وقفه للترفيه(لكل عشاق الشعر الحلمنتيشي)

حــبــيـــبـــتـــي I love you
ومـــــن حـــبـــك I shall die
مــن شِــدّة مـــا إنـــتِ beatiful
شـعــري الــفــي راســــي fly
I see فــــــي عــيــونــك sea
I can't swim بــــــــــــراي
when I see you فـــــــي الـroad
going to the shop بــــي جــــاي
cutting the زلــــــــــــــط
on foot with shoes small and high
I don't know what I can do
I can't believe my eye

منو القال ليك بحبك
حصل شفتيني اتكبكبت ولا جريت انا في دربك
ما ساكت قدر مكتوب كان جابني وقعد جنبك
ولمن كان بعاين ليك
ماعاجبني لون عينيك
ساكت كنت بتسلي
وبفكر في خلقة الله
وقادر انت يا الله
كيف خلقك وكيف رسمك وكيف سواك قوريلا
ورقبتك ناطة منسلة
وراسك ذي غطاء الحلة وكلك توب وباروكة
ياملوخية مفروكة
وبرضك تاني ليكي امل
برضو تقولي شاغلتك اشاغلك ليه رماني جمل

ابداع يامحمد في إنتظار المزيد

خطرة والحصاحيصا فيها مطرة

محمد قوليب2 كتب:

حــبــيـــبـــتـــي I love you
ومـــــن حـــبـــك I shall die
مــن شِــدّة مـــا إنـــتِ beatiful
شـعــري الــفــي راســــي fly
I see فــــــي عــيــونــك sea
I can't swim بــــــــــــراي
when I see you فـــــــي الـroad
going to the shop بــــي جــــاي
cutting the زلــــــــــــــط
on foot with shoes small and high
I don't know what I can do
I can't believe my eye

والله دي مبااااااااااااااااااااااااااالغة بالجد حلوة
تسلم يا محمد يديك الصحة والعافية

قال مكانيكي
يا واقفة بين صبري وتروس الفرملة
أنا بحكي ريدك للملأ
والجاني من بستم مشاعرك
بلفو طار بحكيبو لليل والخلا
و أنا بعذرك
وأوزن دركسون الصبر
وأضغط كلتش الأمنيات
لو ألحقك
يا الحنتا زي زيت رجوع
أسود من الشقا والدموع

قال جزار:
يا طاعمة زي كبدة ابل
بالشطة والليمون شفا
أنا بي وراك سبت القطيع
ضل الدريب وعليك حفا
يا كاسرة بي فرار هواك
أضلعي وظروفي المؤسفة

قال مكوجي:
يا كاوية قلبي قبل قميصي
رشيت لياقتو وما انكوى
يا ريتني لو أغسل دواخلي من الهوى
زي عمة بيضا أشرها
صابون هواك غسل النوى


قال نجار:
مسمار ودقيتي
في خشب الليالي المحزنة
منشار هواك
قطع الصلات الممكنة
يا أبلكاش وفورمايكة
أو تك خشب الجنوب


حاجة منقولة كدا قلنا نشاركك بيها تقبل مروري

لما شفتك قلبي كان ناصع نضيف

زي الطيور الراحلة في زمن الخريف

عشت متألم وما قادر أقيف

زي زي مشرور وحيد

مستني باصات الجريف

أنا الكيشة صًدقت إدعائك

يوم قلتي لي دمك خفيف

وخدعني بوخ نظرات عيونك

مليانة بالكحل الظريف

قمت شلت الكيس من ايدك

ووقفت في صف الرغيف

دافعت ليك وسط الخلوق

عشان تقولي ولد حريف

واديتك العيش بابتسامة**

نابعة من قلبي الرهيف وبعد ما شلتي العيش

نسيتيني ومشيتي بعيد

وانا المشدوه أعاين فيك

زي إقليمي جاي جديد

تاه في زحمة الخرطوم

وشاف الناس شمال وصعيد

ما تنبسطي يا حلوة

بعد نكرانك المعروف

أصلو الحي مصيرو يلاقي

ياما بيشوف

واصلو الناس حياتها ظروف

ويوم بلقاك في ورطة

لانو بلدنا كلو صفوف



منقول

شـعــري الــفــي راســــي fly .عجبتني شديد يامحمد لانه زكرتني صحبي علاء الدين لانه شعره عملfly بقي صلعه.وانت جبتها في الصميم.

سيك سيك معلق فيك