بت عدوى تحتفل بايمو

فى هذا المساء الشتوى وبارض الجزيره الخضراء بمدينة ودمدنى اقامت الاستاذه ايناس عدوى حفل شاى على شرف تخريج د/ايمو فالف الف مبروك ايمو

ونهنى ايناس على هذا السبق الذى لايدهش من بيت يفيض بالكرم .

ليس هذا غريبا عن الاخت ايناس فهى كل يوم تثبت انها من معدن اصيل ...
نهنئك ونهنئ الدكتورة ايمو .....

ايناس يابت الناس الجمييلين مبروك عليك وعلينا وانتى تحتفين باجمل الحلوين د. ايمو..... فهى اضافه حقيقيه لاهل الطب واهل الحصاحيصا على السواء.... نسال الله ان يحفظها من كل اسيه وبليه ويوفقها ويسهل لها كل امر قاسى ....... امممممممممممممممممممممميييييييييييييييييييييين يارب العالميين .

جيت اضحك ..لقيت الضحك يستاهل جلوسك ...
جيت ابكي لقيت دمعتي ما تستاهل تنزل الا وتمسحها كفوفك ....
جيت اسكت .. لقيت سكوتي يحلى بسماع صوتك
جيت احكي .. لقيت الحكي يحلى وعيني تشوفك
بالله عليك وش أسوي دام دنيتي ما تكمل بدونك.

ربنا يديم العلائق الطيبه بين الناس ..
هذا عمل غير مسبوق وارجو ان يكون هذا بدايه لتوثيق علاقات اعضاء الحصاحيصا دوت كوم فيما بينهم وتقويتها ...
تسلمى يا ايناس يا مبدعه ليس فقط فى الكتابه بل ايضا فى تقديم نموذج متفرد فى بناء العلائق بين اعضاء المنتدى ..

الجاتو وايمان

ايامك يا دكتورة
عزائم ساى
لكن بينى وبينك العزومة دية بتعوض شوية لانو فيها طيبات
شكرا للعزيزة ايناس عدوى ومبروك ايمو تانى
وانشاء الله محبتكم دائمة
تخريمة
ايمو عارفنها وايناس برضو
المصوره الثالثه دى منو

شكرا مرة تانية ايناس وانت تمثلين دوت كوم فى الاحتفاء بالدكتورة ايمو .....
وياعشى دى العزومة ولا بلاش مش ...... سفن آب !!!!!

الاخت ايناس باختصار احب اقول
الذهب لا يصداء

ما احوجنا لمثل هذه الاشياء فى زمن الزيف المنشر ،وماذا تساوى الحياه دونها .لك التقدير اخت ايناس وشكرا د.ايمو التى جعلت مثل هذه الاشياء ممكنه .وشكرا جزيلا دوت كوم كفكره اصبحت واقعا جميلا للتواصل فى هذا الزمن اللئيم .

شكرا ايناس عدوي وحقيقة الحصاحيصا دوت كوم يوميا تثبت انها الافضل وانها جمعت الناس بي بعض القريب والبعيد واحنا زاتنا بقينا بالصور كاننا في قلب الحدث في الامام دوت كوم وشكرا ثاني بت عدوي وشكرا ايمو وشكرا الحصاحيصا وزي ما بقول حافظ كلنا حصاحيصاوي

ربنا يجعل ايامك دائما افراح
تستاهلى يادكتوره
ماغريبه منك ياايناس دائما عامرين يارب
وقفه
ممكن حته جاتوه

تسلمي يا نوسة يا غالية
وابدا ما غريب عليك فأنت ابنة الكرم والضيافة
سعدت جدا وانا اراك وانتي تحتفلين بالغالية يا غالية
كان نفسي اكون معاكم بس انشاءالله حأكون محتفلة معاك بأولادك يا رب العالمين
ودايما مجتمعين علي الخير ,

السلام عليكم
والله طبعا مابتتخيلو كميه فرحي بيكم يادوت كوم
انا كل يوم بحس بقيمه دوت كوم دي والله ماقادره اعبر عن كميه الفرح
ايناس انسانه رائعه وراقيه جدا وانا ماعارفه اشكرها كيف انا فرحي بالتخريج بقي زره في بحر فرحي بوجودي في منتداكم الجميل كل يوم انا بسال نفسي انتو وين من زمان
بالجد المنتدا ديه اجمل حاجه انا حااودع بيها سنه 2009 لان اجمل ايام حياتي قضيتها معاكم ياغالين
طبعا ايناس الله اديها العافيه كانت فعلا دوت كوم وبشكرها جدا لاحتفالها بي انا بالجد شعرت بقيمه التخريج وبطعمو معاكم
وامنيه الجميله بت ايمان عدوي كانت تتالق في وسطنا كاللؤلؤه الغاليه
بشكر دوت كوم تاني وتالت ورابع وخامس
وبشكر ايناس شديد وبشكر البورداب الهاتفوني في تلك اللحظه الجميله وانا مع نوسه القمر ناس عمار وحسن كيشو وفايزه الجميله وحافظ ودسكو ومحمد كمال ديل كلهم كانو حضور معانا وشاركوني الفرحه
وبشكر بورداب الحصاحيصا ناس واق ود عيسي وعواطف وكوني وسموءال والعشي والطيب تلودي واسامه بندي وكل الناس الرائعين البيهم الهم انتهي

هذا ما تعودناه منك يا نوسة يا بت الناس الكرام والله ايمو شخصية تستحق ان يحتفى بها
وهذا حدث جميل
شكرا ايناس ومبرووووووووووووووووك تاني يا ايمو