حكمة والله وحكاية

--------------------------------------------------------------------------------

الحصاحيصا هذا المساء
اين ذهبت معدات المريخ؟
راشد حسن طه
نفاجأ كل صباح بالمدهش والمثير
ويبدو اننا نعيش زمن العجائب من أوسع أبوابه
فقد سافر وفد من مجلس ادارة نادى المريخ الحصاحيصا الى حاضرة الجزيرة مدينة ودمدنى
وكان الغرض من السفر الى مدنى هو استلام معدات الفريق المقدمة من وزارة الشباب والرياضة
وقد تسلم مجلس ادارة نادى النيل المعدات الخاصة به
وعندما جاء الدور على مريخ الحصاحيصا تفاجأ الوفد بأن هنالك شخص قد حضر ونسلم المعدات انابة عن مجلس ادارة النادى
ونحن نتسائل بدورنا عن هوية ذلكم الشخص
وكيف تمت عملية التسليم له؟
وهل عند تسلمه لتلك المعدات ابرز ما يفيد انه مفوض من قبل مجلس ادارة نادى المريخ باستلام تلك المعدات؟
ولا البصحى بدرى فى البلدى دى بصرف اى حاجة؟
والبصحى متأخر ما بلقى حاجة
ما ننوم يعنى؟
وقد حضر الينا فى مقر عملنا بالمدرسة الاستاذ عباس حسن والاخ ادم سبيل وهما اعضاء مجلس ادارة النادى
واخبرونا بهذه التفاصيل
وكنت اظنهما يمزحان
ولكن اقسم الرجلان ان هذا ما حدث حقيقة
ولم اعلق على الموضوع الا بكلمة واحدة
والله
فرد الجميع بما فيهم استاذن كرم الله : والله العظيم هذا ما حدث
فقلت لهم لو كان الامر كما تقولون فان اى شخص يمكنه فى الاعوام القادمة ان يقدم نفسه كمفوض عن الهلال والمريخ والاهلى وكل الاندية بالحصاحيصا
ويستلم
ويروغ كما يروغ الثعلب
بس يصحى بدرى
وعليك يا مدنى جاك زول
وجاك بلا يا اندية الحصاحيصا
ويا محمد سيد احمد يا اخوى معداتكم التى سوف تتسلمونها يوم الاحد المقبل ابقوا عليها عشرة
ورسلوا زول يبيت فى مدنى من يوم السبت
عشان يصحى بدرى
هذا ومانك يا مهازل
ويا مريخ : الجاتك فى معداتك سامحتك
لان ذلك الشخص الذى تسلم معدات الفريق لم يتجرأ ويقول انا ممثل نادى النيل
لأنو عارف ناس نادى النيل ديل ما بنوموا
وحارسين حقهم
وشديدين ولضيضين
عموما نتمنى معالجة مسألة نادى المريخ بأعجل فرصة اخوتى فى اتحاد الكرة
لأن المريخ مقبل على منافسة الدورى التأهيلى
وما تنسوا احذية الحكام
جيبوها يا محمد عبد الله
عشان تكملوا اللوحة الجميلة الى رسمتموها بذلك الزى الفاخر الخاص بالحكام
وعشان الحكم يكون انيق
ولا شنو
كل توزيع معدات وانتم بخير
حاجة اخيرة:-

نوموا بدرى واصحوا بدرى وشوفوا كان تنقدروا او كما قال الشيخ فرح ود تكتوك
مرحبا بحكم ولاية النيل الابيض محمد الضو فى مدينة الحصاحيصا ونتمنى لك اخى محمد موسم ناجح ملئ بالاشراقات
لابد من خطف نقاط الاتحاد يا نيلاب
شدوا حيلكم
وبعدين الخسائر خارج الارض وقفوها
ما دايرين الكونفدرالية انتو ولا شنو؟