دخول لتحية كل من حيانى

صاحبنا دي أوقاتو لو ما دخل حأتصل عليهو

اوكي نحن فى الانتظار

و صية من صداح فاروق
صداح يقول لكم أنه إتصل بعثمان الحسين أكثر من مرة و الأخير لا يرد..


شهادة مني
عثمان رجل خلوق و مهذب و و رع و قبل ذلك خجول.. و أكملوا الباقي أنتم

عثمان الحسين في الطريق للتربع فوق عرش البوست .... أدينا معاك فرقة يا مولانا

التحية لكل من في البوست و تحية لزميلتي عفراء .. طبعا بديت الرد قبل اكمل كل المشاركات .. يا سركيس و صداح من زمان الحتات الراقية مختلطة !! و لي عودة بعد اكمل التعليقات

عفراء مريخابية ؟؟؟؟ ياخ بالغتي على العموم نحن معتبرين المريخاب هلالاب زعلانين !! بس ما يسمعني الرشيد

عفراء ولد استاذة عائشة هو عادل احمد عثمان الظروف جمعتنا في الثانوي العام بالصدفة قعد جمبي طلع ياهو زاتو ود ست عشة

لكن يا ايناس بالغتي قايلك عرفتيني ... و التحية ليك ..

والله مشاء الله يا صداح وعثمان حقو تعملو توثيق لمدارس البنات القريتو فيها
والله باقى ابو الشوش بس ابو الشوش ابوه استاذ ما اظن يكون قرا فى مدارس بنات

كدى يا صداح اتذكر خمسة من جاراتك فى الفصل

اقتباس :

من طرف على سركيس في الثلاثاء فبراير 02, 2010 9:23 am

والله مشاء الله يا صداح وعثمان حقو تعملو توثيق لمدارس البنات القريتو فيها
والله باقى ابو الشوش بس ابو الشوش ابوه استاذ ما اظن يكون قرا فى مدارس بنات

يا ابو السراكيس وأنا أبوي كان شغال شنو ؟ بعدين زي ما قال ليك الحكيم عثمان الحسين زمان التعليم كان مختلط في الاماكن الأكثر تحضرأ يعني في حي العمدة والجملونات والسرايات كان التعليم مختلط وبالمناسبة التعليم ده ما وصلكم في شمال الحصاحيصا لانو أنتو الوكت داك كنتو بتمشوا المدرسة بالجلاليب والبنات بتوب الكرب السادة

حلوة بالجلاليب وبتوب الكرب السادة بس دائما يا صداح التجاه الشمالى اكثر تحضرا من الاتجاه الجنوبى ولا شنو
بس يا صداح على سيد احمد ابو النسب ما قرا فى مدارس بنات
ما اتذكرت لينا خمسة من زميلاتك

يا أبو السراكيس أنا بتذكر أتنين بس وهن أم مصطفي وكاتبة هذا البوست . وبعدين علي سيداحمد منو القال ليك ما قرأ في مدرسة بنات ..أسالني أنا .
وحكاية التحضر دائما بيجي من الشمال دي في الحصاحيصا ما لافقة ، في الحصاحيصا التحضر جاي من الغرب( مثلث حمدي) ( حي العمدة والسرايات والجملونات) ،

كدى حاول تانى بمساعدة صديق هويدا مالك بس انت يا صداح دفعة هويدا مالك
الظاهر عليك من الكوامر

أنا ممكن أكون دفعتها ، بس بالله ياهويدا أبعدينا من وليد العشي ده

هويدا مالك كتب:

اخى صداح تحياتى بالمناسبة نحن زمالة قديمة من مدرسة المحالج انزاك استازة صفية متعها الله بالصحة والعافية مديرة لتلك المدرسة وانت الولد الوحيد بيننا الى ان تم نقلك الى الشمالية بنات متزكر ولا لا

.............
ههههههههههههههه
من مدرسة بنات لي مدرسة بنات ولا شنو

يا هويدا مالك :
البوست بتاعك بدأ بتحية .... ومشي لمدارس البنات ....ومشي المحالج ..... ومشي حي العمدة......ومشي لوليد العشي في الحلة الجديدة....... ومشي لعلي سركيس .............ومشي الجامعة ............ومشي البنك ........ومشي لعثمان الحسين في الدوحة ..........ومشي للمريخ ..............ومشي للهلال .....ولسه ماشي ما معروف وين يرسي .....بوستيك ده والله عايزلو فيتامين عشان يستمر بأيقاعو ده ،عشان ما يفتر من المشي ده والمساسقة .

صداح يا اخوي الليلة يحلنا الحلا بله من علي سركيس !! لكن كلامك صاح بخصوص الجلاليب و التياب زمن سركيس .. مفروض علي سركيس يعرض جلابية المدرسة و الطاقية زمان في توثيق رموز الحصاحيصا

يا ابو الشوش المريخاب هلالاب زعلانين .. و انت هلالابي زعلان شديد بس !! مع تحياتي لقلمك الأحمر ..

اقتباس :

من طرف عثمان الحسين في الثلاثاء فبراير 02, 2010 12:22 pm

صداح يا اخوي الليلة يحلنا الحلا بله من علي سركيس !! لكن كلامك صاح بخصوص الجلاليب و التياب زمن سركيس .. مفروض علي سركيس يعرض جلابية المدرسة و الطاقية زمان في توثيق رموز الحصاحيصا

يا عثمان :
علي سركيس زمنو في المدارس غير المختلطة ما كان في كراسات ، أحتمال كانو بيكتبو علي ورق البردي

يا صداح وليد العشى قال هو دفعة هويدا مالك فى جامعة السودان سنة 1970 وهى بتقول هى دفعتك
وقال عندو شهود فعلا سنة 1970 الطلبة كانو بيلبسو جلاليب الظاهر صداح حاضر الزمن دا
اوعى يا عثمان تكون انت دفعة صداح صداح فات فيهو الفوات كان هو دفعة هويدا والعشى

تحياتى الاخ عثمان الحسين انشاء تكون متزكر الجملونات اوسنين الطفولة ايام كنت بتحضر من المدرسة مع عفراء مصطفى اوزهير ابو سنينة ولد ست الرسالة ايام كان الزمن زين بس على سركيس ما اطير ليك فى حلقك طبعا عفراء مصطفى بتكون مبسوطة والى اللقاء فى مزيدا من المعلومات

التحية ليك اخت هويدا .. ايام الطفولة ما بتتنسي .. عفراء و رحاب شبو و مجدي ابوسنينة و الصادق ولد استاذة اسيا .. ناس بت عمر و على كولا و على الطاهر و ناس ام سلمة و الجيران تلك الايام ... روضة المحالج و الفرن و قش الخريف و الترعة و رائحة الزرع ...

انتي وين حسي و اخبارك شنو ... مع تحياتي لك و لكل الاهل ..