مجرد سؤال

يا ناس دايرين لينا صفحة خاصة للمرأة لانو عندنا مواضيع خاصة نسأل منو يعني بالعربي الواحد داير يخت ليهو حنة يعمل شنو مع العزابة والرجال المالين المنتدي دا
مجرد سؤال 19441749

يعني رايكم شنو نعمل باب للحريم والله شنو؟؟
اسع دا ينطو لينا ناس عمار تلودي وابوطاقية حمرا والناس الزعلانين من حريمهم

مرحب بالاخت عواطف ونحيي دخولك الفوي دي
حقيقي والله سؤال وجية جداً وطبعا الاجابه عند الاخوات الكريمات في
المنتدي . ويا عمار وابو طاقيه حمراء
( نودوها ويييييييييييييييييييييييييين ياكاكري )

الرائعة بت عمسيب
كل امتناني
احم أحم أحم
اخدن راحتكن
بس عندي كمان مجرد سؤال؟؟
شوفي الفرق بين تاريخ تسجيلك وعدد مساهماتك
دحين دا اسمو كلام؟؟؟؟؟
امرقي لي جوة
وكوني بألف خير

تلسلمي اخت عواطف ويديك العافية
اضم صوتي لصوتك واطالب بقسم خاص جدا لحواء
علي ان يضم كل المواضيع التي تخصنا واقترح تسميته بمنتدي حواء

زائر

تعالو المدرسة اكثر مشاركة ومشاهدة Laughing

اختي الرائعه شكرا جدا علي هذا الطرح الجميل
لكن الصفحه تكون محظوره علي الرجال دخولها عشان نشمر فيها وعشان مايكشفو اسرارنا الجماليه
والمصيبه من اسي قبال الصفحه ماتتعمل ناس حافظ وود عيسي مدو راسهم بالحيطه وشاركو مشاركات فعاله ههههههههههههههه Laughing

زائر

emoo كتب:: اختي الرائعه شكرا جدا علي هذا الطرح الجميل
لكن الصفحه تكون محظوره علي الرجال دخولها عشان نشمر فيها وعشان مايكشفو اسرارنا الجماليه
والمصيبه من اسي قبال الصفحه ماتتعمل ناس حافظ وود عيسي مدو راسهم بالحيطه وشاركو مشاركات فعاله ههههههههههههههه

انت لي هسة ما طرتي لى ود مدني شكيت محنك

والله زمان قلنا نعمل ركن للمراءه ... وانهالت علينا سكاكين الانس و حسن وراق ... !!!!

بكرى عثمان حمد كتب:: والله زمان قلنا نعمل ركن للمراءه ... وانهالت علينا سكاكين الانس و حسن وراق ... !!!!

اخي بكري ليه انهالت عليك السكاكين مالهم النسوان مابستاهلن وله مابستاهلن

عواطف عيد سعيد للمراءه وجود فى كل الزوايا ححدى نوع

موضوعك ونزليهو فى المكان المخصص له كموضوع.

وطالما المراءه اصبحت الدينمو فى معظم المجالات فليكن

وجود ماتطرحه دينو يحرك عصب هذا الاسيرى وجودا ووعيا ووصدى

ياعواطف ياراقيه يعني عاوزه تعملي راكوبه خاصه وتخلونا برانا مسيخين

الغاليه بت عمسيب
لابد من ركن للمرأه داخل المنتدي خصوصا بعد الكم الهائل من بنات الجنس الاخر الموجودين في قائمة الاعضاء فقط وبالله الشمارات ماتنسيكم المنتدي وباقي الاركان

وفتشوا لينا معاكم لحسن ده عروس قبل الملحق بتاع الشربوت

دمتي بخير

عواطف عمسيب كتب:: يا ناس دايرين لينا صفحة خاصة للمرأة لانو عندنا مواضيع خاصة نسأل منو يعني بالعربي الواحد داير يخت ليهو حنة يعمل شنو مع العزابة والرجال المالين المنتدي دا

يعني رايكم شنو نعمل باب للحريم والله شنو؟؟
اسع دا ينطو لينا ناس عمار تلودي وابوطاقية حمرا والناس الزعلانين من حريمهم

اسه يا عواطف عمسيب
ما تخافى الله ( تلمينى مع حسن وراق )
كان تخليها بدر ابو نورة كان ارحم شويه

جعفر قوليب كتب:: مرحب بالاخت عواطف ونحيي دخولك الفوي دي
حقيقي والله سؤال وجية جداً وطبعا الاجابه عند الاخوات الكريمات في
المنتدي . ويا عمار وابو طاقيه حمراء
( نودوها ويييييييييييييييييييييييييين ياكاكري )

يا ابو الجعافر
اديها كاكرى لمن يجى من الحج

الجميلات
هنويا
ايمو
فوز
الصلاة قالوا فيها السر والجهر وكلام النواعم لو دخلوا فيهو الخشنين ديل بصنفروهو لينا احسن ليكم ركن نتلمي قيهو علي الاقل نتكي ونفك الشعر ونمرق التياب ديل وعلي الاقل نسمع لينا دندنة من هنويا.. كدي فكروا في لينا في الموضوع دا حتي ولو كان في البرايفت!!
ياشباب
شكرا يا جعفرون ع التشجيع
لكن ياود عيسي قالوا الخيل الحرة بتجي في اللفة
يا حافظ الظاهر انور فرق عليك والله شنو؟؟
يا عمار تلودي احسن ليك ابوطاقية حمرا من بدر ابو طاقية عِمة!!
يا بو عفان ..دا من زوقك يا ظريفون!!
يا الطيب حسن الكلام ما في الراكوبة القصة في ونسة خشم الباب وقدمني واقدمك
يا فايزة السيد اعمل ليكي مدرسة مشاغبات والله تدبير منزلي علي الاقل الواحد يقول ماشي المدرسة!!
تسلموا يا حلوين....

اجيكم من الاخر
والله العظيم ما بنبقى براكم
وراكم وراكم وراكم
عديل كده

emoo كتب:: اختي الرائعه شكرا جدا علي هذا الطرح الجميل
لكن الصفحه تكون محظوره علي الرجال دخولها عشان نشمر فيها وعشان مايكشفو اسرارنا الجماليه
والمصيبه من اسي قبال الصفحه ماتتعمل ناس حافظ وود عيسي مدو راسهم بالحيطه وشاركو مشاركات فعاله ههههههههههههههه
وبرضو يادكتورة الرجال اكثر شمارت من النساء مع تحياتي واضم صوتي لكم

والله كلامك صاح بس لو ختيتو الحنه براكم ناس عووضيه يعملو شنو. بس يا عمسيب ما تكوني دايره تدخلي معاكم لبني دي .........

انا عندى سؤال واحد بس ؛ الرصيف ده وين ؟

يا عواطف الله يلعن الكعب العالي ،،
والرسمة التقول راسما عوض كلكتا ،،
بعدين بصراحة الكعب دا بخدش حياء البلاط والسيرميك ،،
غايتو اكان دي بشارة زاويتكن ،،
فأنا عندي بوست جاهز ،،
يا بتكن عمسيبكن هوي أخير ليكن ،،
دحين ما تجهجهن موقعكن ،،
وتسلمي كتير ،، وما تتنازلكن عن حقكن في زاويتكن ،،
ونشد من أزركن ،،

الامضاء : رئيس رابطة معجبي زاويتكن

عواطف والله فكرة جميلة لكن بيني وبينك ما متطرفة يعني دايرين إنفصال.... !!!
ماشي أنتوا صوتوا لي ركن نسائي بشرط أن لا يدخله الرجال وبالمقابل نحن نصوت لواحد للرجال بشرط أن لا تدخله النساء
والنشوف البيموتو من الشمار منو

ناس حافظ طبعا

برضو وراااااااااااااااااااااااااااااااااااااااااااركم

تانى عديل كده
وررررررررررررررررررررررراكم
الواضح ما فاضح
ورااااااااااااااااااااااااااااااااااااااااااااااااااكم

يا توفي!!
الجماعة مشوا للوضوع والله القصة عدم موضوع؟؟
ليست نسراً واحداً بل نسرين!!
قال وراكم وراكم هو العشي زمان قالوا العشي مشي الحج شالوهو بالنقالة من نص الشوط الاول بين الصفا والمروة!!
والله الا ورا ورا .. الترترة.. آآآآآآآ أيا !!!!!!

» مجرد سؤال؟؟
» مجرد سؤال للكوامر
» مجرد سؤال لأعضاء دوت كوم
» مجرد ترحيب
» مجرد راي