اخيرا.. بدء العمل فى تاهيل استاد الحصاحيصا (( توجد صور وشهود))

اخيرا وبعد طول انتظار وترقب بدا الاخوة فى اتحاد الكرة العمل فى تاهيل ارضية ملعب استاد الحصاحيصا عن طريق شركة الوثبة وياشراف المهندس محمد عنان ويشتمل البرنامج على تاهيل ارضية الملعب وتاهيل الرى بنظام الرشاشات
ووصف الاخ محمد سيد احمد تلك الخطوة بانها سوف تكون الانطلاقة الحقيقية لمواصلة ثورة المنشات وبدورنا نناشد الجميع بالدعم والموازرة والله المستعان

مشكور استاذنا وليد وبجد فرحتنا بالخبر السعيد

ايوه كده يا اتحاد ده الشغل والحصاحيصا جميلة تحب الجمال وناس الوثبة ديل مايفوتوا كان ما اتبرعوا بتخطيط وتنثيق منتزه الشهيد ولا مش كدة يا معاوية احمد الحسن دق فى الوتر ده يا عشى دوت كوم وما تنسى نحن عندنا 10000 شتلة

شكر وليد وعقبال مايبقى ذى استاد المريخ طابقين ويلاااا اتحركوا عايزين الحصاحيصا تكون رياضيه وثقافيه مائة المائه

شكرا استاذ وليد بس نتمني يتم التاهيل قبل افتتاح الموسم والا سيلقي فريق النيل نفسه يلعب خارج الحصاحيصا وسيكون المتضرر الاول ونسال لماذا لم يبدا العمل من تاريخ نهاية المنافسة قبل شهرين من الان

صديقي وليد انتا متاكد انو استاد الحصاحيصا ده حا يتصلح حاله ؟؟ و لا دي طرطشة بوهيه و بس ،،،،اتمنى ان يكون استاد زي باقي الاستادات لانو التانين ما احسن مننا في شي

بنظام الرشاشات
.........
وليد بتقصد المريخاب ولا شنو