نقار) لا اكثر ولا اقل

اهم حاجة الموضوعية

ده الكلام .... نؤيد نؤيد نؤيد

أمين الركابي كتب:

إليك ،،،، ( بكري )
قرأت ،،
أضفه إلي لائحة الأصدقاء ،،
أضفه إلي لائحة المنبوذين ،،
المنبوذين ديل جاين من طرف بوذا ولا شنوا ،،
أنا ما وجدت هنا في المشتركيين ( حيي بن أقطب )
ولا ( أبا الحكم عمر بن هشام ) المكني بأبي جهل ،،
بل شيعوا التوادد والقربي ،،
ثم ما حكاية الاّنسات والسيدات وركنهن العجيب هذا ،،
يا بكري أنت وين عشان أفهم أنا ( معليش )
أنت في أمريكا ولا في ( مكة )
أهديل مدحة ( إبلي المشرفات )
لو كنت في مكة ،،
وأهديك أي أغنية من أغاني ( كريك ديفيد )
لو كنت في أمريكا ،،

ودام الصفاء موفور ،،

أمين الركابي ،،
وقــــ المغارب ــــت

أمين يا حبيب...
انت تتميز فى كل شى..
ما عارف وقت المغارب دة جاى من وين؟؟؟ يا اللة بتكون بتاوق؟؟؟؟
المهم يا سيدى.. بالنسبة لى موضوع المنبوذين.. دة من ناس الجهة المسجل معاهم الموقع.. يعنى حاجات من عندهم و امكن فورمات جاهزة..لكن بينى و بينك انا لامن شفتها لمن قبلت كدة.. لا عليك.. منتدى الحصاحيصا دوت كم.. يفرد اشرعتة للحب و للجميع .. يتسع بقدر ما تتسع صدورنا للاخر.. ارقد قفا.....
بالنسبة لموضوع الجنس الاخر..انا قلت فكرة ناعسة .. اهو جات اخر الليل و انا لا احب ان الجم خواطرى ... و لا انا بمقرر فى ذلك..و كان الكلام دة مشى و بقت فى قيود للدخول تلقانى اول المتاوقين..
و حقيقة اعجبتنى فكرة ان يكون فى ركن و متاح للجميع للمشاركة...
ليك انت بالذات.. ما تطول الغيبة..
بكرى

بكرى عثمان حمد كتب:

أمين الركابي كتب:

إليك ،،،، ( بكري )
قرأت ،،
أضفه إلي لائحة الأصدقاء ،،
أضفه إلي لائحة المنبوذين ،،
المنبوذين ديل جاين من طرف بوذا ولا شنوا ،،
أنا ما وجدت هنا في المشتركيين ( حيي بن أقطب )
ولا ( أبا الحكم عمر بن هشام ) المكني بأبي جهل ،،
بل شيعوا التوادد والقربي ،،
ثم ما حكاية الاّنسات والسيدات وركنهن العجيب هذا ،،
يا بكري أنت وين عشان أفهم أنا ( معليش )
أنت في أمريكا ولا في ( مكة )
أهديل مدحة ( إبلي المشرفات )
لو كنت في مكة ،،
وأهديك أي أغنية من أغاني ( كريك ديفيد )
لو كنت في أمريكا ،،

ودام الصفاء موفور ،،

أمين الركابي ،،
وقــــ المغارب ــــت

أمين يا حبيب...
انت تتميز فى كل شى..
ما عارف وقت المغارب دة جاى من وين؟؟؟ يا اللة بتكون بتاوق؟؟؟؟
المهم يا سيدى.. بالنسبة لى موضوع المنبوذين.. دة من ناس الجهة المسجل معاهم الموقع.. يعنى حاجات من عندهم و امكن فورمات جاهزة..لكن بينى و بينك انا لامن شفتها لمن قبلت كدة.. لا عليك.. منتدى الحصاحيصا دوت كم.. يفرد اشرعتة للحب و للجميع .. يتسع بقدر ما تتسع صدورنا للاخر.. ارقد قفا.....
بالنسبة لموضوع الجنس الاخر..انا قلت فكرة ناعسة .. اهو جات اخر الليل و انا لا احب ان الجم خواطرى ... و لا انا بمقرر فى ذلك..و كان الكلام دة مشى و بقت فى قيود للدخول تلقانى اول المتاوقين..
و حقيقة اعجبتنى فكرة ان يكون فى ركن و متاح للجميع للمشاركة...
ليك انت بالذات.. ما تطول الغيبة..
بكرى

مدخـــــــل أول :ــــ
يا حبيب ،،
صاحب الفكرة الناعسة ،،
( قوم إغتسل الفجر قرب يطلع )
مدخــــل وحــــيد في الفجــــر :ــ
( الإمام مالك رضي الله عنه ) كان مع تلاميذ له ،،
إمكن يكون كان الوقت ( صوت الشدر )
كان له مخطوطات قام بنسخها ،، لكنه كان حزين ،،
قال له تلاميذه ،، لا تحزن فقد قمت بنسخها ،،
أجابهم رضي الله عنه ،، ( كيف لي بها وقد سارت بها الركبان )
أخ بكري ،، الجسم الصنوبري في اّخر دماغك ،،
سيخبرك زات يوم أنك هنا وكنت هناك وأنت مسافر في قطار بكرة ،،
مدخــــل حنون :ـــ
سلم علي سيدنا المطر ،،
والطرق المبللة والغجر ،،
وسلم علي صوت القطر ،،
وقت الحقايب باكية من طول السفر ،،

ودمت حنون ،،
أمين الركابي ،،
وقـــ المغارب ـــت

ايناس حسين كتب:

فكرة جميلة يكون في ركن خاص للسيدات

أهلا معروفة ،،
وسهلا جاية من السهلة ،،
يعني الفجة المكشوفة ،،
أو الحاجة الساهلة ،،
ركن خاص للسيدات كيف ؟؟؟
يعني هو منتدي ولا مطعم في ( الحجاز )

مجرد سؤال ؟؟؟

أمين الركابي
وقـــ الحرية ـــت

مبارك قدوره كتب:

يا اخونا بلاش ركن خاص لانو الموضوع كده ببقى زى بنطون توتى ... مرة ايام الجامعة ركبنا بنطون توتى ومعاى زميلة عزيزه جاء واحد من مشرفى البنطون قال لى لو سمحت يااستاذ البنت المعاك دى تمشى تركب هناك محل النسوان ومن اليوم داك بقيت لمن امشى توتى بمش ( عوم ) انتو عاوزننا نعوم فى المنتدى ولا شنو .. خلو ( الجكس ) معانا فى الهم والامال( ولا بنبقا ليكم انصار سنة ) هذه دعوة للاختلاط , وسواء وسواء نتحدى الكان مانعنا الهواء

أحمد فؤاد نجم ،،
الشاعر الجميل ،،
( ومنولي بقول موس إندك حق ،، والسامر يضحك لما يطق )

والله أبكيتني يا مبارك يا حبيب ،،

أمين ركابي
وقـــ الحنان ـــت

وليد العشي كتب:

الجمال يسابق رايى يا امين يا ركابى يا رائع وانا اخاطبك
ركن خاص بالانسات والسيدات هى دعوة من الفرار من الرجل الذى تغول على حاجات النسوان اكثر منهن
علينا ان نجمع المنبوذين مع الاصدقاء ونعمل خلطة النتيجة لا شك سوف تكون ايجابية
تجدع بعيد عندما تلتقى الايادى فى هم واحد والقادم احلى

أخوي العشي ،،

كيفك يا حبيب ،،
في الأولي أخالفك الرأي ،،
عندما فرق الله بين اّدم وحواء ،،
نزلت حواء في مكة ،،وكان محل الإيمان والأنبياء ،،
ونزل اّدم في الهند ،، وكان محل الكفر والشرك وكثرة الاّله حتي هذا الزمان ،،
حن اّدم إلي حواء وهاجر إليها ،، وترك الهند تموج في الشرك ،،
وحنت حواء إلي اّدم وهاجرت إليه ،، لكنه وصل إليها قبل أن تغادر ،،
وإلتقت عظمة الله عند إلتقاء منبت الخلق ،،
في أرض شروق النور ،،
هي حكمة التمازج ،، وإلتقاء الأرواح ،،
لذلك لا مجال للفصل ،،
لأن الحكمة تغتضي عكس ذلك ،،
( منبت الخلق هو التمازج يا صديق )

بالنسبة للموضوع التاني ،، رأيك سديد ،،

ودمت جميلا للأبد ،،

أمين الركابي ،،
وقـــ المغارب ـــت