ضيوف في عيد دوت كوم.. الأخ محمد كمال السر..

الأخ/ محمد..
عيد سعيد
معذره للإقتحام.. بس خلينا ندردش معاك شويه علي الهواء في أيام العيد دي..
و بعد
# كيف إستعديت للعيد..؟؟
# كيف تستقبل صباح العيد و كيف بقية أيامه و أمسياته..؟؟
# أمنيات تتمناها كل عيد و تجدها.. ما هي..؟؟
# أمنيات تتمناها كل عيد و لا تجدها..ما هي..؟؟
# العيد بين الأهل و الأحباب و الصحاب مجموعة أعياد..ما رأيك..؟؟
# المقيمون خارج الوطن ينتظرون العيد كإنتظارهم لمولود مشوه..ما رأيك؟؟
# محمد كمال أحد الأعضاء الناشطين في دوت كوم و يشكل مع بني جيله دعماً حقيقياً لحاضر و مستقبل دوت كوم.. ماذا تقول..
# عيديه لأعضاء دوت كوم.. ماذا تقول فيها..؟؟

تسلم الأخ الرشيد علي المبادرة وكل سنه وانت طيب
يلا يا محمد كمال نحنا راجينك ما تتأخر علينا

مشيت فريزر تاون ولا ما مشيت هههههه اها الخالة منو الليلة وضابحين في بيت منو ولو في طريقة صور يكون احسن

بوهت شكري استاذنا الرشيد علي الاستضافه واسف للتاخير ارجو المعزره
كيف إستعديت للعيد?
للاسف وحالي مثل حال غيري من الاخوان في الغربه ماف احساس بالعيد ولا في استعداد والعيد بالنسبه لينا صلاه والموضوع انتهي خلاص وخاصة دا العيد التالت بالنسبه لي في الغربه ويمكن السنه دي في اختلاف بسيط وشوية استعداد بشرا الزبيح من قبل يوم من العيد لا كن كاننا ماشترينا لاننا حجزنا الخروف ودفعنا حقو كامل وماشفناه الا تاني يوم اثنا الزبح الحاجه التانيه بعد ما الواحد اتعود علي الغربه شويه كدا النفسيات في العيد دا كانت احسن

كيف تستقبل صباح العيد و كيف بقية أيامه و أمسياته..؟؟
العيد في الغربه صباحيه وبس خصوصا عندنا هنا في بلد غير اسلامي وحتي المسلمين الهنود ماعيدو معانا عيدو تاني يوم بقية ايامه وامسياته عاديه كان شيا لم يكن اجازة العيد يوم واحد يوم السبت يوم الجمعه كان دوام عادي للهنود بس نحن الطلاب العرب المؤجزين من يوم الجمعه الساعه 12 ظهر نسينا العيد ورجعنا للحياه العاديه

أمنيات تتمناها كل عيد و تجدها.. ما هي..؟؟
دوام الصحه والعافيه علي وعلي الوالده العزيزه ربنا يحفظها ويخليها

أمنيات تتمناها كل عيد و لا تجدها..ما هي..؟؟
العيد التالت علي التوالي اتمني اعيد مع الوالده والاخوان بس ظروف الدراسه مابتسمح لينا

العيد بين الأهل و الأحباب و الصحاب مجموعة أعياد..ما رأيك..؟؟
لا اخالفك الراي كثيرا ولاكن اضيف ان الغربه جمعتنا باخوه واصدقا عوضو عنا ولو جزء قليل احساس العيد بين الاصحاب والاحباب

المقيمون خارج الوطن ينتظرون العيد كإنتظارهم لمولود مشوه..ما رأيك؟؟
استعير ابيات من الشعر لاحد الشعرا في الاجابه علي السوال واقول
ياعيد عدت وادمعي منهلة بين صوارم ورماح
والصدر فارقه الرجا وقد غدا وكانه بيت بلا مصباح
يمشي الاسي في داخلي متغلغلا بين الضلوع كمبضع الجراح

محمد كمال أحد الأعضاء الناشطين في دوت كوم و يشكل مع بني جيله دعماً حقيقياً لحاضر و مستقبل دوت كوم.. ماذا تقول..
مشترك في الكثير من المنتديات المختلفه باختلاف اهتمامتها ولاكن للحقيقه والتاريخ البيئه المتوفره في دوت كوم ونوعيه البورداب واهتماماتهم وفكرهم المتقدم هو السبب الرئيسي في تقديم كل ماهو جديد ومفيد وهم الدافع ورا الاجاده والابداع مستعد لبزل الغالي والنفيس لرفعة الموقع وتطويره وتقديم المفيد للناس ولخدمه هذه البقعه الطاهره ورفعة اهلها وربنا يقدرنا علي خدمتهم

عيديه لأعضاء دوت كوم.. ماذا تقول فيها..؟؟
دوت كوم اعطانا لكثير من الاخوه والاصدقا وهنا تحقق المثل رب اخ لك لم تلده امك لذلك اي عيديه او كلمه في حقهم بتكون ناقصه ومجروحه لذلك اكتفي بقول كل عام وانتم بخير وعيد سعيد وسنه حلوها مع امنيات بوافر الصحه والعافيه للجميع

hanoya khalafalla كتب:

تسلم الأخ الرشيد علي المبادرة وكل سنه وانت طيب
يلا يا محمد كمال نحنا راجينك ما تتأخر علينا

العزيزه الغاليه هنويه معليش للتاخير لك العتبه وكل سنه وانتي طيبه وعيد سعيد

محمد علي جبريل كتب:

مشيت فريزر تاون ولا ما مشيت هههههه اها الخالة منو الليلة وضابحين في بيت منو ولو في طريقة صور يكون احسن

الوسيم القلبي رادو كل سنه وانت طيب اول مره من جبة بنغلور البس جلابيه اطلع بيها الشارع اخر جلابيه كانت في عيد رمضان قبل الفات في الحصاحيصا لاكن في العيد دا قلنا مابهمنا اي شي لبسنا جلاليب واتحركنا تلاته بايكات مع بعض عشنا ماف زول يسالنا ولايفتح خشمو وعلي غير العاده وصلنا فرزر تاون الساعه 7 والصلاه كانت 7;30 ورجعنا هقدي نقر في مسلخ في الكروس الاول جنب مطعم عمك البتكلم عربي ضبحنا هناك ومشينا بيت ناس حسبو ظبطنا امورنا الخالات كتار لاكن انت عارف اخوك ويدو كيف اتوفقت علي الباقين الصور في التلفون الوصله بتاعت usb في مشكله لاكن اول ماتصلح برفع ليك الصور وبعد كدا كفاك ماتتاخر نحن في انتظارك

محمد كمال السر كتب:

محمد علي جبريل كتب:

مشيت فريزر تاون ولا ما مشيت هههههه اها الخالة منو الليلة وضابحين في بيت منو ولو في طريقة صور يكون احسن

الوسيم القلبي رادو كل سنه وانت طيب اول مره من جبة بنغلور البس جلابيه اطلع بيها الشارع اخر جلابيه كانت في عيد رمضان قبل الفات في الحصاحيصا لاكن في العيد دا قلنا مابهمنا اي شي لبسنا جلاليب واتحركنا تلاته بايكات مع بعض عشنا ماف زول يسالنا ولايفتح خشمو وعلي غير العاده وصلنا فرزر تاون الساعه 7 والصلاه كانت 7;30 ورجعنا هقدي نقر في مسلخ في الكروس الاول جنب مطعم عمك البتكلم عربي ضبحنا هناك ومشينا بيت ناس حسبو ظبطنا امورنا الخالات كتار لاكن انت عارف اخوك ويدو كيف اتوفقت علي الباقين الصور في التلفون الوصله بتاعت usb في مشكله لاكن اول ماتصلح برفع ليك الصور وبعد كدا كفاك ماتتاخر نحن في انتظارك

بكون قريب معاااااااااااااك اتوقعني في اي لحظة يامان