النيل يُغرق الهلال

امجدالشيخ كتب:

فاز النيل على هلال بورسودان بهدف للكابتن عبد الكريم يكيني
وبهذا الفوز رفع النيل برصيده الى 14 نقطة في الصدارة ، وبقى
هلال بورسودان في 7 نقاط .

عينا عليكم بارده ياتماسيح النيل ونتمنى لكم مزيدا من الانتصارات
وتمثيل السودان خارجيا - وكسر قاعدة اتيام الخرطوم فقط .

ابشر يا ابواحمد فالتماسيح قادمون قادمون ...الف تحية لكل البلابل على هذا الفرح الممتد ...
ونيلك نيلك .. جرى قدامك

الف مبروك للنبل وللحصاحيصا ومذيدا من الانتصارات تذكر يا امجد ايامك الكنت بتلعب فى النيل كنت راكوبة كيف

على سركيس كتب:

الف مبروك للنبل وللحصاحيصا ومذيدا من الانتصارات تذكر يا امجد ايامك الكنت بتلعب فى النيل كنت راكوبة كيف

.. هوى ياسركيس اصح ... نيل منو البلعبو فوقو امجد ؟ نحن ايام الجامعة يا الله لو ايهاب عبدالرحيم مافى بنوقف امجد ... قال نيل قال ....

يا راشد امجد دا لعب فى النيل بعد ما شاب وعلموا الكتاب مرض ناس النيل مرض تورو قال لى صاحبك دا كان ما داير يلعب ما يمرصنا ساكت بس ايامهو الكان فى المريخ كان ما بطال

اتجدعوا .. اتجدعوا .... مافي مشكلة راكوبة ..... اوضه ...... شارع .... مقبوله بس ماتنسونا نتيجة امبارح ومابنفرح لحدي مانشوف مباراتكم اليوم .......... يا كعبين ......
رواكيبكم دي انشاء الله تقيف قدام اعصار وامطار اصحاب الارض ....

حمد لله الذي أحيانا حت نرى النيل الببع المخيف لأندية الممتاز .. وبرضو أيامك يا أمجد كانت خير وبركة وحظك ما كان في دوري ممتاز بس حدنا مدني .. ولو استمر معانا أخونا هوبا ياراشد في حراسة المرمى كان لعبنا في كاس أفريقيا .. لك التحية أخي أمجد .. ويديم أفراحنا مع النيل مع التمنيات بسحق أندية الممتاز وشرف تمثيل السودان أفريقيا

شوفوا الكلام الجميل من الناس الاجمل .........

شكرا اخي فضل الله ووالله مشتاقين ........ والف مبروك لك ولكل نيلابي أصيل

طبعا بعد ما لعبت في اول وثاني سنه من الدوري الممتاز في السودان مع المريخ ومنها

انتقلت للنيل كنت اتمنى أن أوصله للممتاز ولكن .... الحمدلله الشباب الان ماقصروا ...

اليوم سيد البلد اتاهل وسوف يتاهل لدورى المجموعات انشاء الله و انت يامجد نيل شنو البتوصلو الدورى الممتاز انت لمن كنت فى المريخ لو ما كان قدامك دفاع متين كان نزلتو من اول سنة لكن ربك ستر

امجدالشيخ كتب:

اتجدعوا .. اتجدعوا .... مافي مشكلة راكوبة ..... اوضه ...... شارع .... مقبوله بس ماتنسونا نتيجة امبارح ومابنفرح لحدي مانشوف مباراتكم اليوم .......... يا كعبين ......
رواكيبكم دي انشاء الله تقيف قدام اعصار وامطار اصحاب الارض ....

الرواكيب وقفت قدام الاعصار يافردة .. رايك شنو ؟
وبعدين كلام فضل الله ماطير بيهو السما ونحن زاتو عندنا تحقيق مع ناس فضل الله وتورو فى لعبك فى النيل ؟؟؟ بعدين حلوة دى كنت عايز اوصلو الممتاز ؟؟؟

يا اخوانا استهدو بالله وقولو مبروك للنيل ....... لكن مسالة ينغلب الهلال دى اى بقعة من بقاع السودان حاره علينا .......