باب الحردانين والغائبين

يلاحظ الايام دى فى حرد شديد من بعض اعضاء هذا المنتدى واحدين احردوا من دون ما نعرف اسباب حردهم شنو؟ واخرين بغادروا البيت بدون احم ولا دستور يعنى انسحاب بهدؤ تفتش عليهو وعلى مداخلاته ومشاركاته فلا تجد لها اثر عشان كده يا أخوانا انا بقترح نعمل لينا باب ثابت نسميهو :باب الحردانين (اى واحد حردان يسجل اسمه فيه )
وباب ثانى :باب الغائبين والمفقودين (وده امره ساهل ممكن عن طريق شرطة دوت كوم نبلغ عنه )
المشكلة فى الحرده الما عارفين ليها سبب دى والبوستات الكترت اليومين ديل مرة عشان خاطرنا ترجع ومرة عشان الصور دى وحبيبتى حردانه عشان البرتكانة وعشانا يا ودعشانا والخ...
ويا جماعة الخير الحردان يسجل اسمه فى باب الحردانين واسباب الحردة والبحرد وما بقول حردان بنعتبره غائب ويحول لباب الغائبين وشرطة دوت كوم ولو ماعثرت عليه واعطى اسباب مقنعة للغياب يلغى تسجيله ولن يقف دوت كوم عن المسير ولن يتأثر بغياب او تمرد عضو ودوت كوم الى الامام
قال شنو قال حردان قال !!!!! واقترح بامبونيس لكل حارد (ودى مفرد حردانين )
هل من مؤيد ؟

من الأفضل دائما توجيه الكلام لشخص محدد حتى يبين ما هو سبب إبتعاده و بما أن سياق الكلام يبين ان جزء من اللمز يقصدني فإن سبب إبتعادي هو إنحطاط بعض المشاركات لمستوى لا يقبله أي عاقل .. و لا يستوجب ان اكون طرفا في هذا العبث حتى لا يصيبني الغضب .. و المداخلات التي تسببت في ذلك تم سحبها .. و ذلك يعني انه كان يوجد سبب وجيه لردة فعلي .. و انا لا أدعي ان وجودي بالمنتدى قد اضاف شيء له و لا إبتعادي عنه سيضره .. رحم الله رجالا يعرفون قدر أنفسهم .. هو موقف شخصي و يجب إحترامه و لم يخطيء محمد كمال عندما كتب عشان خاطرنا ترجع .. فهو شخص نظيف السريرة و لا يوجد في موقفه ما يستدعي اللمز .. أنا عدت اليوم فقط لكي أبين لبعض الإخوة الذين اهتم لامرهم أن موقفي ليس تجاه احد معين و إكراما لمن إتصل بي و سأل عني .. كما أن الحردانين كما تسميهم يحتاجون لبوست فأيضا كل ذو أسلوب متدني يحتاج لموقف يوضح أن الخطأ لا يمكن ان يكون صوابا مهما حدث من تدليس و إلباس للباطل ثوب الحق .. للكل الحق في ان يذهب و ان يأتي متى ما شاء .. و من يدعي وصاية على احد فليثبت أنه اهل لذلك و حينها ستضح الاحجام الفعلية و ينزوي كل الصغار ..

عثمان الحسين كتب:

من الأفضل دائما توجيه الكلام لشخص محدد حتى يبين ما هو سبب إبتعاده و بما أن سياق الكلام يبين ان جزء من اللمز يقصدني فإن سبب إبتعادي هو إنحطاط بعض المشاركات لمستوى لا يقبله أي عاقل .. و لا يستوجب ان اكون طرفا في هذا العبث حتى لا يصيبني الغضب .. و المداخلات التي تسببت في ذلك تم سحبها .. و ذلك يعني انه كان يوجد سبب وجيه لردة فعلي .. و انا لا أدعي ان وجودي بالمنتدى قد اضاف شيء له و لا إبتعادي عنه سيضره .. رحم الله رجالا يعرفون قدر أنفسهم .. هو موقف شخصي و يجب إحترامه و لم يخطيء محمد كمال عندما كتب عشان خاطرنا ترجع .. فهو شخص نظيف السريرة و لا يوجد في موقفه ما يستدعي اللمز .. أنا عدت اليوم فقط لكي أبين لبعض الإخوة الذين اهتم لامرهم أن موقفي ليس تجاه احد معين و إكراما لمن إتصل بي و سأل عني .. كما أن الحردانين كما تسميهم يحتاجون لبوست فأيضا كل ذو أسلوب متدني يحتاج لموقف يوضح أن الخطأ لا يمكن ان يكون صوابا مهما حدث من تدليس و إلباس للباطل ثوب الحق .. للكل الحق في ان يذهب و ان يأتي متى ما شاء .. و من يدعي وصاية على احد فليثبت أنه اهل لذلك و حينها ستضح الاحجام الفعلية و ينزوي كل الصغار ..

صــــــــح لسـانك
يازول يا رائع
3 بس زيك في المنتدي دا كفاية

طلتك وجود دائم

يا جماعة لسع فى واحد حردان بتاع (برضو عاوز تسيبنا )اظهر وبان وليك الامان وضح لينا الحردة دى من شنو ومن منو ؟......
وانت بالذات مافى ليك بامبونة بنجيب ليك زيتون اسود .
ولنا رجعة للناس الدخلوا فى البوست وكلنا حصاحيصا دوت كوم

هسع الساعة عندى تشير الى 10:30 ليلا وافتكر مرت 24 ساعة من فتح هذا الباب لكل الحردانين وتقريبا سجل منهم مرور ووضح اسباب حردتو ورجوعه من غير ان ينال بامبونة يعنى وفرها لو فى واحد حرد تانى ويا مبارك عثمان ما تحرد لينا كل يوم عشان تكمل بامبوناتنا وسلام ليك يا راقى .
اشكر كل الشباب المرو وكتبوا ونقول ليهم نحن ماقصدنا اللمز والغمز بالمعنى الفهموهوا غرضنا نحارب الحرد والزعل المافى ليهو داعى ومافى داعى للحساسيات وذى ما قالت اختنا وبنفسج المنتدى ايناس الحصا حيصا حقتنا كلنا ونقتبس جملة اخونا الاصغر حافظ كلنا حصا حيصا وما داير ين تانى يا ود كمال عشان خاطرنا ترجع ولا كمان برضو عايز تسيبنا وده ماعرفنا حردان ليه طالما ما دخل علينا من باب الحردانين نحولوا لباب الغائبين وديل مسئولية شرطة دوت كوم وهم الاتى زكرهم :-
1-اخونا انور محمد الحسن (من حارد الى غائب )
2-اخونا طه
3-على نور الدين
4-رحمة عبدالله G T
5-والاستاذ كيشو
6-والاستاذ خالد محمد عثمان
7-الدكتور ضياء عدوى و العريس اشرف عدوى
ويلا يا شباب لكم العتبى حتى ترضو وبرضو الدائر احرد احرد هو حر بس اسجل اسباب الحرد عشان ما يقولوا علينا صغار وجهال وماعندنا موضوع وعدم موضوعية والمنتدى ده من اكثر المنتديات يسجل عليه مرور من المتصفحين الغير مسجلين وviva . com

والله كويس مافى حرد الايام دى من ما فتحنا ليهم باب وطبعا ده المطلوب على كل الباب متاكأ ادفرو ساكت وخش لو فى حردة
بعدين الحكاية شنو ناس شرطة دوت كوم ديل ما ردوا علينا بخصوص المفقودين والغائبين ولا ظاهر اتحولوا كلهم لشرطة المرور ودى بتكون من اغراءات ودعيسى

الغالى بدر
نأسف للغياب لبعض ظروف العمل الطارئة
ونحن معاك ومع كل الحصاحيصا وزى ما انت عارف مابنقدر نسيبها
وندعو كل الاعزاء الحردانيين للعودة للحصاحيصا الوطن
للجميع كل الود

ضياء الدين يا رائع ليك وحشة وقبلنا اسباب غيابك وربنا يعين وشكرا على التبليغ وعقبال الاخرين لاننا فاقدينهم