حكاية عبد القادر حكاية عجيبة والله وهو يحتل احد الصواني الناصية وهو يشير بكلتا يديه
دي تجي كيف هسع دي تجي كيف
المهم في يوم من الايام قرر استاذ الفاتح الدخول الي عالمه المجنون هذا
وخلي بعد نزل من الصينية وجلس امامه بهدوء وطلب له زجاجة بارد وقوي قلبو وسالو
اسمك منو ؟
انت هسع خليني من اسمي انا اسمي هين لكن بس هي تجي كيف 0 والله اصلها مابتجي
وساله استاذ الفاتح هي هي شنو المابتجي
انت بس جيبا لي
قال وهو يبدا الحكاية انا اسمي عبد القادر امي ولدتني وماتت في الوضوع قام ابوي رباني
واصلو مافكر يتزوج ابدا قمت كبرت واشتغلت واتعرفت لي علي ارملة وقمت اتزوجتها اها
زوجتي عندها بت شاف ابوي قام اتزوجا اها يازول بعد سنة كدا زوجتي ولدت لي ولد
وكمان ابوي برضو بت زوجتي ولدت ليه ولد اها ولد ابوي دا مش اخوي وولدي انا ببقي لي
اخوي دا اخو امو يعني خالو مش كدة وزوجتي انا بتبقي لي اخوي حبوبتو ام امو مش كدة
وابوي زاتوببقي لي ولدي جدو ابو ابوها مش كدة هنا نظر الي استاذ الفاتح مليا وقد اتسعت
عينيه وكانه في طريقه لخالة الجنون تلك قائلا
طيب لمن ولدي يااستاذ يكون خال اخوي مش معني كده انو انا جد اخوي
ولمن انا اكون جد اخوي مش معني كدا يااستاذ انا جد نفسي
ثم رفع كلتا يديه متسائلا
اها بس دي تجي كيف اها بس دي تجي كيف
فرد عليه استاذ الفاتح
اول حاجة اديني قزازة البارد حقتي دي
وقوم قوم ياعبد القادر اطلع صينيتك والله دي مابتجي كلو كلو
موضوع: حكاية عبد القادر حكاية عجيبة 
الأحد 3 يناير 2010 - 8:41
