رايكم شنو تعملوا طابور صباح وتجيبو صول للجلد في المنتدى

اولا انا كاتب البوست دا ومتاكد من حذف عضويتي لكن بعتبره بارادتي
يبدو ان المنتدى اصبح زي الموسسة العسكرية ومن يقوم على امره يمسك بعصا فياناس مسالة انك مشرف في منتدى او انك مدير المنتدى هذا كله عمل تكليف يعني لمراقبة اي شي ومسالة يرفع اسم حافز لمراجعة اموره دي مسالة غير مقبولة وتاديبية للاعضاء فلاندري على من سياتي الدور غدا والمسالة دي شبيهة بطابور الصباح وجلد احد الطلبة اما الجميع حتى يكون عظة
انا واثق كل الثقة بان حافظ لم يسب احد ولم يخرج عن نظامنا الاسلامي واخلاقياته ومن حذف عضوية حافظ فاكرا بانه قد انتصر فهو قد فشل امامنا وانا كانت له مكانة في قلوبنا سابقا فقد تلاشت الان وكان عاوز احذف خليه احذف وزي ماقال المثل الفي ايده القلم مابكتب نفسه بليد يالشايل القلم

سلامي و احترامي الامور ما اظن بتصل لي كده المنتدى يا جماعه بيدعو للود والوئام ....... والحصل ده الجميع رفع رايته ومحبته لي الاخ حافظ ومجهود الجبار والناس الى الان ما عارفه الحاصل شنو والناس منتظره لرد المسؤليين ....... والصمت ابلغ من الكلام ...مع احترامي للبوست يا اخ ابو عثمان !!!!!!!!!!!!

الإخوة جميعكم ،،

المسألة بسيطة وبتتعالج ،،

طيب ،، نحن بنعرف كُلنا أن المؤسسة أياً كانت ،،

لها ضوابط ،، بس معليش أخوي حافظ ،،

كان بيننا تلفونات من أول أمس ،،

وناقشنا المواضيع يا حبيب ،،

طيب نحن ناس عاقلين ،،

أقصد أنتو بس ،،

أنا مجنون ،،

خلوني كدة مجنون ،،

يا حافظ لا أحد ينكر ،، إسهاماتك ومواضيعك ،،

وإنت بتعرف أنا قدر كيف بحبك ،،

معليش ،، حلاوة طعم الديمقراطية ،،

المعاناة ،، وأحساس الأزية ،،

بس عايز أسأل الأخوة المشرفين ،،

في وسائل تانية لرفض المشاركات ،،

تحفظ للناس روح الإعتداد بالنفس ،،

دون أن تثبط من همم ومجاهدات الاّخرين ،،

لتمكين هذه الصحيفة من الولولوج للعالمية ،،

الله يحفظنا ويحفظكم ،،

أخونا حافظ لا أحد يزكيه ،،

هو من زكي نفسة ،، بجهده ،، وإخلاصه ،،

أتمني مراجعة الأمر فوراً ،،

وتسلمي يا إدارة ،،

إستغفر الله العظيم ،،


ــــــــــــــــــــــــــــــ

أخوي حافظ ،، أنت لم تزوق طعم البلاء بعد ،،

إنت راجع في المغيرب ،، ونحن راجعين في المغيرب ،،

ـــــــــــــــــــــــــــــــــــــــــــــــــــــــــــــــ

شـــــــكراً إدارة ،،

ركــــــــــــــابي :-
وقـ حافظ ـــــت :-

يا ركابي يا صديق
المغيرب.. المغيرب دي لحمد الريح
ما في واحدة لحسن عطية..؟؟
و يا ريت تكون (حنين..مجافي عنيد)..؟؟

نحن بنمثل اسرة واحدة وبيت واحد ومافي زول بطرد جناه من بيته مهما فعل وبالمناسبة انا اول مره اعرف ان المدير العام احمد الكوني وهو رجل لطيف جدا فتعرفت عليه في مدينة جدة ولا اعتقد انه انسان قاسي ولا تكون الرجعه للسودان غيرته ياكوني رجع الزول

ابوعثمان كتب:

نحن بنمثل اسرة واحدة وبيت واحد ومافي زول بطرد جناه من بيته مهما فعل وبالمناسبة انا اول مره اعرف ان المدير العام احمد الكوني وهو رجل لطيف جدا فتعرفت عليه في مدينة جدة ولا اعتقد انه انسان قاسي ولا تكون الرجعه للسودان غيرته ياكوني رجع الزول

لا لا يا أبو عثمان ،،
دة ما هو ،،

والزول راجع ،،
مُش دة بيتوا ،،

ركــــــــــــابي :-
وقـ حافظ ـت :-
0927275787
أم درمان ـــ الخرطوم ،،

انتو يا جماعه سمعتوا بانتخابات في المنتدي ده ؟؟؟؟ رغم علمي انو ما حق زول لكن فجاءه طلعوا لينا مشرفين ومدراء وصولات , الله يستر ما يكون في امن واعتقالات لانو صحتنا بقت ما بتستحمل زنازين ودق بالسوط وحبس انفرادي (يا رب الرقيب ما يشوف المساهمه دي ) (وجعلنا من بين ايديهم سدا ومن خلفهم سدا ).

كلنا حصاحيصا

التحية لكل المتداخلين في بوست ابوعثمان
ومع تقديري وحبي لاخي حافظ احمد وكما اعتقد انه من الاعضاء النشطين في هذا المنتدي
وانا لا ادري سبب ايقاف حساب حافظ او رفعه للمحاسبة كما قالت الادارة للنظر في مخالفات ارتكبها اخونا عضو المنتدي حافظ
ولكن اعرف ان لكل ادارة اسلوب تدير بها امورها ولها اتخاذ من القرارات ما تراه مناسبا
وحتي لا نستعجل في مانقول يجب علينا ننتظر الادارة وذكر لنا الاسباب التي ادت لمثل هذا القرار وبعد ذلك سيكون لنا حديث يتوافق مع اسباب القرار او ضده ==== ونحن يا ادارة منتظرين
وللكل تحياتي وكلنا حصاحيصا

كمال الجمل كتب:

التحية لكل المتداخلين في بوست ابوعثمان
ومع تقديري وحبي لاخي حافظ احمد وكما اعتقد انه من الاعضاء النشطين في هذا المنتدي
وانا لا ادري سبب ايقاف حساب حافظ او رفعه للمحاسبة كما قالت الادارة للنظر في مخالفات ارتكبها اخونا عضو المنتدي حافظ
ولكن اعرف ان لكل ادارة اسلوب تدير بها امورها ولها اتخاذ من القرارات ما تراه مناسبا
وحتي لا نستعجل في مانقول يجب علينا ننتظر الادارة وذكر لنا الاسباب التي ادت لمثل هذا القرار وبعد ذلك سيكون لنا حديث يتوافق مع اسباب القرار او ضده ==== ونحن يا ادارة منتظرين
وللكل تحياتي وكلنا حصاحيصا

up

UP

والله صراحة انا عضو جديد وشايف دخلت ده جات مع كلام دوكشمان عديل كده،ياخوانا روقوها واستهدوا بالله،وكل حته ليها نظامها ولو ماكده الناس الششايفنهم في الشوارع دي كانت قالت الروب عديل.

بعدين ياخوان الزول العمل البوست ده من زمن الصوليخ الصول ده هسي بقي في المتحف ولوشوية استنيت يمكن تلقاهو ماف.

ابوعثمان كتب:

اولا انا كاتب البوست دا ومتاكد من حذف عضويتي لكن بعتبره بارادتي
يبدو ان المنتدى اصبح زي الموسسة العسكرية ومن يقوم على امره يمسك بعصا فياناس مسالة انك مشرف في منتدى او انك مدير المنتدى هذا كله عمل تكليف يعني لمراقبة اي شي ومسالة يرفع اسم حافز لمراجعة اموره دي مسالة غير مقبولة وتاديبية للاعضاء فلاندري على من سياتي الدور غدا والمسالة دي شبيهة بطابور الصباح وجلد احد الطلبة اما الجميع حتى يكون عظة
انا واثق كل الثقة بان حافظ لم يسب احد ولم يخرج عن نظامنا الاسلامي واخلاقياته ومن حذف عضوية حافظ فاكرا بانه قد انتصر فهو قد فشل امامنا وانا كانت له مكانة في قلوبنا سابقا فقد تلاشت الان وكان عاوز احذف خليه احذف وزي ماقال المثل الفي ايده القلم مابكتب نفسه بليد يالشايل القلم

كلو الا الجلد يا ابوعثمان وما وصلنا مراحل ذي دي الناس البينها عااامر كتير

فريد عباس كتب:

بعدين ياخوان الزول العمل البوست ده من زمن الصوليخ الصول ده هسي بقي في المتحف ولوشوية استنيت يمكن تلقاهو ماف.

ياخووي نحن كوامر وزمنا كان في الصول لكن اسي ماعارف في شنو وكل زول بتكلم بمصطلحات زمنه

اقتباس :

من طرف ابوعثمان في الخميس يناير 28, 2010 9:36 am

فريد عباس كتب:
بعدين ياخوان الزول العمل البوست ده من زمن الصوليخ الصول ده هسي بقي في المتحف ولوشوية استنيت يمكن تلقاهو ماف.

ياخووي نحن كوامر وزمنا كان في الصول لكن اسي ماعارف في شنو وكل زول بتكلم بمصطلحات زمنه

يا ابوعثمان مع احترامنا ليك ككومر زي ماقلت لكين يا اخوي مصطلحاتك دي ده مازمنها،خليك مع الزمن يا أمان.