غيمة نزلت ،،
في البكان الغير ،،
وسألت ،،
وين انا ؟؟
كان قبيل وصلت ،،
لو ما أحتاجت ،،( مشير ) ،،
كان راجنها جمع غفير ،،
خلب فالم كتير ،،
جاهم الوالي الكبير ،،
قال يا شعبنا الطيب ،،
أصبر وأحتسب ،،
حاتمشوا جنة عدن ،،
قام شافع صغير ،،
قال ،، لا ،، لا ،،
أنا ما عايز أمشي اليمن ،،
أنا عايز حواشة هنا لوالدي الفقير ،،
وعايزين مدارس ،، عايزين كرارس ،،
وروضة فيها فراش كتير ،،
يا سيدنا الأمير ،،
وحصة حساب ،،
قال والي السراب ،،
ما عندي ليكم غير يباب ،،
يا الشافع ذي السنجاب ،،
ما فيش سحاب ،،
من وين أجيب ،،
قام شافع صغير تاني ،، قال ،،
أنا منسحب ،، دسوني هنا تحت التراب ،،
أنا أصلوا مضبوح من زمان ،،
ما علمك تدفن كتيلك ،، الغراب ،،
دي حصّة ما بتنفع معاي ،،
وإنت أستاذ للعزاب ،،
ونواصل مع الشفّع ،،
أمين الركابي ،،
وقـــــ المغارب ـــت
موضوع: نص ،، مسرحي ،، شفّع بتاعين مشاكل ،، 
الأحد 19 أبريل 2009 - 9:38
