بورداب الأمارات بين العين الآسرا والمحبوب والياسرا يتسامرون (الرؤيا أوضح)

أحتفاءاً بعودة البوردابي ياسر السر الحاج عبدالله من رحلة العلاج والتي منَ الله عليه بالشفاء بالصين ، سجل عدد من بورداب دوت كوم زيارة له بمنزله العامر بمدينة العين ، وبعد السلام والكلام والضيافة التمام من أسرة البوردابي ياسر السر ، تحول السامر الي منتجع العين الفائضة حيث ضمَ السامر :
1- البوردابي الأستاذ المحبوب أحمد الأمين .
2- البوردابي ياسر السر الحاج عبدالله.
3- البوردابي الأستاذ فاروق وراق حسن.
4- المتصفح وصديق الموقع معاوية أحمد الأمين .
5- المتصفح وصديق الموقع أحمد صلاح حمد النيل .
6- صديق البورداب علي العاقب .
7- البوردابي صدًاح فاروق وراق.
8- أشبال دوت كوم أحمد آمنة وأمنية وفاطمة ويارا وتالا. بالأضافة لعدد من قرينات البورداب .
وقد ظهرت مواهب خافية للبورداب حيث أجاد الأستاذ المحبوب والأخ ياسر والأخ أحمد صلاح في مهارات التحكم بالنسبة لكرة القدم ، وقد تمتع البورداب بباربكيو معتبر من أعداد أم أحمد وأخراج الأستاذ المحبوب والأخ معاوية ، هذا وقد أعتذر البوردابي مبارك محمد عثمان والأخ جعفر محجوب محمد صالح سيدون لظروف قاهرة عن الحضور ، وقد قضي الجميع ساعات أستعادوا فيها رائحة الحصاحيصا وذكريات ديزاين القمردين والأشجار الخضراء ، وقد أكد الحضور علي العمل من أجل أنجاز تجمع أوسع للبورداب يضم كل أعضاء المنتدي بالأمارات في القريب العاجل .

[img]

[ندعوك للتسجيل في المنتدى أو التعريف بنفسك لمعاينة هذا الرابط][img]

الغالي صداح
كل تحاياي
الف حمدالله علي سلامة الاخ ياسر
وربنا لا يفرق شملكم
واجمل حاجة في القعدة دي جريدة الحصاحيصا
التي بين ايدي احد الجلوس معكم
كن بخير اخي صداح وتحياتي للوالد فاروق والاخ محبوب وكل الجمع

صداح انت شكلك ما قربت على الكورة .. !! قلت ليك فكت من زمن فريق النجوم ما صدقتني !!

بالمناسبة دي الصور دي وصلتنا كده من المصدر .

اقتباس :

من طرف عثمان الحسين في السبت مارس 13, 2010 12:26 am

صداح انت شكلك ما قربت على الكورة .. !! قلت ليك فكت من زمن فريق النجوم ما صدقتني !!

يا عثمان الحسين أنتا من زمن الكورة البيلعبوها (في الأرض) أنا شايل كورتي وطالع بيها المريخ

اقتباس :

من طرف ودعيسي في السبت مارس 13, 2010 12:16 am

الغالي صداح
كل تحاياي
الف حمدالله علي سلامة الاخ ياسر
وربنا لا يفرق شملكم
واجمل حاجة في القعدة دي جريدة الحصاحيصا
التي بين ايدي احد الجلوس معكم
كن بخير اخي صداح وتحياتي للوالد فاروق والاخ محبوب وكل الجمع

تحاياك واصلة وسَلِمتَ ياود عيسي.

رونق هذه الجلسه وعبقها الذى نشتمه ات من قامة فاروق وراق والذى ايضا اضافت الورود التى حوله لحنا ومعنى اخرج هذه الجلسه الجمليه.



ياصداح المحبوب ده صورته دى جارى والله واقف ومادى رجله ساكت لزوم انا بجرى؟

حمد الله على سلامة اخونا ياسر وانشاء الله دائماً مجتمعين علي الخير

مجتمعين دايما ومتآلفين بوحدة دوت كوم ان شاء الله ....
التحية الخالصة للعم فاروق وراق متعه الله بالصحة والعافية والف حمدا لله على سلامة الغالى ابو احمد ...
وتحية خاصة كمان للاخ احمد صلاح رفيق الدرب ( ذكرنا ايام المجد الذى انطفأ مع هذه التابلوهات الرائعة ) ...
شكرا صداح ... شكرا المحبوب .. شكرا ياسر ...

انشاء الله دايما ملمومين وتامين وسالمين
لكن ياصداح دايرين تخش لينا واسطه نسجل ياسر السر ده في النيل في مشروع طرف خطيير

يا أخوانا فائزة السيد والرشيد حبيب الله وعلي سركيس وراشد الجاك وأبراهيم ديسكو وأبو الفاتح وعصام تلودي ولمن حدثته نفسه بالكتابة ولم تطاوعه أنامله ، ولمن طاوعته أنامله ولكن لم تطاوعه الفكرة ،وللمتصلين والمتصلات والبورداب والبوردابيات ، الأحياء منهم والرياضيات .

والله أنا عايز أرد عليكم واحد واحد لكن الصراحة رااااحة لقيتكم كتااااار ما شاء الله عشان كده حأرد رد أجمالي :

تشكرون جميعاً علي هذا الدفق من التحايا والتمنيات التي زَينتم بها جيد اللمة وهذا البوست ولكم كامل التقدير .

لمة في الحرم انشاءاللة

يا صدحة صباح الجمال
ارجو تبليغ المحبوب بالأتي


يامحبوب خانة ايداهور فاضية.. تجرب حظك؟؟
ربنا يرحمة

المستهدفين بالنسبة لتجمع أسرة دوت كوم الأمارات كل أبناء الحصاحيصا وبالأخص البورداب التالية أسمائهم:
1- الأستاذ عبدالقادر أحمد.
2- الأستاذ المحبوب أحمد الأمين.
3- الأستاذ كمال حسن الجمل.
4- الأستاذ مبارك محمد عثمان.
5- الاخ ياسر السر الحاج عبدالله.
6-الباشمهندس هشام علي البشير.
7- الفنان التشكيلي والنحات أحمد العربي.
8- الباشمهندس عبدالخالق يوسف أحمد المصطفي.
9-الأستاذ علاء الدين عبدالوهاب.
10-الأخ أبوذر حسن طه.
11- الأخ راشد الفاتح حمد النيل.
12- الأستاذ علي سيدأحمد تلودي.
13- الأخ عماد سيدأحمد تلودي.
14-الأخ محمد عبدالرحمن عبدون.
15- الأخ أحمد صلاح حمد النيل.
16- الأخ النصري السر السيد.
سيقوم كاتب هذه السطور بالتنسيق بالنسبة لتحديد مكان وزمان ملتقي أسرة دوت كوم الأمارات.

شكرا المحبوب واسرته
شكرا صداح واسرته
شكرا على العاقب واسرته
شكرا احمد صلاح
شكرا الغالى الاستاذ فاروق وراق
والشكر لله من قبل ومن بعد أن أتاح لنا هذه اللحظات التى لن ننساها أبدا
كانت الحصاحيصا حاضره بشخوصها وأمكنتها وذكرياتنا فيها ودوت كوم
فأنسانا أنسهم رهق الحياه وعشنا معهم لحظات لن تنمحى من ذاكرتنا أبد الدهر على أمل لقاءات قادمه فى رحاب العين الساحره
شكرا لكم أيها الاحباب والشكرلكل الاخوه المتداخلين

إيداهور الله يرحمو ويغفر ليهو
لكن الفيك إتعرفت يا ود عيسى
وكان ما شفتني قريب في دوري الدرجة الأولى تضحك علي
عالم ماتعرف حتى تدقل بالكرة

المحبوب أحمد الأمين كتب:

إيداهور الله يرحمو ويغفر ليهو
لكن الفيك إتعرفت يا ود عيسى
وكان ما شفتني قريب في دوري الدرجة الأولى تضحك علي
عالم ماتعرف حتى تدقل بالكرة

كلمهم عليك الله ...
كلمهم ...
حالتو بالسروال ..... والعراقى !!!!!

يا صداح ما تنزل الصور البي الكدارة والشيرت نمرة 10
يقومو يدوني عين يلحقوني والي الدين

عصام تلودي كتب:

انشاء الله دايما ملمومين وتامين وسالمين
لكن ياصداح دايرين تخش لينا واسطه نسجل ياسر السر ده في النيل في مشروع طرف خطيير

ياود العم سلامات
ماعندك مشكله بس انت اعمل تلميع وكده فى الجريده وانا موافق
حليل ايام زمان