نافع (الميس قرب )

يرجع السبب حسب اعتقادي لاحساس الحزب الحاكم بقوته وفي المقابل ضعف احزاب المعارضه وافتقارها للبرامج والمؤسسيه في النهج والطرح اضافه الي تقسيم الاحزاب وتفكك كل حزب الي عدد من الاحزاب والطوائف مماجعل هذه الاحزاب دون رؤية واضحة فالتالي هي تشعر بعدم استعدادها لخوض غمار الاتخابات

الأخ مغربي ...

انا مع كلام الأخ / محمد تمام الحكومة تجد نفسها قدمت الكثير للسودان بينما الاحزاب لم تقدم أي شئ خلال فترة توليها السلطة أيام الديمقراطية من عام 1985 الي 1989

وانا غايتو صوتى للبشير حتى اذا لم اتفق معهم فى الراى
الحزب الحاكم بقوته وفي المقابل ضعف احزاب المعارضه وافتقارها للبرامج والمؤسسيه
انا مع كلام الأخ / محمد تمام الحكومة تجد نفسها قدمت الكثير للسودان بينما الاحزاب لم تقدم أي شئ خلال فترة توليها السلطة أيام الديمقراطية من عام 1985 الي 1989
_____________________________________________________________________________
ليس العيب ان تكون جاهلا ولكن العيب ان تفتى فى ما تجهل
(ما ورد فوق الخط نموزج لردود مغيبين فبهم الذى يسلم سلاحه لمن لايتفق معه وفيهم من ثقافته فقط ما يكتبه الاعلام الحكومى والاخير لا يعرف فى اى سنة تولت الحكومة الديموقراطية الحكم وكالعادة يفتى فى ما لا يعلم فهؤلاء هم هتيفة الموتمر فهنيا له بهم )

Badr Abbas كتب:

وانا غايتو صوتى للبشير حتى اذا لم اتفق معهم فى الراى
الحزب الحاكم بقوته وفي المقابل ضعف احزاب المعارضه وافتقارها للبرامج والمؤسسيه
انا مع كلام الأخ / محمد تمام الحكومة تجد نفسها قدمت الكثير للسودان بينما الاحزاب لم تقدم أي شئ خلال فترة توليها السلطة أيام الديمقراطية من عام 1985 الي 1989
_____________________________________________________________________________
ليس العيب ان تكون جاهلا ولكن العيب ان تفتى فى ما تجهل

الأخ بدر ..........
أفتي لي انت يا سيد بدر .... نحن نقوم الجهالة ... ولكن على الاقل نعرف من نحن وماذا فعلنا في حياتننا ولسنا نردد هتافات لافكار أصحابها تنكروا لها .

مساء الخير ود المغربي ،،
ومساء الفل أبورائد الأصبح للمؤتمر دليل وقائد ،،
ومساء الورد بدر المعارف ،،
وبالنسبة للتساؤل ..
فوالله فهمت منه الدفع بآلة المؤتمر لي قدام أكثر من البحث عن إجابة !!
لأنو لو تساؤل يبحث عن إجابة بتكون الحكومة دي عويرة ..
عملت إحصاء سكاني الأول من نوعه في العالم ..
قانون إنتخابات الأول من نوعه في العالم ..
مفوضية ولا في أروع من كدا حلا وحمار
وقبل كدا توزيع مقسم بالمسطرة للدوائر ...
سيطرة تامة على كل مؤسسات الدولة ...
يعني مال وسلطة وجاه واعلام
ويضاف لذلك كله ناس زينا حلوين نعدد ونسبح بحمدهم بكرة وأصيلا
المابخليهم يستعجلوا شنو بالله عليكم ...
ففوزوا يا نافع وأغنوا وغنوا لمن الله يغفر ليكم ...
وبعدين ؟؟

يا المحبوب ....

بعدين ... أخرها كوم تراب ....

كوم تراب ؟؟
تقصد مقابر ؟؟
يا ريت تتعرف أمكنتـها لذوي الميتين .. على الأقل يقدروا يترحموا عليـهم

المحبوب ..............

ليس من الضروري ان تعرف قبر شخص ماء ...والدعاء لهم بالرحمة واجب على كل المؤمنين والمؤمنات الاحياء والاموات ..........

لو قصدك الضباط الماتوا ... نسال الله ان يجعل مثواهم الجنة .... ولكني دعني أسال هل عندما قبض عليهم قبض عليهم وهم في المساجد أم يقبض عليهم وهم يحاولون الانقلاب على الحكومة ... وإذا كانوا قلبوا الحكومة ماذا كان سوف يكون رد فعهلم مع الحكومة ... ؟

لست هتيفا لاحد وارفض هذه الطريقه في الحوار وانا امثل الرأي الشخي لنفسي وليس لجهه اخري واذا كانت هذه وجهة نظر الاعلام الحكومي اين اعلام الاحزاب بل اين هي الاحزاب نفسها تبقي اقل من شهر وقاده هذه الاحزاب ينادي بتاجيل الانتخابات كانما اتتهم بغتة ككل الاشياء في سوداننا الحبيد نتفاجاء برمضان والعيد والخريف والفيضان وحتي الانتخابات

الأستاذ محمد الميرغني ،،
لك التحية ،،
وشنو يا سيدي الفاضل الماعجبك في الحوار عشان لو كلامك صاح نغير الطريقة
ومن جانب آخر
لازم نجاوب على الأسئلة أو على الأقل نناقشا عشان نعرف لماذا نحن ضد هذا المؤتمر
وبعداك نواصل

كل الود المحبوب انا علي كلمة هتيفه فانا لست هتيفا لهذا المؤتمر ولاأنتمي والدي احد موظفي مشروع الجزيره الذين شردو ببيع المدارس وانا دخلت المدرسة سنة 90يعني لاكتب ولاكراسات ولا أقلام ولاصحة حتي الجامعة وبعد الجامعة بلا توظيف ،انما ماقلته عبارة عن قرائه لمايحصل امامنا في الساحة السياسية

طيب شنو الما عاجبك يا استاذ محمد ميرغني عشان نستمر في الحوار

بامحبوب والله فترتني معاك ياخي
اسمع رايك شنو نحن نصبر كم وعشرون يوم عشان نشوف الشعب بصوت لي منو والبفوز بنبارك ليه مع انه الشعب كله اختار البشير وبالجد انا بعتبر الحكومة ارتكبت خطاء كبير منذ اعلان الانقاذ انها لم تعدم قادة الاحزاب ومدمري السودان على الاقل كان نشوف قاده جداد واحزاب جديدة بدل العجزة المتحجرين بافكارهم الهدامة

يا بكري كلامك دا هزار ساكت ،،
ولو كنت جادي فيما تقول فمبلغ علمي ان عمنا عثمان عباس حسن كان واحد من رجالات تلك الأحزاب ،،
وأرجو أن تعود مرة أخرى وتعدل كلامك وإلا فإنك سوف توثم لا محالة والرجوع للحق فضيلة ورايك شنو ؟؟
نعدم ونردم ولا ننتظر شوية ؟؟

المحبوب أحمد الأمين كتب:

يا بكري كلامك دا هزار ساكت ،،
ولو كنت جادي فيما تقول فمبلغ علمي ان عمنا عثمان عباس حسن كان واحد من رجالات تلك الأحزاب ،،
وأرجو أن تعود مرة أخرى وتعدل كلامك وإلا فإنك سوف توثم لا محالة والرجوع للحق فضيلة ورايك شنو ؟؟
نعدم ونردم ولا ننتظر شوية ؟؟

المحبوب ...

يا محبوب .... العجائز ديل افضل لهم ان يتقاعدوا وياتوا الي الحرم ويجاوروا ويسالوا الله حسن الخاتمة أشرف لهم ان يذهبوا الي المساجد ويصلوا أوقاتهم الخمسة بطمانينة بدل زخم الحياة واللهث وراء السلطة من جديد وأعتقد بعد عمرهم هذا أصوات سارينات النجدة سوف تحدث لهم شلل اطفال

المحبوب الوالد عثمان الان ليس له علاقة بالسياسة اعتزل الشغلانه لانه عارف اصلها وفضلها
اما عن قادة الاحزاب الكنت بفترض ان تقوم ثورة الانقاذ في البداية فهم معروفين ولا بموتو ولا بفوتو ولا بخرفو
زي لابتسالمي لا بتكالمي واهم اتقسمو الترابي انشق منه الكثيرون والامه بقى حزبين والاتحادي مجموعات فاشلة اما الاحزاب الجديدة دي زي الركشات والشيوعي داير الفرصه عشان انتقم لي كم نفر ماتو زمان ايام نميري والغريبه نميري مات ماعارف التار من منو طبعاً من الشعب السوداني لكن هيهات ان يجدو فرصه زي دي

طيب يا بورائد
عمر البشير دا عمرو كم سنة ؟؟
ما عمرو الانقلابي دا معروف كم وعشرين سنة عمرو كلو كم ؟؟
وهل بنطبق عليهو كلامك الفوق دا ولا ما بنطبق ؟؟
والله يا بورائد انت رايق
الطيب مصطفى خال الرئيس يقال بأنو كان مجاور
خلاها
وبقى يحاور
عصام كورنة يعني

يا بكري قلنا ليك
يابكري نعدم ونردم وندس المقابر ولا ننتظرك شوية ؟؟
جيت قلت الوالد إعتزل
طيب ما إنت كلامك قلت كان يفترض من زمان
يعني بتتكلم عن أيام زمان
وتمنيت لو تم إغتيالـهم صاح ولا ما صاح
جاوب الغنا ما بحلك
لسه بتتمنى ولا غيرت رايك ؟؟

يامحبوب انا كلامي واضح
ومن اقصدهم هم
الترابي الصادق المهدي الميرغني هولائي هم قادة الاحزاب وقادة الدمار والتخلف
طبعا نقد ليس معهم لانه لابقدم ولاباخر

أها يا بكري وعمر البشير نعمل ليهو شنو ؟؟
كويس إنك إستثنيت الاستاذ محمد إبراهيم نقد من الاعدامات لكن ما قلت لينا نعدمن كيف بنفس طريقة ضباط رمضان
أعدمتوهم يوم التيسوعة والدنيا قبايل عيد
وأهلن لي حسه ما قجوا ولا صيوان منتظرين
في رايي المتواضع تأجلو الاعدامات شوية
لحدي ما نفرش على الضباط ال 28
بعداك نعدم ديل لكن نفرش عليـهم ونقرأ عليـهم الفاتحة
يابكري ياخي ليه أحكام إعدام طوالي ما في سجن وجلد وغرامة لماذا أقصى العقوبة وين الرأفة والنبي الكريم قال في كل كبد رطب أجر ؟؟

ابوعثمان كتب:

المحبوب الوالد عثمان الان ليس له علاقة بالسياسة اعتزل الشغلانه لانه عارف اصلها وفضلها
اما عن قادة الاحزاب الكنت بفترض ان تقوم ثورة الانقاذ في البداية فهم معروفين ولا بموتو ولا بفوتو ولا بخرفو
زي لابتسالمي لا بتكالمي واهم اتقسمو الترابي انشق منه الكثيرون والامه بقى حزبين والاتحادي مجموعات فاشلة اما الاحزاب الجديدة دي زي الركشات والشيوعي داير الفرصه عشان انتقم لي كم نفر ماتو زمان ايام نميري والغريبه نميري مات ماعارف التار من منو طبعاً من الشعب السوداني لكن هيهات ان يجدو فرصه زي دي

عمر البشير كبير في السن بس راجل عسكري ... اما الطيب مصطفي فهو مجاهد يعني عسكري برضه

يخوانا البوست دا مسكون ولا شنو
أسأل بكري يجاوب أبو رايد
أرد على أبورايد
يعقب علي بكري