اها ناس الحصاحيصا الحلوين الايام دى الحيكومة كريمة وسخية ووجهت كل المرشحين بتاعنها ارشوا وأبشوا الكشكوش والخدمات المجانية وتنفيذ كل الطلبات للناخبين وده كله ما عشان سواد عيونكم عشان اصواتكم الحلوه وبعدين بعد ما ياخدوا اصواتكم عينكم ما تشوف الا النور وبخلصوا الدفعوه ليكم تالت ومتلت وعصر شديد لمن تجيبوا الزيت عشان كده يا حبايبنا استفيدوا من الحنية الايام دى والعندو غرض مؤجل لضيق ذات اليد وصابر امشى سريع اقضيه مع اول مرشح او لجنة ترشيحه يعنى بالعربى كده العيان ولا عندو واحد عيان من اهله على طول المستشفى........... العلاج والعمليات والاقامة والاعاشة كله ملح المهم دى فرصة واتغدوا بيهم قبل ما اتعشوا بيكم وفى النهاية ده مالكم الشايلنوا منكم جبايات وعائد البترول 50 مليار دولار وكلها موظفة ليهم وانتوا معيشتكم ضنك ياجماعة اوصيكم اكلووووووووووا توووووووووووووركم وادوووووووووووووووا زووووووووووووووووولكم حلال عليكم
صوتك ضميرك...يرسم مصيرك يصبح مصيرك...يصبح نصيرك يهدى البلد.... صوتك أمان عبر الزمان صوت عشان تحمى البلد صوتك سلاح دفقة كفاح لحظة فلاح تبنى البلد صوتك غضب كلمة دهب تشعل لهب يضوى البلد ..................... أنت من تحدد طريقك وطريق الملاين ومصير البلد فكن مسؤل
يا بدريتو الجماعة (ناس الحملات الإنتخابية) شغالين بالعكس يعني من الشمال لليمين (أكلوا زولكم وأدوا توركم)وياربي ياتو تور بفوز بحماية القطيع؟؟؟؟؟؟؟ ويابركة أنتو أكلو زولكم وتوركم وأمتنعوا عن التصويت
موضوع: اكلوا توركم وادوا زووووووووووولكم 
السبت 27 فبراير 2010 - 11:31
