هل من مؤيد

يا ناس يا حلوين انا اهو خلاص جيتكم
لا لحقت القطر ولا اللورى ولا حاجة تلحقنى ليهم
عموما نبدأ من هنا بمناسبة الاحتفال بالشمعه واحد
اقترح لجنه عليا بالخرطوم من عامر خالد واشرف عدوى ورحمة وهنوية بت خلف الله وانعام حسن ودكتورة رؤى وهبه بت الحصاحيصا وفائزة السيد
اقترح رحلة بحرية لجزيزة التمساح ودعوت اجمل الناس بالعاصمة بمصاحبة النغم الجميل
وارحب ان يكون الاجتماع التحضيرى بمنزلنا المتواضع بالجريف غرب

ياوراق غلاسه وسواء اعترضت او لم تعترض افتكر من حقى ان ادلى برؤيتى حتى لو تبقى القليل من الزمن ........ ودى الديقراطيه التى نسعى لها ...... الاحتفاليه هى وقفه للمراجعه وتاكيد اهمية دور الموقع فى حياة اهل الحصاحيصا وليس المطلوب البهرجه ومن الممكن ان يحتفل اى عدد فى اىبقعه من ارض هذا الوطن ويكون لاحتفالهم طعمه الخاص واثره فى نفوسهم وفى من حولهم........... ولم اقصد حصر الاحتفالات فى موقع محدد كان حديثى موجهاً لاهل الخرطوم لاغير.................

الحلو كيشو
شدو حيلكم يا ناس الخرطوم
والميدان بينا
نحن حنعملا رحلة لجذر القمر
والنشوف احتفالنا ولة حققكم البطلع حدث

أنا موافقة وبالعشرة ... ليك وحشة والله ياحسن

الاعزاء : كيشو وراق ود عيسى هبه ورحمه
التحيه لكم
مع احترامى الكامل لاقتراح اخونا كيشو لكن ولانو المنتدى من المفترض ان يكون موجودا بالمدينه وعلى جميع المستويات راينا ان يكون الاحتفال بالحصاحيصا حتى يعلن المنتدى عن نفسه بكثير من الاشياء التى يمكن ان يحسها انسان الحصاحيصا البسيط فى اى اشكال ممكنه وفكرة تقسيم الاحتفال فيه تشتيت للمجهود والامكانات سواء بشريه كانت ام ماليه .لذلك نرجو صادقين ان نجمع الاحتفال فى مكان واحد حتى نستفيد من الجميع وخصوصا اننا فى مقترحاتنا معتمدين فى كثير من البرامج على بورداب الخرطوم والخارج ، ودمتم .

الأخ عبدالوهاب ,, خالص الود .. الفكرة لاتنسخ الفكرة الأصل بل هى داخل الماعون الكبير واحدى فعاليات الاحتفال مثلا ممكن تكون فى احتفالات داخلية لعضوية المنتدى فى المهجر والعاصمة تختتم بالاحتفال الكبير وميزانية رحلتنا دى ما حتكون خصما على الميزانية الام وممكن تكون مساحة للتفاكر والتشاور حول الرؤية النهائية للاحتفال وممكن نعتبرها حنة العريس (قيدومة ) ولا الرأى شنو

الاخوات هبه ورحمه
لكن التحيه والتقدير واجمل الامنيات
اجدنى متفقا معكن فى ما ذهبتن اليه (ما عارف دى لغويا صاح ولا غلط لانو اللغه العربيه بالنسبة لى لغه ثانيه بعد لغة الوسط السودانيه ) من الاحتفال بالخرطوم تحضيرى للاحتفال الاساسى هنا ولكن فهمت من كلام حسن على حسن انو تقسيم للاحتفال .شكرا على المرور.

رحمهG.T كتب:

الأخ عبدالوهاب ,, خالص الود .. الفكرة لاتنسخ الفكرة الأصل بل هى داخل الماعون الكبير واحدى فعاليات الاحتفال مثلا ممكن تكون فى احتفالات داخلية لعضوية المنتدى فى المهجر والعاصمة تختتم بالاحتفال الكبير وميزانية رحلتنا دى ما حتكون خصما على الميزانية الام وممكن تكون مساحة للتفاكر والتشاور حول الرؤية النهائية للاحتفال وممكن نعتبرها حنة العريس (قيدومة ) ولا الرأى شنو

كده الكلام حلو شديد يا رحمة
تسلمي ممتاز جدا ونحن حاضرين دوما

الأخ حسن علي حسن
لك التحية


نحن دوما معكم

الحصاحيصا بتستاهل اكتر من كدة

بس المهم انو الناس تتفق علي الحاجة مع بعض

وما في زول يكون عندو راي مخالف عشان الحاجة تتطلع حلو ه

ولا الراي شنو

hanoya khalafalla كتب:

الأخ حسن علي حسن
لك التحية


نحن دوما معكم

الحصاحيصا بتستاهل اكتر من كدة

بس المهم انو الناس تتفق علي الحاجة مع بعض

وما في زول يكون عندو راي مخالف عشان الحاجة تتطلع حلو ه

ولا الراي شنو

اوافقك الراي يا هنو