محمد سليمان المحسي

محمد سليمان حسن
من مواليد قرية فركة مركز عبري علي الحدود المصرية
كان يعمل مزارعا بالمحس في الشمالية
ترك الخرطوم ليختار الحصاحيصا مستقرا له دون ان يعرف فيها احد
الصدفة فقط جعلته يلتقي بعلي كحيل ( والد خليل وعصام) الذي احسن استقباله واوجد له عمل في مطعم حاج ابراهيم الحلفاوي ( والد قرشي)
اشتغل مراسلة في الكهرباء بالحصاحيصا ثم عامل بالمخازن واخيرا مراقب لمحطة الجنيد الكهربائية..وكان يقطع المسافة من حي العمدة في الحصاحيصا الي الصداقة ثم يعوم النيل الازرق هنالك الي الجنيد وهكذا لمدة خمسة عشر عاما حتي تقاعد الان في المعاش بمرتب 40 جنيه فيها 20 جنيه خصومات؟؟؟
له الكثير من الطرائف والمواقف الحقيقية.. يمتاز بسخرية مميزة تساعده لهجته المحسية المحببة والتي تتمرد علي قواعد اللغة العربية وخاصة في ما يتعلق بتاء الجندر..
في مرة من المرات قبضت عليه الكشة وهم يشربون مريسة مع بعض الاصدقاء وعند مقابلتهم للقاضي نكر كل الذين معه بحجة انهم كانوا جلوس فقط عندما داهمتهم الكشة التي وجدت صفيحة مريسة كاملة لم تفرع بعد
.. وكان لنكران زملاءه ما يبرره وعندما جاء الدور علي محمد سليمان لم ينكر امام القاضي وقال له .. نعم يا مولانا انا شارب والجماعة دول كلهم شاربين وهم بيكدبوا عليك يامولانا يعني ح يكدبوا علي ربنا؟؟ والله يامولانا كلنا شربنا 2 سفيهة والتالت لما تلبناه الكشة وسلت ويا مولانا انا مش رايح نكدب !! نشرب هرام ونكدب هرام؟؟ احسن الواحد يعمل هاجة هرام واهدة قلت مش اثنين وفي هذه الاثناء علي حسب رواية محمد .. القاضي الضحك شارطو عديل ومضاري وشو بالملف؟؟
في النهاية حكم علي الجميع ما عدا محمد بالجلد وطلب من محمد مجرد وعد انو ما حيشرب تاني .. رفض محمد مجرد الوعد قائلا لمولانا .. افرد يا مولانا انا وعدتك مش راح نشرب وبعدين الجماعة لاقوني في السوق وقالو لي نمشي نشرب ورهنا شربنا وجات الكشة وجابوني ليك يامولانا نودي وشي وين من الكدب؟؟
انه محمد سليمان حسن الرجل الاصيل الواضح الذي لا يكذب ابداالتحية له!!

والله عمك محمد سليمان ده تاريخ فى الحصاحيصا عموما
اتذكره جيدا وهو ذاهب الى الجنيد وقادم منها وهو ماشى السوق شايل كيس الخضار
التحية لعمنا محمد سليمان وابنائة عصام وهشام وحنان وهنادى

( وعندما جاء الدور علي محمد سليمان لم ينكر امام القاضي وقال له .. نعم يا مولانا انا شارب والجماعة دول كلهم شاربين وهم بيكدبوا عليك يامولانا يعني ح يكدبوا علي ربنا؟؟ والله يامولانا كلنا شربنا 2 سفيهة والتالت لما تلبناه الكشة وسلت ويا مولانا انا مش رايح نكدب !! نشرب هرام ونكدب هرام؟؟ احسن الواحد يعمل هاجة هرام واهدة قلت مش اثنين )
------------------------------------------------------------
Straight forward and trustworthy, I was able to get a sense of his soul. Bless him
Salam
Ghada

لله درك يا عمنا

.. التحية اضعاف لعمنا الهرم الكبير محمد سليمان .. وياريت يا ابوعلى نسمع من هذه الاهرامات الكثير من التجارب والخبرات التى ستعيننا فى هذه الحياة ...

عمار تلودى كتب:

والله عمك محمد سليمان ده تاريخ فى الحصاحيصا عموما
اتذكره جيدا وهو ذاهب الى الجنيد وقادم منها وهو ماشى السوق شايل كيس الخضار
التحية لعمنا محمد سليمان وابنائة عصام وهشام وحنان وهنادى

والله ياعمار لاكن بالغته تنسى الرجل المهذب
بكرى ((بكورى)).
لعمنا محمد سليمان كل التحايا

ناسف للرائع بكورى والذى تجده متواجد مع مجتمع حى العمدة
ويغدوها صباح مساء
عذرا يا لطفى لكن الكبر حصل
والذاكرة خربت
مع مودتى
عمار تلودى