الى الرقابة مع احترامى

المحبوب أحمد الأمين اليوم في 10:20 pm

.قلب الجزيرة ،،
قالو القليب حِرق ،،
حرقوه بالنار حِرق ،،
والله يا المحبوب بمناسبة قلب الجزيرة واخونا هاشم كبير كانت هنالك مشاحنة ومنافسة ساخنة بين فريقى قلب الجزيرة والمشعل اربجى وقد انتهى الدورى المحلى لكورة القدم بالحصاحيصا بتزيل قلب الجزيرة والمشعل للمنافسة وكانوا متساوين فى النقاط والاهداف وتقرر اقامة مبارة فاصلة بينهم لتحديد الهابط للدرجة الثانية وقد اعيدت هذه المبارة اكثر من مرة ويرجع ذالك لانتهاء المبارة بينهم بالتعادل او بفوز احداهم وطعن الاخر فى اشراك لاعب موقوف او غدم اكمال المبارة نتيجة للشغب المهم الفريقين كملوا كل الحجج القانونية والغير قانونية وظلت هذه المبارة تعاد حتى قارب الموسم الجديد للدورى ان يبدأ واخيرا قرر ان تلعب مباراة فاصلة وحاسمة لا يقبل فيها اى طعون ولا بد من فائز زمن اضافى ركلات ترجيح المهم واحد ينتصر حتى لو لعبت المباراة 24 ساعة متواصلة بعد انتهاء الزمن الاصلى وتعتمد النتيحة بصافرة الحكم .
المهم فى ذلك الزمان المشحون بين جماهير النادين والمتعاطفين معهم من جماهير الاندية الاخرى تقرر المباراة الحاسمة وقيلها بيوم كان هنالك عرس فى الحصاحيصا بالحى الاوسط بمنزل المرحوم عبدالله حامد وعلى ما ازكر ان احد الصبايا الحسناوات فى ذلك الزمان نزلت للساحة لترقص وعلق احد الحضور بقوله والله البت دى توقف القلب وسمعه اخونا على حنين ورد عليه وتنزل المشعل

يعنى مسرح الرجل الواحد + واحدة ينفع ؟

راشد محمد الجاك كتب:

يعنى مسرح الرجل الواحد + واحدة ينفع ؟

.........
ايووووووووا ( تلك) شوفوا الشباب المستنير وشوفوا الافكار النيره

بس والله حاتتعب تعب شديد خلااااااااااااص ...
عشان تختار ..... يا .... يوسف شاهين

لا تسالية .....

واوووووووو
متذكر الزمن الجميل ده
تعرف يا اخوى الكاشف من ما تلقى الجماعة بحنو للزمن القديم وعندهم بسموهو الجميل يعنى ذالك دخول سن المعاش ودحين يا بركة باقى الطاقة العندك دى وفرها احسن للضمنة ودردشة ما بين صلاة المغرب والعشاء ورفقة الرجعة من الجامع .
واحسن حاجة نحمس الكوامر الفى المنتدى ده الطيور المهاجرة والراكة وحارسة العقب نبنى دارا للمسنين بالحصاحيصا واهم حاجة صالة المساج ركز معاى اهم حاجة الجنبة دى (عشان وجع الكرعين )وصالة صدى الصوت برضو الواحد بحتاج ليها للونسة مع نفسه .
اها يا ناس دوت كوم الخيرى كلامى ده ما تسفهوا وترموهو واطة ويبقى عليكم حسرة السياسين الما كندشوا دبك ناس بركة ديل هم السابقون وانتم الاحقون .اسمعوا كلامى الاجيال الجاية ما عندها وقت حتى للفاست فود الاكل حبوب بس !!!!

المحبوب أحمد الأمين كتب:

الباشق بابكر

........
ده شنو يامحبوب

الباشق بتاع الجوارح والجوارح ديل الاوريجنال بتاعين الزمن ده ياااااى اوريجنال خالص
يا موبى ما قلت لى الجكس بتاع السخلة عامل ايه؟؟؟

بمناسبة العتوت والسخلة وخواجة ينى (اه كانت لنا أيام فى قلبى زكراها ) سمعت يا ربو بقصة شيرى ونفيسى ؟

بدر
شيرى ونفيسى
ديل موش ابطال مسريحة ( هاملت) ولا ياربي ( مأساة يرول)
كدي زكرني
الكبر دخل
شيرى ونفيسى ابطال مسرحية (الاخ راجل غنمايتكم)
ماشى انوم فكرنى احكى ليك السالفة بعدين

اها يا بركة قبل ما احكى ليك السالفة الناخد لى رشفة من فنجان القهوة الكارب ده والله جنس بنه قالياهو ومحمصاهو بت بطرس بيديها الحرير .
اها نبدأ بسالفتنا: شيرى وسالى ونانسى حنكوشات بالفطرة راضعات الحنكشة من امهاتهن يعنى moms حقنهم زاتهن حنكوشات ومنعمات يعنى الحنكشة فطرة مش تمثيل اها الثلاثى اللذيذ ده بقرأ فى الاحفاد الجامعية للبنات ادارة اعمال يا أنتا وبالمناسبة هن الدخلوا ثقافة كبابى المك وسندوتشات المارتديلا بالافشكرى عارفنها ولا اشرحها ليكم دى ..خلاص عارفكم سمعتوا بيها لكن ما ضوقتوه (رانجو) اوعى من الكشة سمح يا مشرفين .اها دخلت فيهن واحدة من بنات الترابلة شايقية اسمها نفيسى من الحاج يوسف وعرفتهم بنفسها بان اسمها نوسة وطبعا مانست تعمل فيها حنكوشة بس حنكشتها كانت شترا بغلب عليها مرات كتيرة مصطلحات البلد وواقعها ذى واشريرى وايضا كذلك المهم ناس شيرى وسالى صاحبوها وخاصة هى بالدرشة المدروشاها فى الدنيا اكتسبت خبرة وسعة افق وقدرت تسيطير عليهن المهم نانسى كانت مكجناها لكن تعمل شنو مجبورة صحيباتها معجبات بنفوسة خلال العام والد نفيسى توفى وغابت من الجامعة فترة البكاء وسالى وشيرى مشوا ليها وعزوها بس سالى مامشت معاهم لانها اليوم داك كانت غائبة من الجامعة لمن ناس شيرى وسالى مشوا مع group بتاع الدفعة المهم سالى اتحيرت تعمل شنو لمن نفيسى ترجع من البكاء المهم حنست سالى وشيرى امشوا معاها الحاج يوسف ومشوا مع سواق ناس سالى وطبعا كانن متحيرات اشيلوا معاهم شنو لنفيسى فى الحالة دى فكروا اشيلوا ليها دباديب ولا باقات ورد وبعد مشاورات مع المامات شالوا ورد معاهن وتزودوا بماء الصحة ولبسوا تشيرتات سوداء مع جيبات سوداء وحتى النظارات سوداء وبعد ما وصلوا الحاج منفى وبعد السؤال من بيت ناس نفيسى والاستعانة بخارطة طريق ومساعدت ناس قدرك قدرك وصلوا لبيت نفيسى بس لقوا تيس ناس نفيسى فى الباب خافوا منه ورجعوا طوالى من غير ادخلوا للعزاء بعد اسبوع نفيسى رجعت الجامعة وسلمت على سالى بطرف اصابعيها وسالى قالت ليها والله انا مشيت اعذيك وكان ما مصدقانى أسالى راجل غنمايتكم

والله شديدة ولضيضة وليها جضوم وكمان شفتوها متحكرة كيف اها عرفتوها منو؟؟
وبالمناسبة ممكن اديكم خيارات

خيارات ومعاهن طماطمات بالدكوة
وبمناسبة الدكوة كدي شوف بيع الدكوة حلو حلا