الحصاحيصا دوت كوم واصدقاءهم ينثرون الفرح في سماء الحصاحيصا بمناسبة راس السنة ( توجد الصور )

حيثما توجد الحصاحيصا دوت كوم يوجد الابداع والتفاعل ..بمبادرة من بعض عضوية دوت كوم واصدقاءهم كان احتفالنا بمقدم العام الميلادي 2010ى حديث وحدث فوق التصور ..كانت الحصاحيصا كلها هنالك تشاركنا افراح العام الجديد . في مزرعة عصام الشيخ تم التخطيط للاحتفال بمشاركة اصدقاء واسر الحصاحيصا دوت كوم وتم تحضير المكان والمستلزمات والخروف والطباخين والفنانة عليا التي ابدعت وغنت كما لم تغن من قبل ولاننا كنا اكثر الرحلات تنظيما لاننا تيم واحد واسر مترابطة فعدوي فرحنا اصاب كل من كان بالمزرعة فوسعت لهم رحلتنا واحتضنا الجميع ونثرنا الفرح والبهجة للجميع ولسانهم لهج بالشكر والثناء لمجموعة دوت كوم والاصدقاء وبهذه المناسبة نزف التهنئة الحارة لجميع اهلنا في الحصاحيصا بمناسبة العام الميلادي الجديد ونسأل الله ان يمتعهم بالصحة والسعادة وان يذهب عنهم الهم والكدر.. ويجعل ايامهم اعياد ويجعل الحصاحيصا قبلة المدائن ويعلي شأنها و (يسلط) لها من يرحم ويرفق باهلها ويعمل علي رفعتها ورفعة السودان .. امين




بت الحصاحيصا في الوسط

الشبيبة حبيبة يا اهلنا


نواصل

براكم ما كلمتونا ليه ؟ كل سنة وانتم بالف خير وعام سعيد للجميع

جعفرون والجكس لون!!

البوردابيات / نجوي الطيب وبت الحصاحيصا هبة

الدكتور/ النعيم ... وعلي النور عطية

بابكر ابوشورة

الحاجة فاطمة الكروقلي

الطبيعة حنت علينا

وبعض الشمار ما يطرب العشي وجعفرون

قمرين دنيانا واحد في سمانا والتانية معانا

الاستاذ عبدالرحمن عالم والمدام

سعيد يالعيد

شبابك تشابك

البطحاني وقدلة الحمامة

عادل موسي والمدام كانوا حضورا

آدم ودفور وحسبو الرياضي

الباشمهندس محمد المنتصر مع امورته اللوزة وشايلة الموزة


الاصفر يكسب

التجدع عندكم

فواصل تواصل وفارس تمام

الله اديكم العافيه كل الحضور والله شئ جميل ان يجتمع كل هذا النفر في مزرعة الشيخ عصام له منا كل التحايا العطره وكل سنه وانتو طيبون وتحياتي لرفقاء الدرب الاخ عادل موسي والاخ المبدع عازف الاورغ طلال ابوتكه والفنانه المحترمه عليا ودمتم.

كل عام والجميع بالف خير وعام جديد سعيد
وادام لكم الله الافراح
ومشكور حسن وراق وجنده الميامين علي هذا الابداع
وكان عارفين يوم زي دا كنا اخدنا اجازة سنوية عديل
ولكم كل الود

اعياد الاستقلال
والعام الجديد
كانت فرحة بروح التوادد والتواصل
كل عام السودان والجميع بالف خير

ألف مبروك ............ وكل عام و انتم بخير وادام الله عليكم الفرحة والسرور والحبور ..............

وإنشاء لله نحتفل السنة الجاية معاكم والسودان بخير وتعدى كل الصعاب ..............................

ابو على وفقك الله في الدارين .................................................................

يا سلام
شكرا لاصدقاء دوت كوم ولاهل دوت كوم على الاحتفال الرائع الجميل
وتحياتى لكل اولئك الذين جعلوا اضفوا على الاحتفال بعد اخر
التحية للاحباء فارس واحمد الططريفى وتحية لفواصل ايضا
وكويس انو الصور خلتا نشوف عادل موسى ومدامه بعد زمن طويل لم نلتقى بهم
وتحية للحبيب الباشمهندس محمد المنتصر ولبت الحصاحيصا ولقمرين جمعه زائد ولتمزقن (بابكر ابو شورة ) ولعشى وجعفرون
وكل عام وانتم بخير
وشكرا حسن وراق وعواطف عمسيب وعلية جابر وطلال ابو تكة

الرشيد حبيب الله التوم كتب:

يا حافظ
طلباتك و ملاحظاتك أواااااااااااااااااااااااااااااااامر..
بس أرضي عن الأدمن، الله يرضي عليك
و لك كل الود.

الحبيب ابو الحبيب وولد الحبيب

انا الادمن ما عندي فيهو كلام وانت فاهمني كويس



لكن نقول شنو مجبورة خادم الفكي علي الصلاة

ومن لا يملك قوته لا يملك قرارة

و الما دايرك بحدر ليك فى الضلمة

وانتوالدايرنو بتقدمو الظلط والمادايرنو بتوصفو ليهو غلط

حقا تحرسو ولا بيجى
حقك تقاوى وتقلعه

كل سنة والجميع بالف خير
والحصاحيصا شامخة باهلها ،الذين يعرفون بهائها ونضارة ناسها،
والذين يدركون ان من يتسلط عليها سوف تلفظه الي غياهب الانعزال
الاجتماعي ، والذين لا يبادلونها الوفاء ،فغضبها كاسحاً وماحقاً وعاجلاً
طال الزمن ام قصر .
والسودان ناهضاً كالعنقاء من رماد الشمولية الاثمه ، ومحلقاً في فضاءات
السلام والديمقراطية والتقدم والعدالة
تخريمة:
يا حسن مشكور علي الفرح (المكبسلة) بنكهة الحصاحيصا ، فصورك
تفرح وتوجع وتدمع رهفاف الشتات.

كل عام وكل استقلال والجميع بالف خير ... ومن اجمل الاحتفالات التى شاهدتها على المدى القريب ....
والتحية للجميع فى هذه اللمة المامنظور مثيلها ...
ومهما تكون الجهة الراعية ....الشبيبة .. دوت كوم ...افراد ...
فكلنا ....حصاحيصا ..... وكلنا ود

كل سنة وإنتوا سالمين تامين لامين مجتمعين علي الخير والله يدوم بهجتكم ... والله كاننا معاكم وفرحنا لي فرحكم وطربنا عبر صوركم التي تحكي عما يجيش ما بداخلكم .... والله يحفظكم ويغطيكم والله يهنيكم ......والله يلمنا بيكم عما غريب

دمتم زخراً للحصــــــــــــــــــــــــــــــــاحيصــــــــــــــــــــــــــــــــا .....سلام مربع لمدينتا الجميلة دايماً بوجوهكم الطيبة والنيرة

ســـــــــــــــــــــــــــــــــــــلام

والله يا حسن وراق اخير منك معتمد الحصاحيصا
"للاذكياء فقط"
وكل عام وجميع اهل السودان فرحا كما اهل الحصاحيصا في يوم واحد