دلوكة الكسمبر

[color=blue]في الادب الشعبي والموروثات الثقافية الكثير من العبارات والامثال التي صارت واقعا نتعامل معه دون ان ندرك قصتها. من العبارات التي استمعت ليها مؤخرا (( دلوكة الكسمبر))
وحكاية هذه الدلوكة ترجع ل ((الزمن الزين)) عندما كانت الانداية واقعا ثقافيا في تاريخ السودان و كانت تمثل الملتقي (( لاحظ كلمة انداية مستمدة من المنتدي او النادي)) ورحم الله الاستاذ الطيب محمد الطيب وهو يقدم لناالسفر الوثيقة كتاب(( الانداية)) والذي وثق فيه لحركة الفنون والادب الشعبي في العديد من مناطق السودان .. وعلي فكره المصادر الاساسية لهذا الكتاب منذ الستينات القرن الماضي كانت من مجلس بلدي الحصاحيصا وفيه ذكر الكثير من الوقائع الحقيقية في الحصاحيصا ..والكتاب تمت اعادة طباعته مؤخرا ويباع الان في المكتبات بالخرطوم وهو جدير بالاطلاع علية واقتناءه..
اما دلوكة الكسمبر.. فهي لم يرد ذكرها في هذا الكتاب ولكن يتم تداولها بين البعض وتعود القصة الي ان في الكسمبر ((ريفي الكاملين)) انداية شهيرة يرتادها الكثير من اهالي المنطقة من الكاملين وحتي تخوم المسيد وكذلك المحس في الضفة الشرقية للنيل وبعض افراد القبائل الاخري.. والمعروف عن هذه الانداية ان بها(( جوقة ))من المغنيين والمغنيات (( المشهورين)). والمعروف عن هذه الدلوكة انها لا تتوقف ابدا ومهما كان الطاريء من الصبح وحتي العشاء . يرتاد هذه الدلوكة كل طالبي المتعة من كل الاجناس ولا يخلو مجتمع هذه الدلوكة من الممارسات اللاقانونية وقد اشتهرت الدلوكة دون ان تقترن بالانداية .. ويقال ان مجموعة من تجار البهائم من محس الضفة الشرقية كانوا عابرين ببهائمهم فسمعوا صوت الدلوكة التي لا تتوقف, تلهب الحماسة وتحث علي الفنجرة (( وفك الآخر)) وهاك يا شبالات ونقطة و((حاجات تانية)) وعندما افاق المحس وهموا بمواصلة السير لم يجدوا بهائمهم التي سطا عليها حرامية دلوكة الكسمبر.. وطبعا جوقة الدلوكة عندها نصيب في السرقة وعشان كدا شغالين متواصلين nonstop. وصارت مضرب للامثال للالهاء والاستغفال و (( التدقيس)) يعني لو داير تغش ليك واحد دق ليهو دلوكة الكسمبر..واعتبروها مساهمة بسيطة ما دق دلوكة الكسمبر.. وبالمعني الآخر لو شعرت في واحد داير يدقسك ممكن تقول ليهو(( اوعك تدق لي دلوكة الكسمبر))
والله اعلم[/color]

حكاية ،،
وقت الهضربة ،،

قامت جات ،،
وقام جاء ،،
وبعدين قاموا الإتنين مشوا ،،
مشوا وين ،، ورب المصحف ما عارف ،،
المهم مشوا ،،
خليهم يمشوا ،،
ما الدنيا كلها ماشة ،،
في واحد سئل واحد ،،
إزيك يا حسن ،،
أمين الركابي ،،

الاخ ورقه الصغيرالسلام
بمناسه دلوكه الكسمبر ذكرتني اسم ام دقرسى .قيل انو (اندايه )لمراءه اسماها منسوب للمريسه
( الدقه) وهى مشك المريسه .مره قالوا انها هاجت جماعه رواد الاندايه قالوا ليها ام دقه ارسي فاشتهرت بلاسم حتى صارت ام دقرسى ..ابوعبيده

يا ورقة يا رائع... شكرا لك. تسلم من الدلوكة.

خالد
http://www.ezine-act-politics-business-and-love.com/ezine-acts-forums.html