هام وعاجل ولابد منو الحقو الحصاحيصا دوت كوم

اولا في ركوض حاصل عايزين تحريكه
المنتدا بقي كل زول يخش براهو وفي وقت مختلف وارد علي مواضيع معينه واطلع
ثانيا الاداره الجديده المواضيع المثبته دي كتيره جدا الواحد بقي عشان اصل اول موضوع مامثبت يدو بتوجعو
انا بشوف انو يااما تتعمل صفحه مثبته واحده داخل العام وتتثبت فيها المواضيع المفترض تتثبت او اما اتثبت القانون العام ومعاه المنتدا بدون القاب وبس
ثالثا وده ندا لكل البورداب (بتحصل كتير ان احصل ليك موقف ماجميل في احد البوستات انا شخصيا حصل لي مره موقف ماجميل في بوست قصه قصيره ومااكذب عليكم فقدني الاحساس باللهفه الكنت بجي جاريه بيه للمنتدا لمده قصيره كانت ايامها طويل كان تاثيرها علي.لكن بعد ده كلو اتلافيت الموضوع وبقيت شبه عاديه في المنتدا لكن يادوب الليله اول يوم من اكتر من شهر اكتب حرف في القصه القصيره انا بعتبر نفسي حمقاء وغضوبه) انا حكيت القصه الماقصيره دي عشان ضرب مثلا للكلام الجاي
العايزه انبه ليه البورداب كلهم اولا المنتدا ده عام ماحق زول لكل فرد الحريه مع مراعات القانون العام ومافي حد عندو الحق اتدخل في كتابه زول انت ماعجبك الكلام ماترد وكل شاة معلقه من عصبتها انا اذا كتبت كلام ماجميل اتخيل لي الناس بتقول ايمو كتبت فانا بشوف انو ماف زول ادخل في كلام زول مادام تحت اطار القانون العام
وعلي صعيد اخر لو في حد انتقد اوعلق علي كلامك ماتشعر بالغربه وتبتعد من المنتدا لمجرد اختلاف في وجهات النظر اخد من كلامو المفيد والباقي اجدعو البحر واختلاف الرائ لا يفسد للود قضيه
يعني ماتعملو ذيي وتسيبو المنتدا الحصاحيصا ماليها زنب في المهاترات الكلاميه
خلاصه الموضوع انا عارفه قدر شنو انكم كلكم بتحبو الحصاحيصا وكيف نفسكم تشوفوها الاولي في كل شي فبالله عليكم ماترمو جهد الدكتور بكري عثمان حمد ارضا اجتهدو ان مشروعو ده اثمر عن افضل النتائج

والله يا ايمو كلامك صح والمفرووض كدا والمواقف دي ما براكي مريتي بيها اكيد ااي زول مرا بشئ زي دا الله يقدرنا وننفع المنتدى لكن من ناحية الركود جد المنتدى بقى فظيــــــــــــــــــــــــــــــــــــــــــع وسكون خرافي

طلب للادارة
اتمنى انو الاشراف ما يبقى بالطريقة دي
واتمنى تقبلو اقتراحي
انو المنتدي فيو 8 اقسام
ليه ما يتم الاشراف على حسب اهتمامات المشرفين يعني كل زول يكون مشؤول من قسمو فقط عشان يبقى في اختصاص وكمان يكون الاشراف منظم وشغل الاشراف ما يبقى جايط
دا اقتراح مع احترامي وعارفة انو شغل الاشراف دا متعب للكل وما شغلانة هينة ابدا

انا عايزه الناس تكون روحها رياضيه ماتتحسس
وتاني اكون القرض الاساسي الحصاحيصا
تسلمي ياروي علي المرور
عيزين ننعشي المنتدا ده ياروي
البلد بتعتمد علي شبابها اذا هم نشطيطين البلد بتكون متميزه

emoo كتب:

انا عايزه الناس تكون روحها رياضيه ماتتحسس
وتاني اكون القرض الاساسي الحصاحيصا
تسلمي ياروي علي المرور
عيزين ننعشي المنتدا ده ياروي
البلد بتعتمد علي شبابها اذا هم نشطيطين البلد بتكون متميزه

هههههههههههها والله يا ايمو المدرسة دي لسة بدري ما مفروض يفكوكي منها والمدير بتاعك دا ما عمل شي فالح في الاجازات ساااااااي

يا ايمو بالجد المنتدى بمر بفترة خمووووووووول وبقى ممل خالص يا اخوانا بجد ليه؟؟؟؟؟

في شكوى تانية من ناس السعودية وكم مرة اتقالت واسي برضو لسة متواصلة الشكوى انو المنتدى ما بفتح معاهم عشان كدا حضورهم ووجودهم قليل واتمنى من الادارة حل المشكلة دي والاستعانة بذوي الخبرة لحلها 

في الواقع ي د/ايمو خايفين نتكلم عشان مانعمل مشاكل ولكن بتحت تحت يعني في السر اوافقك علي كلامك الجميل
والله المستعان

الزعيم كتب:

في الواقع ي د/ايمو خايفين نتكلم عشان مانعمل مشاكل ولكن بتحت تحت يعني في السر اوافقك علي كلامك الجميل
والله المستعان

الزعيم ماف مشاكل حتحصل
كلنا اخوان والكلام ده من مصلحه البلد عامه
انا بالنسبه لي لو في عضو واحد من ابنا البلد خلي المنتدا او زهج او زعل دي خساره فادحه تهمني العضويه وتهمني الاخوه الناتجه منو يعني انا طلعت باصدقا من المنتدا ده يعني هو فيه مساحه واسعه جدا للتواصل والتأخي ماحصلت فعيب ان نحن نفرط في الفرصه دي
نحن عددنا عباره عن 575
يعني كل واحد فينا عندو في المنتدا ده 1علي 575 نصيبو لاتفوتو لا تنقصو

up

الاهات كتيره بس عشان الحصاحيصا بنستحل اي حاجه ونتجاوزها والكلام عن الاشراف كتير بس ماف زول بسمع لانك لوشكيت من مشكله ماف زول بركز معاك والحل ممكن يجيك بعد اسبوع او اكتر المواضيع المثبته مامهمه كتيره وقاعده علي حساب مواضيع اهم ونحن في المنتدي الصحي طالبنا بتثبيت اكتر من موضوع ولاكن لاحياة لمن تنادي واتخيل لي التثبيت بالمزاج مابالاهميه وزي ما قالت رؤى مفروض الاشراف يكون حسب الاهتمامات
ياريت نتاجاوز كل الفات ونبدا صفحه جديده مع ثوره شبابيه تنطلق من هذا البوست لنساهم في تطوير الموقع والنهوض به ونقدم عمل شبابي مميز
ولي عوده مره اخره

نتمني الكثير يامحمد كمال لاكن البسمع منو والتثبيت اللقيتو بعد ما كنت غايب حيرنا زاتو

محمد كمال السر كتب:

الاهات كتيره بس عشان الحصاحيصا بنستحل اي حاجه ونتجاوزها والكلام عن الاشراف كتير بس ماف زول بسمع لانك لوشكيت من مشكله ماف زول بركز معاك والحل ممكن يجيك بعد اسبوع او اكتر المواضيع المثبته مامهمه كتيره وقاعده علي حساب مواضيع اهم ونحن في المنتدي الصحي طالبنا بتثبيت اكتر من موضوع ولاكن لاحياة لمن تنادي واتخيل لي التثبيت بالمزاج مابالاهميه وزي ما قالت رؤى مفروض الاشراف يكون حسب الاهتمامات
ياريت نتاجاوز كل الفات ونبدا صفحه جديده مع ثوره شبابيه تنطلق من هذا البوست لنساهم في تطوير الموقع والنهوض به ونقدم عمل شبابي مميز
ولي عوده مره اخره

ارجو التثبيت
ارجو التثبيت
ارجو التثبيت
ارجو التثبيت
ارجو التثبيت
ارجو التثبيت

الدكتوره الكريمه
عيد سعيد علي الجميع
و الله سبقتيني مشكوره إلي هذا الطرح حيث كنت في الطريق إلي محاوله (خجوله) أن أذهب إلي ما تعرضتي إليه هنا..
# أولاً أصدقك القول أن هناك ركوض في حركة المنتدي عموماً و الحوارات شبه معدومه أو شحيحه و البورداب يتعذرون بالمشغوليات و في دوت كوم دائماً المشاهدات عالية الرقم و المشاركات شحيحه..؟؟
# هناك أعضاء كثيرين مسجلين بالمنتدي و يسجلون دخول علي المنتدي، و من ثم (يتخارجون) دون أية مساهمات..؟؟
# كثير من البورداب سجلوا في المنتدي و تم الترحيب الحار بهم و بعدها .............؟؟ (شيل باقي عُمري)..كما تغني الراحل إبراهيم عوض له الرحمه..
# ليس لأية فرد الحق في تقييم ما يكتب الأخرون بالنقد المباشر كتابة ما لم يكن في ما يكتب الأخرون إنحراف عن أهداف المنتدي و لوائحه المنظمه للطرح.. و أرجو أن يكون الجميع بمستوي الفكره و التناول فيما يساهمون به من أراء و أفكار..
# المواقف المسيئه أو سؤ التفاهم الذي يحدث بين البورداب مسأله يصعب تحاشيها.. إختلاف و جهات النظر حتميه تقتضيها سنة الله في الكون و لا يستطيع أحد التحكم في أمزجة و أهواء العباد.. حتي الله سبحانه و تعالي ترك لنا الإختيار في ما نفعله في الدنيا و له حساب معنا في الأخره.. و في منتدانا و غيره لا رقيب إلا الضمائر(اليقظه) و خوف من رب العباد في ما نتلفظ به كتابة..
#الإخوه الذين لديهم ملاحظات علي عمل المشرفين، أقول لهم أن ما يكتبون محل إهتمام من الإشراف، فعليهم مواصلة كتابة ما يرغبون و بقليل من تكاتف الجهود هنا و هناك، سيجدون ما يسرهم..
# أشيد بالدور الفاعل الذي يلعبه كثير من الأعضاء في إحياء و إثراء المنتدي و لا أود الإشاره إلي أسماء، فهم معروفين لأنفسهم و غيرهم..
# أستميحك كما بقية الأعضاء في إعادة نشر موضوعين في المداخلتين التاليتين و هما شبيهان بالطرح الذي قدمتيه لنا في هذا البوست..
و دمتي..
________________________________________

السلام عليكم..
يا أخوان.. يا أخوات..
بإحساس ِشخصي بحت، ألحظ أن هناك ركوض في حركة المنتدي خلال الأيام الأخيرهـ..هناك غياب لكثير من الإخوهـ و الأخوات.. أعزاء كُثر يتم الترحيب بهم و نستبشر خيراً بقدومهم الميمون، ثم لا يعودون إلينا لدفع حركة المنتدي للأمام.. حتي المٌتواجدين يكتفون غالباً بالقراءهـ فقط.. المواضيع المطروحه أري أنها جيده و لا غبار عليها و قد يخالفني البعض في ذلك..أشخاص محددون هم الذين يقومون بتحرير البوستات و التداخل علي الأخري.. و المنتدي به مجموعه مميزه من البورداب ذوي الرأي و التأهيل المعرفي الذي يدفع بحركة المنتدي للأمام..لا نريد أن نقارن بين المنتدي و الأخريات.. لكن هناك عشم شخصي أن يكون منتدانا أضخم و أروع مما هو عليه..
أرجو أن يوضح الزملاء بصرااااااااااااحه أسباب عزوفهم عن إحياء المنتدي بشكل أغزر ما هو عليه الأن.. و إنشاء الله حسن النيه متوفر لدي الجميع و أولهم كاتب هذا البوست..
و دمتم ..

السلام عليكم يا ناس..
بدون مقدمات الحصاحيصا دوت كوم جسم فضائي يجمع مجموعه من أبناء هذه المدينه المعطاءهـ لو لم يجتمعوا هنا، كان يمكن أن يلتقوا علي مكان أخر في رحاب هذه البلده أو خارجها طالما أن هناك ما يجمعهم علي كل الخير..
الحصاحيصا دوت كوم مُوجه له إتهامات مُتعدده يتناولها البعض هنا و هناك.. هناك من يقول أنه مظله تأوي توجٌه فكري مٌحدد..؟؟ و أخرون ينسبون له أنه أيضاً تجمع عِرقي لتوجيه رسائل عنصريه مٌحدده..؟؟ بعض من أعضائه إختفوا أو تركوهـ تماماً علي خلفية أن هذا المنتدي لأولئك؟؟.. و أخرون يحذرون الولوج فيه خوفاً من أن تلاحقهم(اللعنه).. معذره(الفتنه)..؟؟ البعض يقول أن الإقبال علي ما يكتبه و يطرحه شحيح.. و أخرون يقولون من منطلق ثقافه سماعيه (الناس ديل........؟؟) الإجابه أعلاهـ..
إمتعض أخي الدكتور الحسيني يومها و كتب(داخل المنتدي) أنه تجمع لشلليه مُحدده و إشتعلت نار الجدال يومها..؟؟ أخرون يتهمون أعضاء محددون بتلميع أخرون ..و..و..و و لا زال(التحقيق) .. معذره (التصنيف) مٌستمراً و( الجريمه) لا سمح الله (غامضه)..؟؟
التصنيف و علي الرغم من حِدته غير المنطقيه أحياناً أو غالباً أو بشكل عام أحد الموجودات فيما يفرق الإنسان عن (أخيه) الإنسان..؟؟ حتي صغارك الذين تنجبهم، إذا شعر أحدهم أنك لاطفت الأخر أكثر منه دون أن ترمي لذلك أو تشعر به، فأنت في جٌرمٍ عظيم عندهـ!! فما بالك بالراشدين البالغين ذوي المنطق و اللغه اللذان قد يغردا بهم خارج منظومة الحياء قبل الحياة..؟؟


يا ناس ..
السلام عليكم مرهـ أخري..
أولاً.. هذا البوست لم تتم صياغته مني للهمز و اللمز أو الإنتقال لمشاحنات نادرة الحدوث لدرجة الإختفاء في هذا المنتدي.. و حتي إن حدثت، فهذه من المعطيات لأية تجمع حتي و لو لكان ل(قطط منزليه أليفه).. أكرمكُم الله؟؟ الحصاحيصا دوت كوم للجميع و بالجميع من أبناء هذه الديار و غيرها من البورداب الكرام خارج الحصاحيصا.. التسجيل مستمر يومياً بالمجان لكل من يأنس في نفسه (الكفاءهـ) المعرفيه للدفع بالمنتدي للأمام.. كل من لديه طرح محدد يود طرحه، لن يجد من يمنعه ليس لأن هذا (عنبر المجانين قبل المجنونات)، لكن حرية النشر و التعبير مٌتاحه لجميع الأعضاء دون حجر علي رأي أحد ما لم يهدف الطرح إلي هدم شئ ما ذو قيمه نفيسه يتشبث بها الناس في دنياهم و أخرتهم.. لا أحد يقول لأحد(إنتا كتبتا لينا كلام فارغ باهت فاشل زي خِلقتك دي!!)، هذا لم و لن يحدث.. الطرح وفق ما يري كل عضو قام بتسجيل نفسه من دون (تعذيب) من أحد و الحوارات متواصله هنا و هناك داخل المنتدي بأشكال فرديه، ثنائيه و تحلق بعض المجموعات مع مجموعات أخري و هذه حريه شخصيه لكل فرد كفلها له الشرع و ليس المنتدي و في الأولي رب يحاسب و هنا ضمير بعد الرب يُراقب..؟؟ و من لا ضمير له، لا رادع له..؟؟ كل من يود للمنتدي أن يسير علي ما يشتهي، فليأتي بأدواته الموضوعيه و يطرحها علي المائدهـ و لن يجد من يتقيأ علي ما إشتهاهـ للأخرين؟؟ .. و لكن (قد) لا يتم إنتهام أو (إبتلاع) ما أعدهـ أو حتي هضم مٌشتهاهُـ بعد الأكل (دون شهية) و هذهـ مُشكلة المٌعِد و ليس المٌعَد لهٌ.. ؟؟ و قبلها أعدت(سوزي) مائدتها و إلتف كثيرون حول طاولة ما طبخت ما بين و بين..؟؟ بعد ما (سبكت الحَله) و (شحشح) بعضهم بقوارير مستوردهـ أو محلية الصنع؟؟ و طالب أخرون بإقامة(الحد الأخلاقي) ..؟؟
من يريد للهلالاب أن يسيطروا علي (منطقة المٌناورهـ) بلغة الكوره، فليدعم المنتدي بمجموعه كبيرهـ من الأخوان الهلاليين و الحديث نفسه للمريخاب و هذا لا يمنع(المورداب) والأنديه و الأحياء الأخري من تكوين روابطهم و جماعاتهم داخل المنتدي..؟؟
و قس علي ذلك..؟؟
و الحاكميه لله سبحانه و تعالي..
أرجو شاكراً إدارة هذا البوست بواسطة الجميع..
و بس..
و دمتم..

اخي الرشيد اشكرك يشده علي المداخله واهتمامك بالموضوع
مع اني في بدايه الموضوع شعرت اني ضربتكم بطرف السوط باعتبارك من المشرفين لكن حقيقي انا همي ان المنتدا ده علي الاقل لو ماكبر مايتدهور
كلامك علي العين والراس وارجو ان الناس تفهمو بالطريقه الصاح
دمتم نحن نعتبر ده بوست الشكاوي والمقترحات وعليكم الله ماتثبتو

الزعيم كتب:

محمد كمال السر كتب:

الاهات كتيره بس عشان الحصاحيصا بنستحل اي حاجه ونتجاوزها والكلام عن الاشراف كتير بس ماف زول بسمع لانك لوشكيت من مشكله ماف زول بركز معاك والحل ممكن يجيك بعد اسبوع او اكتر المواضيع المثبته مامهمه كتيره وقاعده علي حساب مواضيع اهم ونحن في المنتدي الصحي طالبنا بتثبيت اكتر من موضوع ولاكن لاحياة لمن تنادي واتخيل لي التثبيت بالمزاج مابالاهميه وزي ما قالت رؤى مفروض الاشراف يكون حسب الاهتمامات
ياريت نتاجاوز كل الفات ونبدا صفحه جديده مع ثوره شبابيه تنطلق من هذا البوست لنساهم في تطوير الموقع والنهوض به ونقدم عمل شبابي مميز
ولي عوده مره اخره

ارجو التثبيت
ارجو التثبيت
ارجو التثبيت
ارجو التثبيت
ارجو التثبيت
ارجو التثبيت

يازعيم تثبيت شنو انا المزهجن ومكرهني المنتدا العام التثبيت في مواضيع كتيره مثبته هي صاح مهمه لكن الناس قروها

up

يا ايمو سلام
نخلص من العيد ونرجع ليك برد مفصل

كلامك زي الدهب ايمو اديك العافية

(هبه) بت الحصاحيصا كتب:

تسلمي يا إيمــــــــو
وبالجد كلامك في محلو وياريت كل الناس تعمل بيهو مشرفين وأعضاء

تسلمي ياهبويه انا قصدي كلو المنتدا امشي لقدام وذي ماقلت خسارة نفر تعني انتها الهدف
تشكري علي المرور

علاء الدين ابراهيم كتب:

كلامك زي الدهب ايمو اديك العافية

يعافيك الله استاذ علاء وربنا اديم المعروف