صور للخريف من الحصاحيصا الرائعة

انزلت مجموعة من الصور في مكتبة الصور هدية للمغتربين عامة واخص اخي بركة وبت امها واقول لي بركة اخبارك العامة والخاصة شنو واخبار اخوك خالد شنو واتمني ايضا يعمل داونلود للصور دي لانو شايفو غرقان في الشوق وانا عندي قرابة الخمسمائة صورة من الحصاحيصا في كل الفصول وجميع الامكنة حتي بيتكم في حي العمدة يامبارك محمد عثمان تحياتي ايضا للاخ عبدالكريم عوض الله في عاصمة الضباب لندن

شكرا
براديس
انا عارفك من زمان انتا زول فنان .. الوحيد فى الدفعه كنت ماخد فنون فى امتحان الشهادة
عاوزين نعرف علاقتك بالرسم مازالت مستمرة وياريت تعمل لينا بوست منفرد بمجموعة من الرسومات التي تقوم بتنفيذها

يابركة نحن بقينا مدعوكين ومافي طريقة نحك راسنا الشغلة دي ورثناها للاولاد فالابن الطيب ماشاء الله بالفوتوشوب يعمل عمايل والله العظيم بقينا نتفرج عليهم الزمان يابركة زمانهم نحن نوفر لهم وهم يبدعوا ولك مني كل الحب(ادخل مكتبة الصور)

تسلم براديس
انا فى المكتبة

فوجئت يابركة اليوم بدخول العم العزيز محمد عثمان(والدك) الي دكاني معه نسيب ناس قاسم ابن عمك وبعد مبادلة التحية تجاذبنا اطراف الحديث عنك وعن العاصمة واخذت منه صورة تذكارية ساقوم بارسالها لك في الايميل بتاعك كما سارسل لك صورة منزل الامتداد بعد التاكد منه الف مره ولك مني كل الود

يعطيك الف عافية بردايس
مع تمنياتنا لك بموفور الصحه