عاجل .صور وشهود. بداية تاهيل الطرق الداخلية

تاكيداً لخبر الاستاذ عشي ببداء العمل في طريق الاسفلت من امام محطات البترول وحتي تقاطع السكه حديد
في طريق فور تواجدت السـ5ـــاعه عصراً في الموقع وصادفت السيد المعتمد / محمد بشيروهو يتفقد الموقع مع مهندس الشركه المنفذة للمشروع
وجمع من المواطنين واكد السيد المعتمد الاتفاق مع الشركه علي المساحة المزكورة اعلاه وهنالك محاوله لتمديد الطريق اذا توفرت الامكانيات
المادية ........
مره اخري التحيه للسيد المعتمد ابن هذه المدينة المعطائه وكل مواطني بلدي يتعشمون منه المزيد ...... وربنا يتم علي خير ..


السيد / المعتمد و مهندس الشركه




الاخوه في حركة المرور لتنظيم حركة السير والمشاه


المعتمد محمد بشير و طلال عثمان ( طلال الكهربائيه )

الجميل عشي كل التحيات الي الاخ المعتمد
والراجل دا هميم علي البلد وعلي ناس البلد بس داير حبة وقفة مننا ومن الجميع
ارجو تكاتف الجهود مع الاخ محمد بشير من اجل الوطن والحصاحيصا
وذي ما قال حافظ كلنا حصاحيصا

بالتوفيق يا معتمد ... يعني المرة الجاية نجي نفحط عندكم

شكرا يا جكن
ربنا يوفق المحلية والاخ المعتمد
دعواتكم

مبروك ربع الكيلو عقبال باقى 8 ك للمدينة المهم الربع ده يا شركة بتروكست لا نقبل به الا بموصفات استاندر واملس ذى صلعة اخونا التايغر

Badr Abbas كتب:

مبروك ربع الكيلو عقبال باقى 8 ك للمدينة المهم الربع ده يا شركة بتروكست لا نقبل به الا بموصفات استاندر واملس ذى صلعة اخونا التايغر

كلام فى محلو يا بتاع التاء المربوطه

دعواتكم من اجل الحصاحيصا

ربنا يكمل المشروع علي اكمل وجهة ..

التحية لكم و انتم تنقلون لنا الحدث ..
والتحية للمعتمد / محمد بشير وهو يوفي بوعده ويشرف علي سير العمل ..
وكما انتقدنا الرجل حينما تأخر العمل بالمشروع ..
نتمني ان نوفيه حقه والعمل يسير الان بالصورة التي عكستموها لنا ..

لكم التقدير جميعا و الامنيات بكل ما هو مفيد للمدينة.

ما شاء الله وتبارك الله
العمل فى الطرق الداخلية يسير بشكل جميل
العمل اقترب الان من نادى المريخ
دعواتكم
الحصاحيصا وبس

يا عشي العمل ده بخلص قبل ابريل ولا شارع واحد والانتخابات تخلص ونروح في ستين الف داهيه بعدين الناس ديل ما عندهم امان ولا اي ولاء إلا لمنافعم الشخصية وبس لا تقول محمد بشير ولا زعيط زاتو . ربنا يورينا فيهم عجائب قدرته آآآآآآآآآآآآآآآآآآآمين يا رب العالمين..



( واحد الوجعه مقطعاااااااااااو)
ولي قداااااااااام يا حصاحيصا من غير المؤتمر التخريبي

غايتو ,الكحه ولا صمة الخشم

ياعشى المرة دى الحايى منوا من المسوؤلين المرة السابقة بس عملوا الشارع الجايى بية البشير اتمنى ان لاتكون كسابقاتها
ويا عشى كلمن يعملوا كبارى عشان فى الخريف ما يكسروها لتصريف المياة وماينسوا الميلان حتى لاتمسك الموية

شكرا معتمدنا وفقك الله وسدد خطاك ورزقك البطانة الصالحة
شكرا الاخوان وليد وجعفر على المتابعة

ياسياده المعتمد شارعنا بتاع الكمبو ده مالو
قبيل لما الرئيس جاي صلحتو من 21 والى المستشفى
والجزء من 21 الي الكمبو يتحرق..
وياعشي نحن عندنا شارع النص لما الخريف يجي بركشاتنا بنغرق
مايكون منتظرين بينا الانتخابات الجايه..!!!