قطرن صفر ... 10 مليار لحقوهن غنم زهرا !! والبقاء لله

معلومات عن اختفاء «10»مليارات من الشؤون الإنسانية

أصدر مجلس الوزراء قراراً بالتحقيق في أداء وزارة الشؤون الإنسانية، والعلاقة بين الوزير ووزير الدولة.
وذلك عقب إعفاء المفوض العام للشؤون الإنسانية، حسبو محمد عبدالرحمن، وكشفت مصادر موثوقة لـ(آخرلحظة) أن القرار نتاج لما أسمته بـ الفوضى في اتخاذ القرار داخل الوزارة، وأشارت المصادر إلى اختفاء ثمانية مليار جنيه، مخصصة لبرنامج الطوارئ، بجانب اختفاء «2» مليار جنيه مخصصة للعمل الإنساني.
اآخر لحظة
الثلاثاء, 16 مارس 2010 07:46

المحبوب أحمد الأمين كتب:

معلومات عن اختفاء «10»مليارات من الشؤون الإنسانية

أصدر مجلس الوزراء قراراً بالتحقيق في أداء وزارة الشؤون الإنسانية، والعلاقة بين الوزير ووزير الدولة.
وذلك عقب إعفاء المفوض العام للشؤون الإنسانية، حسبو محمد عبدالرحمن، وكشفت مصادر موثوقة لـ(آخرلحظة) أن القرار نتاج لما أسمته بـ الفوضى في اتخاذ القرار داخل الوزارة، وأشارت المصادر إلى اختفاء ثمانية مليار جنيه، مخصصة لبرنامج الطوارئ، بجانب اختفاء «2» مليار جنيه مخصصة للعمل الإنساني.
اآخر لحظة
الثلاثاء, 16 مارس 2010 07:46

المحبوب بعدين فى ناس بجو يزرزروك ...
مافى العشرة مليار الراحو فى غضب الله ....
بسالوك فى غنم زهرا .....

محمد كمال السر ،،
إبن أخي الفاضل كمال ،،
سعدت أيما سعادة بتواجدك وتابعت البوست داك كلمة كلمة والغصة والعبرة تأخذان بتلابيبي ،،

والمحيرني ما في زول خائف .. 10 مليار تغتس ما تقلع .. برضو ولا حاجة ،، ايه الهنا الفيهو هؤلاء ؟؟
ياراشد يزرزروني أنا المسكين دا ؟؟
الشال 10 مليار ما في زول زرزروا يجوني أنا في غنم زهرا ؟؟
وبيني وبينك إنت رجل شِفت ..
وكأنك عايز تقول :
إذا سرق الشريف تركوه ولو سرق الضعيف أقاموا عليه الحد ،،
وهي فعلاً كذلك فلا تعتقد بأن حداً سيقام لأن الشريف لا يحد ،،
مش لأنو شريف ولكن لأن المبلغ تافه حسب تقديراتـهم ،،
وغنم زهرا برضو لاتعني شيئا لأنو زهرا دي ولا في بالـهم ،،
ولذلك فمبلغ ال 10 مليار زيو وزي غنم زهرا إجي ولا ما يجي مش مهم ،،

حكي لي احد زملاء المهنة انه كان من ضمن الفريق العامل بمراجعه حسابات (طريق الغرب) ، فوقعت يدهم علي فاتورة شراء(شرموط) بمبلغ مليون (سنة 2001) مما حير كل تيم المراجعه وللتثبت من ان الفاتورة حقيقية طالب احد المراجعين مدير المشتريات بأحضار ( الحبال) العلقو فيها الشرموط .
يا محبوب الزول ده يكون شال العشرة مليار في شنو ؟
ده المحيـــــــرني ؟؟؟؟؟؟؟؟؟؟

والله ياحموري بسطني علي البسطة العلي وضحكت كما لم اضحك من قبل
وإنت عارف ياحموري الجماعة ديل والله بقو في حالة صعبة جداً
ضغط الدعاية الانتخابية جهجه البعض وهم قليبن رهيف وما بقدر على الهبباي
ولا حتى يقول للكرسي باي باي
وبقى كل زول خائف
الحل
بلع نضيف
وإن جو كان بها
وكان ما جو أهو الواحد خمش خمشتو والزارعا الله التقوم
وحا تشوف في الايام القادمة ما يعقد لسان الدهشة فعلاً
تسلم يا غالي
نسيت ما اقول ليك تبلغ تحياتي للأخ الفاتضل دفع الله ود حاج التوم

العزيز / محبوب
لك التحايا والوالد يغريك السلام
اخر خمشة تتحدث عنها الاخبار :
هنالك خلاف (مالي) كبير جدا بين الوطني والحركة الشعبية والسبب:
تبين ان هنالك بيترول بما قيمته (375 مليون دولار) فرق بين الحسابات التي قدمتها الشركة الصينية والحسابات التي قدمتها حكومة السودان ، يعني ظهر في حسابات الشركة الصينية كمنتج ولم يظهر في حسابات الحكومة السودانية كأيرادات .
هلا هلا يا محبوب جابت ليها سرقة بال........... شـــــــــــم .

حمورى دى بعالجوها كيفين عاد !!!!!!!!!!!!!
الا بالابر الصينية ؟؟؟؟؟؟؟؟

إخوتي الاكارم .....................

اتمني عندما نتحدث عن جهة ان نتحدث عنها بحقائق ومستندات حتي لا ندخل في الحرام ( أن نبهت الناس ) وكل الذي أقراءه حدثني فلان قال لي فلان ...
بعدين يا جماعة البياكل حرام دا حسابه عند الله كبير فدعونا نتركهم لرب العباد وهو كفيل بذلك .... ولا شنو ؟

اها ناس الزرزرة جو ......
ياعمر ياخوى معناها تعبنا دا كلوا على الفاضى .....
نخليهم كلهم مع بتاع الزكاة داك .... لى الله يوم الحشر ...
ونقعد نحن نربع ايدينا ونعاين ....

المشكلة انو مافي عقوبات رادعه لأمثال هؤلاء,,,,,
المراجع العام كل سنة بيطلع التقرير بتاع الأختلاس وما في زول بيشتغل بيهو
مفترض اللي زي ديل يقيموا عليهم حد الحرابه

يا المحبوب ..الجماعة ديل خبراء فساد !!!
نسيت فتوى عراب الانقاذ ( لا تجرجوا رموز
الحركة الاسلامية فى المحاكم ) !!!
ديل خليهم شفت مفوضية الانتخابات ، يا دوب
فى سنة وأولى فساد !! أرست عقد بطاقات اقتراع
الانتخابات على شركة كيزانية عرضها بلغ 4 مليون
دولار ، وعرض الشركة السلوفينية 800 ألف دولار.