مرحب بعضو دوت كوم فى دوحة العرب

دي قلعتو من وين الصحفي المحترم ابوذر حسين يا حليلك مشتاقين والمنتدي منور بيك وياديسكو زكرتونا ايام الدمام الجميله ويالله ابقي داخل المنتدي ورونا ابداعات البحرين وتحياتي للاسره يا ابو زر..

والله انا بعتبر دا مكسب كبير ناس الدوحه معاهم الاستاذ ابو ذر حسين عشان كده حقو ترسلو لينا حبة هوا منكم

تحياتي .. ابوعثمان ومهدي بكش .. والجميع

ثم تحيات ..
شتتوها.. ما هي اصلها مشتتة
فرقوها في الهوا زي "شمارة" طارت من موقع هناك، وركت هنا.. ما تسال وين الـ "هنا" امكن تكون في اللا حدود
فرقعوها في السما متل"قوالة" شظاياها شلخت هناك وكتلت هنا
قسموها زي كتير من مساحات و"دونيمز" ضاعت رياحا سدا..
اعصروها.. امكن تئن، امكن ترن، امكن تحن.. وتعود زي زمان شلة اندية، ودار رياضة، ولمة غنا
فتتوها حتة حتة.. امكن "فريق" ارتاح من "فريق".. امكن تضيع جهود الجماعة ويتهنأ العزول.. امكن تفضل انت وضلك والمنى
خللوها.. امكن التحيات تحلى.. الحكاية تحلى.. الكتابة تحلى في كل المواقع.. وتغيب القيود .. والرقابة تبقي خارج الحدود
واخيرا..
يا حافظ ود احمد دق المحلب واعرف كرسيك الساخن ليه اتشقلب..
ضيفك غائب؟ امكن رائب!، قرب اخمر، اوعى يحمر..
تعود السالفة وترجع سوزي، وحمام الدم يصير جاكوزي

ولي لقاء قريب متجدد

استاذي الرشيد
سلامات
اعذب الكلام عندي وابلغه ما لا يفهم الا بعد "سبع" قراءات متتالية "احدها" بالتراب

أبوذر حسين كتب:

استاذي الرشيد
سلامات
اعذب الكلام عندي وابلغه ما لا يفهم الا بعد "سبع" قراءات متتالية "احدها" بالتراب

والله يا ود حسين يا خوي انا كتابات الصحفيين دي ما عاقد افرزها عامله زي بيوت المحطة
لكن الرشيد دا بكون فهمها وهي طايرة