وانطلقت الاحتفالات بالذكري الاولي لمنتدي الحصاحيصا دوت كوم ( توجد صور )

مذيدا من التوهج واللمعان ولى قدام وعقبال ما نشوف صورة مدرسة اركويت بعد الصيانة

عمل جدير بالشكر للحصاحيصا دوت كوم و للذين خلف هذا العمل وهذه عمل يحسب للقايمين عليه لقد تميزت الحصاحيصا دوت كوم

جد يا جماعة شعورنا بنجاح اليوم لا يوصف
رغم الخوف الكان عندي من فشل البرنامج
نجاح اقدر اقول عليو بنسبة 100% التفاصيل والتقارير طبعا" عند اللجنة المنظمة
فالحمد لله كثير على نجاح البرنامج وعقبال اليوم الثقافي كمان

ربنا يجعله في ميزان حسنات كل من شارك .. و ان توقد شمعه خير من ان تلعن الظلام

خطابات شكر وتقدير لهذه اللجنة التى قامت على أمر هذا اليوم أبعثها لهم من الخرطوم ممهورة بدمى أتمنى لهم فيها الصحة والعافية .وقبول العمل والتوفيق فى الدنيا. والجنة فى الممات.

يا سلام غاية الجمال والروعة
هكذا الحصاحيصا دوت كوم دائماً
والاروع عمنا مصطفى اللياقة
سنيين ما شفناه وبرؤيته اعدنا شريط زكريات الطفولة
وهو دائماً يسعى لمسح دمعات المريض الف شكر دوت كوم تسلموا

والله مافى تعبير يقدر يعبر
انهم ابناء الحصاحيصا ولا عجب
استعير العباره الرياضيه الشهيره
والله اعلق واصفق

والله سالت دموعنا عمل يقشعر له الجسد غاية الروعه جزاكم الله خير يا رب نلقي فرص ذي كده لمساعدة محتاج او شفاء مريض وضع ابتسامه على وجه المرضى

UP

ده الكلام

مبروك للجميع

up

قال مارتن لوثر كينغ { لاتكن منحي الظهر حتى لايركب الناس عليك }
لكنكم لم تطبقوا نظرية مارتن بل غلبتوه 10/صفر
وذلك لأنكم جعلتم رؤوسنا مرفوعة
شيء أكثر من رائع أن تتحول رسالة المنتديات الى هذا العمل الجميل
لم تسمع أسرتي كثيراً بمنتديات الحصاحيصا
لكنهم ذكروا لي أن اليوم كان هناك علاجاً مجانياً بمركز صحي أركويت
لدرجة أن إبني الصغير سألني هل المنتديات تعالج المرضى ؟؟؟؟؟؟؟؟؟
أنتم اليوم تضعون خارطة طريق جديدة لعمل المنتديات
بل وتضعون أرجلكم في الطريق الصحيح
من أجل أن تلطلقوا مزيداً من رصاصات الإنسانيه في الحصاحيصا وأهلها
كم تألمت كثيراً لأنني لم أكن متواجداً يومها وذلك من أجل مشاركتكم
مزيداً من التوفيق
ونحن تحت خدمتكم متى ماطلبتم ذلك
سيروا لتكملوا بقية الأهداف المضيئه
ابوحراز 0912412566

التحية لابو حراز نبيل آخر من نبلاء بلادي ، وعشت ياسيدي وعاشت دوت كوم وعاشت الحصاحيصا .

كان يوم عجيب
كنت قلقه جدا يوم الخميس وانا كنت ديوتي في مدني طلبت منهم انهم اخلوني اسد الصباح عشان امشي الحصاحيصا بدري
سافرت الحصاحيصا كان روي وولاء ومها وهنادي وعواطف عمسيب وحسن وراق وكوني ودكتور ايمن كليكلي بفرزو في الدوا جا ساقني ليهم الطيب تلودي ياجماعه الدوا كيف الناقص شنو الحاصل شنو مشينا اتفقنا ان بكره الصباح في الاكاديميه
التلفونات تتطاقش دكتوره ناديه جي تي بتسال ان بكره كيف
ناس الجمعيه الطبيه بضربو بكره كيف الساعه كم وانهم جهزو عربيتهم وبكره معانا بدري
بعديها رجعت البيت وانا بضرب لهنويه كل شويه فايزه السيد لاقت دكتور عمار من شركه الشفا والحاجات الجايه من مدني وصلت
نمت وكل شويه بقوم مخلوعه حلمانه بان زول ساكيني ( ديل الناس الدايرين اليوم يفشل ههههههههههههههه )
المهم الصباح جا
مشيت الاكاديميه ناس العشي وناس الاكاديميه متواجدين هناك ناديه جي تي ايمن كليكلي الدوا نزل ناس الجمعيه بضربو انهم وصلو الكاملين دكاتره مستشفي الحصاحيصا جونا دكتور خالد ادم (خالد بابو) نائب جراح كان معانا بالتلفون انا قلت ليه تمشي الرحمانيه
كان في صعوبه التوزيع مين الحايمشي الرحمانيه فكنت بوزع الناس الضامناهم انهم ممكن ايمشو الرحمانيه مها وخالد ادم واحمد المصطفي قلت ليهم طوالي الرحمانيه
ولاء عالم خفتها تصدم هناك خليتها في اركويت
نتابع اليوم تحت

لك التحية الاخت ايمان

up

يلا نواصل التفاصيل الجميله
جونا ناس احمد المصطفي محمد شيخ ادريس ومعاهو دكتور سامي داليا سعد وسميه كانو حضور اسلام بندي دكتورنا المرتغب ايضا ايمن كليكلي ده والله ماقصر نهائي وكان مهتم بتفاصيل الدوا ده في وده ماف وده شويه وكنت معاهم علي اتصال هو والطيب بك صغيره وكبيره
ناديه جي تي رسلناها اركويت لان التسجيل كان بدا هناك
يلا الدوا مفترض اتقسم وقسموه ناس ولاء عالم وروي وهنادي وماشا الله الدوا كان كتير مشي اسامه بندي المستشفي لا كان في حاجات ناقصه حاتموها لينا ناس المستشفي بعد شويه جات فايزه السيد محمله بالادويه من مختلف المشاركين لدرجه اني بسالها ده من منو وده من منو بتقول لي ده من فلان وده رسلو علان والمهم كميه الدوا كانت مريحه جدا جدا
بعديها جوناس المعمل وانضمت ليهم اسلام معاويه قمر المعمل
واتحرك الركب الي المدرسه احساس عجيب ان كل الاطبا الزكرتهم والمازكرتهم انا والصيادله وناس المعمل واعضا دوت كوم بغرسو في الشتول في المدرسه انا قمت قلت ليهم دقستو قالو اي زول زرع شتله اجي اسقيها بنفسو
فاصل ونواصل

up

صور اليوم الختامي

حسن وراق حسن كتب:

ما بين الذكري الاولي والثالثة المسافة قريبة يا انسان
3 اعوام تمضي ونزداد التصاقا بهذا المنتدي الذي غرس
جذوره في اعماق الحصاحيصا وانسانها
الف مبروك

السنه دي مافي احتفالات غير الرحله ولاشنو يا مدير