دخول لتحية كل من حيانى

اخى صداح ما مشيت بعيد سبت الجماعة اعجنوا شويةوانا اطبخ بالمناسبة على ما ازكر عثمان كان اسم اشتاينر كدا ولا انا غلطانة يا عثمان وانت طال ما متزكر عم عبد الرحيم متزكر عم محمد الحسن معناها كلامى صاح ممكن نغير البوست كما تحب اخى راشد رد الله غربتك وعدت سالما غانما او لنا عودة طبعا ايناس ما بتكون متزكرة لان كانت صغيرة بس شوفى الكوامر او برضو تخريمة

اخى عثمان كل الود والتقدير اتمنى ان تكون بالف خير وبقية الاسرة الكريمة وتحياتى للخالة عوضية والاخت نسرين والحبوبة العظيمة امنة كولا فنحن عندنا امنة كولا وبت عمر واحد ولا ماكده بالمناسبة اتوقع صورة تجمع الوالده ام سلمة كولا وبت عمر قريبا وهى صورة حديثة وانا موجودة بالحصاحيصا لو جيت اسال سلوى عثمان بتوصلك

اخى صداح لك ودى واحترامى وانت تصدح بكل ماهو جميل من اجل المنتدى واعتبر دا اخر تعقيب معزرة ان صدر ما يقلقك لك احترامى وكل ال وراق

الاخت هويدا .. بت عمر و بت كولا في نفس المنزلة .. و في انتظار صورة الوالدتين بت عمر و ام سلمة ربنا يديهم العافية و طول العمر

اقتباس :

من طرف هويدا مالك في الثلاثاء فبراير 02, 2010 6:35 pm

اخى صداح لك ودى واحترامى وانت تصدح بكل ماهو جميل من اجل المنتدى واعتبر دا اخر تعقيب معزرة ان صدر ما يقلقك لك احترامى وكل ال وراق

الأخت هويدا :
البوست جميل صراحة ونفض عن ذاكرتنا غبار سنوات طويلة ، وأنا مستمتع بيهو جدا، ولم يصدر منك أو من غيرك ما يستدعي القلق. فيا هويدا قودي الرسن وأهتفي فليحيا الوطن .

بوست جميل تداعت فيه التعليقات فاثارت كثير من الذكريات الجميلة ... فالتحية لكل المتداخلين و دام الود ...

فلنهتف جميعا اخى صداح واخى عثمان ولنعدزكريات ايام كانت جميلة وعندما كان البيت واحد وزمن ود الجيران ولى الكل ولكن هزا الزمان اخزه الريح بس نحاول نقبض

اقتباس :

من طرف هويدا مالك في الأربعاء فبراير 03, 2010 9:35 am

فلنهتف جميعا اخى صداح واخى عثمان ولنعدزكريات ايام كانت جميلة وعندما كان البيت واحد وزمن ود الجيران ولى الكل ولكن هزا الزمان اخزه الريح بس نحاول نقبض

نحنا يا هويدا مشكلتنا مع الريح دي زاتها ! فمتي تكف تلك الرياح التي أخذت هاتيك الخصال السمحة عن الهبوب ؟ ومتي نسترجع منها ما أخذته ؟ وهل نستطيع ؟ أم أن تلك الرياح تفتح لنا جوفها طمعاً في المزيد من جمال الخصال والطبع السمح ؟ يا هويدا بوستيك ده دَور شكلو كده علي الفلسفة .

حليل الزمن ياصداح زمن كان الواحد يدخل بيت الجيران ياكل ويشرب ويقيل دون حرج ولم الحرج وهو بيته
ولكن السؤال هل تغير الزمن ام تغيرت النفسيات

يا علي سركيس ده موضوع داير ليهو قعدة وفيهو حينفتح نقاش حول حاجات كتيرة مرتبطة بمفهوم التغيرات الاجتماعية الحادثة في المجتمع السوداني ، والمتغيرات الاجتماعية اللي مظاهرها الأنغلاق علي النفس والأنانية (ما عايز امشي كتير )ودي متغيرات تابعة لمتغيرات رئيسية مثل المتغيرات الاقتصادية وعوامل سياسية ،آثرت ولا تزال تؤثر علي الشخصية السودانية.

بعدين نمط التطور الماشين فيهو ده أنا خائف انو الشخصية الحالية المُنتقده بعد شوية نفتش ليها ما نلقاها !

أنا عايز البوست ده يكون دمو خفيف ، فحأوقف التنظير ولا مش كده يا علي سركيس يا الماشي لي باريس

تحية للأعزاء هويدا و صداح و سركيس .. لسه الخير موجود و يمكن إستعادة الأيام الجميلة .. لكن انا لسة مصر إنه علي سركيس يعرض لينا صورة جلابية المدرسة في صفحة التوثيق .. !!!

اقتباس :

من طرف عثمان الحسين في الأربعاء فبراير 03, 2010 10:58 am

تحية للأعزاء هويدا و صداح و سركيس .. لسه الخير موجود و يمكن إستعادة الأيام الجميلة .. لكن انا لسة مصر إنه علي سركيس يعرض لينا صورة جلابية المدرسة في صفحة التوثيق .. !!!

يا عثمان الحسين الجلابية بتاعة علي سركيس هسه بقت بودرة .

الجلابية بقت بودرة
والبيتزا كانت خُدرة
والحياة دايرة قُدرة
أجمل ما فيها الأخلاق
والسُترة

الزمن الجميل داخلنا طال ما موجودين طال ما نفوسنا ام تتغير يمكن ان يكون كل ما استفهمت عنه اخى صداح ونحن لها ليس بيننا شئ غير الاخوة الصادقة اخوة الزمن الجميل لكن ما يحصل اليوم من سلوكيات ادخلت فى نفوس الكثير اشياء لا علاقة لها بما كان يحدث فى مجتمعنا كدى اسال عثمان الحسين كان فى فرق بين بيتنا اوبيت خوة نظيفة ولا ماكده ياعثمان بعدين يا عثمان سركيس دا ما حضر زمن الجلابية انا كنت بمشى لى محاسن او احسان فى البيت راجعهم ولكم ودى

فعلا الجيران كانوا زي الأهل و ما زالو اهل .. ربنا يديم المودة بين الناس ... خلاص يا سركيس جاتك شهادة و عفيناك من الصورة .. !!

اها يا عثمان وصداح ارتحتوا هويدا قالت كلمة حق انا ما حضرت زمن الجلابية
المشكلة فى صداح البقى كومر دا ونحن ما عارفين
صداح دا دفعة وليد العشى

الاخ على وهزه شهادة اخرى صداح ما دفعة وليد او لو عاوز دليل كدى انت ارجع لوليد شوف راى

يا أخوانا :
وليد ده بالميت كده يكون دفعة أبوالعلاء المعري

هويدا ياغالية نورتي المنتدى شديييييييييييييييييد

منور بوجودك بت الخالة وانتم النور والبركة شباب بس ياروئ الجماعة كبو الجرسة شديد اما نحن من ناحية العمر بنقول اما بنعمة ربك فحدث اكيد على سركيس بالمرصاد

يا هويدا :

120 مداخلة و1301 مشاهدة للبوست ده ، بالمناسبة البوست ده بقي في Top 5 للبوستات ، يا هويدا مالك أنتي عملتي شنو خليتي البوست ده مميز كده ؟

هويدا مالك كتب:

منور بوجودك بت الخالة وانتم النور والبركة شباب بس ياروئ الجماعة كبو الجرسة شديد اما نحن من ناحية العمر بنقول اما بنعمة ربك فحدث اكيد على سركيس بالمرصاد

كبو الجرسة سااااااي طبعا ياهويدا حكاوي ناس ماما واهلنال عن الجملونات وناسها وكل لما نجي اجازات ويحوموني معاهم ديل ناس فلانة وديل ناس علانة طبعا انا بكون عارفة اسامي بس وقصص الاشخاص ما بكون شفتها
حتى بتذكر لما جيت مرة اجازة قلت ليكم الا تودوني اشوف الجملونات وكان خالي هاشم ساكن هناك وانتو وريتوني وين كنتو ساكنين


لكن جرستي الناس اسي هم عاملين فيها صغار وكدا لكن كلكم عموهااااااااااااات وكبار طلعتو

صداح و سركيس يا عموهات !!

عثمان الحسين كتب:

صداح و سركيس يا عموهات !!

وانت لابس طاقية الاخفاء ولا شنو يا استاذ

بحاول أخلى مسافة بيني و بين عمو صداح و عمو سركيس !!

عثمان الحسين كتب:

بحاول أخلى مسافة بيني و بين عمو صداح و عمو سركيس !!

اهاااااااااا خير ياعمو