أمين الركابي
 |  موضوع: لبكري عثمان حمد : وحافظ أحمد : نــــص :  الإثنين 1 مارس 2010 - 14:06 | |
| سيّان ،،
كان ماتت جنازة ،،
كان مات هناك سُلطان ،،
كان طارت حمامة ،،
وفارقت بُستان ،،
سيّان ،،
كان ضل الدرب ،،
في يوم طشاش وحلان ،،
ما بقولوا ضُلك خان ،،
الخان الطريق ،،
طعن شافع ،، علي كتف الضُحي حلمان ،،
بيحلم بالخريف ،،
يجيهوا زاك الزيف ،،
يفرتق في المكان ،،
بُهتان ،،
قالوا علي شيوعي ،،
ومرة بقولوا كلب جانا من الضلام ،،
يقوموا يكسروا في ضلوعي ،،
ومرة زول فنان ،،
مدمن للغناء ،،
ومرة جبان ،،
والقافية لسة في الطريق ،، ما جات حروفا ملحّنة ،،
والطيرة طارت من فروعي ،،
خمسة بيكسروا في جزوعي ،،
هُم في بلاد الله واسعة ،،
وأنا في شسوعي ،،
بحلم إنو الشمس ،،
بتشرق من شموعي ،،
أنا ما كتلت الضُل ،،
يا دوب زمان سقيت الفُل ،،
يا دوب بكلم في الناس ساعة مهد ،،
يا دوب بقول ،،
والجيتار علي كتفي ،،
أنا ولدك يا بتول ،،
ـــــــــــــــــــــــــــــــــــــــــــــــــــ
00249911707647
شيخ علي مصطفي لأمين الركابي :
ركــــــــابي :-
وقـ المغارب ـت :- سيف مسلّط علي رقبة أمل ،،
الزارفون الدمع من كضب المُقل ،،
والحالمون ،، يؤخرون اليوم لي زاك الأجل ،،
أجلاً بعيد ،،
والحال المحل ،،
يحل في يوم العيد ،،
والسم كيف قتل ،،
وهارون الرشيد ،،
يا نجمة زُحل ،،
ما يلمسك من إيد ،،
بي سرعة وعجل ،،
بتكوني زي ( ماتريد ) ،،
فارقت الأمل ،،
وفي خديدا كتلوا الجيد ،،
سيدا وجمالا ،، شديد ،،
قامت تخت الإيد ،،
علي الحلم الشريد ،،
بقولوا في يوم عيد ،،
هذا الغُنا ،،
وتنجبيه شهيد ،،
زاك الجنا ،،
قبّال يشم تنهيد ،،
يموت الهنا ،،
ركــــــابي :-
أرتقبوا :- | |
|
