الجزيرة00000000للشاعر(ابراهيم يوسف)*

عوافي

الله ياجزيرة الخير والامن
باعوك وباعونا في غفلة زمن
باعوك وباعونا بي ابخس تمن
باعوك وباعونا ما راعوا للوطن
باعوك وباعونا دون حق الكفن
حليلة ايام القطن
حليلة ايام الحليج
حليل ايام الهنسليت
والمجنزرة والماسي اب قرن
حليل ايام عيشنا وقمحنا والقطن
الضاقت بيهو المخازن والصوامع والسفن
حرروا النفوس خلوا نفوسنا عليه
الحرية بتندفن لكن بتطلع حيه
دايرين الحقوق والحساب فوريه
عشان نفرح بيها الويليد والبنية
فيها لا جوع لا عطش لا عريه
قاعدين في عين الردي
لمن تجي رصاصة الخلاص الحيه
يوم يسالكم الله عن واد البنية الحيه

*ابراهيم يوسف
سائق جرار بالهندسة الزراعية احد ضحايا قانون 2005م
(خصخصة مشروع الجزيرة) من ابناء ود سلفاب

هذه الكلمات كافية جدا لاقتلاع المؤتمر الوطنى من رؤوسنا ....
حتى لا ننسى .....