اضحكوا شوية ورفهوعن نفسكم شوية مع العملاق

مشكورة يا عفراء .. إختيار موفق

ضِحكك شرح قلب السما
لوّن سحاب كُل الفضا

هزَّ وتر الأزمنه
رطَّب الصحرا
و لِمس عصب الجبل
ودَّر الحَزن المُهاجر في المُقل
صحّا أطياف الأغاني
وبارك النيل و السَّهل

ضِحكك وصول حِزمة رسائل من أهل
أضحكي.. أضحكي
تضحك الدُّنيا و تفيل
تصحا الكهارب في الشوارع
ينكسر سور الموانع
و تبدا أعراس المزارع
و المصانع
أضحكي .. أضحكي
تضحك الدنيا و تفيل

الرائع أبوعركي لديه أيضاً :
الوجع الخرافي
أمونه
يا قلب
بخاف

شكراً لصاحبة البوست علي هذا النفاج ، وعلي هذا الاختيار الراقي ، فعركي وهاشم شكلو ثنائي مجيد ، وهذه القصيدة رمزية تعبر عن أستنهاض روح الثورة والمقاومة ، تحياتي للأسرة .

مدثر عثمان الجاهوري كتب:

رائعة يام ايلاف الاغنية ودائماً عركي يدندن من اجل ان يسعد الناس
امنياتي بان تكون ايامكي ضاحكة والابتسامة مرسومة على الوجوه ..
مع تحيات ابو مصطفى

دا اسمو لعب قون وباك ياجاهورى !!!!
شكرا ام مصطفى على الاختيار الموفق ....

يا سلام عليك يا راقية
حقيقي حلوة وتستحق المشاهدة



مع انو يا عفراء زمن الضحك بإستمتاع ولي وراح ....

دا اسمو لعب قون وباك ياجاهورى !!!!
شكرا ام مصطفى على الاختيار الموفق ....[/quote]

يا راشد قلنا نكسر التلج وخلصنا تلج الثلاجة والديب فريزر وماشين على ثلاجة الجيران ... مع تحياتي

الاعزاء رؤى شعيب
محمد كمال السر
عثمان الحسين
الاستاذ مبارك عثمان
صداح فاروق
وابو العيال مدثر
راشد (يا استكشافات)
هنوية العسولة
وانت يا ودخالتى محمد على كنت منتظراك تسجل مرور حتى ارد
تسلموا جميعا على المرور

اذّن الاذان


وحنصليك يا صبح الخلاص حاضر


ونفتح دفتر الاحزان


ونتساءل


منو الكاتل منو المكتول

يوم رحيلك..................

مابتشبة القمر البتاوق من سما
ولابتشبه البحر الخدار
جمالا ماحاق في غنا
مشيها زي ود البشائر بي مهل
وحديثا زي همس النسائم للنخل
ايدينا سابغن الورد
وسلاما زي روق الجداول في الارض
ومن معزتك انتي ليا ..ختيتي قلبك فوق إيديا
وقلتي ليهو عزيز عليا.. عليك الله احرسو ليا
وقلتي ليهو ده نور عينيا..عليك الله احرسو ليا
وفي صباحو وفي عشيا..وقلتي ليا معاك سلامة..
يوم رحيلك من البلاد..دارك مرصع بالسواد ..
غيم حزن كل اليتامة ..واتشر بي كل العباد وفارقت الناس السلامة ..
ان شاء تمشي ولي تعودي . وتجيبلي خبر جديدي .
يبقى سيدك ويبقى سيدي تشيلي مني ولي تعيدي..
يبقى سعدك ويبقى سعدي تشيلي مني ولي تعيدي..
تشيلي مني ولي تعيدي وأفرح بيه كمان جدودي...

ابوعركي البخيت من حاضرة ولاية الجزيرة ودمدني التي اخرجت الكثير من المبدعين

ابو عركي كانت بداياته صعبة وكانت من اغنايته الاوائل اغنية وعد من كلمات فضل الله محمد والتي تقول

بوعدك يا ذاتي يا اقرب قريبة
بكرة بهديك دبلة الحب والخطوبة

وعد من قلبي وارادتي
ومن ضميري
ماف زوول شاورني
ما شاورت غيري
كل كلمة اقولها بتعذب ضميري...
وفي ذلك الزمان استقبل الجمهور الاغنية بكلماتها ومعانيها التي كانت جديدة عليه

وابوعركي تميز بصوته الجميل

ومن اغانيه يا جميل ياسادة
الجميل السادة وضاح المحيّا
إبتسَم يوم شفتو ماقبلان تحية
من دلالو واللا مالو

وايضا من اغانيه جسمي انتحل
جسمي إنتحل كيف العمل
هو إنت الطبيب عندك شفاي
وأشرب براي منك شفاي
أشرب براي عسل النحل
حن ياطبيب وأعطف علي
وريني ما سبب الألم

فكانت يا جميل يا سادة بمثابة البداية يخطو بها فنان درب النجاح

ومن احلي مفاجائته كما قرات عنه اغنية جبل مرة التي من كلمات والحان المبدع الكابلي

وانا دائما ما ارددها
مرسال الشوق ياالكلك ذوق
أغشي الحبان في كل مكان
قول ليهم شفنا جبل مَره
وعشنا اللحظات حب ومسرّه


ومن اجمل اغانيه اخاف اسال وهي فازت في مهرجان دمشق سنة 76
أخاف أسال عليك الناس
وسر الريد هبينا يذيع
اخاف أكثر كمان ياغالي
من إيديّ إنت تضيع
وأعيش بعدك حياتي جفاف
مواسم ريده مافي ربيع


ولديه اغنية بخاف
بخاف يا إنت لوجيتك
ألملم في خطاوي الشوق
وأزور بيتك
يقولو عليّ حبيتك
بخاف لوبرضي غبت عليك
تقول نسيت وجافيتك

ولديه اغنية زيتونة التي بحثت عنها كثيرا ولم ارتاح حتي سمعتها وهي من كلمات كامل عبدالماجد

الشابه الخضراء وزيتونه
لو شفتو الفرح الفي عيونا
والقمر البرقص في سنونا
كان سبتو كلام ياعزالنا
وإرتحتو سبتونا في حالنا



كما نتمني ان يخرج من عزلته التي فرضها علي نفسه وان يخرج للاعلام والمنابر

وقبل ايام سمعنا انه تغني وفي تدشين حملة ياسر عرمان نتمني ان تكون بداية خروج من العزلة وعدم العودة لها مرة اخري

لو كنت ناكر للهوى

و كنتا ناكر للهوى ذيك كنتا غفرتا ليك
كل العذاب العشته فى حبك وكل حقى عليك
لكنى عايش للهوى وكل يوم اترجا فيك
ورينى كيف أغفر وانت شقاى سببته بيديك
حاولت اخدع نفسي يا ظالم واهجر حبى ليك
حاولت امنع نفسى منك وتانى ما امشى واجيك
ورحلت عنك وعن ديارى وهدمت كل امل لديك
وبرضى ما قادر لما اسيبك لما انساك بشتهيك
مع كل دفقاتى الحنينة وكل دمعة شوق سجينة
تهاتى بيك روحى الحزينة واشقى لما تهاتى بيك
ورينى كيف اغفر وانت هدمت كل آمالى فيك
ما كنتا قايل أنا يوم بلاقى الحب ولا بكشف دروبو
ولا قلبى من شدة إباهو تقدر بتقدر الأشواق تذيبو
لكن غرامك حبه حبه صالاهو بنارو ولهيبو
وسرقت قلبى يا حبيبى تانى كيف منك اجيبو
انت يا ناكر غرامو قلبى ما بتسمع كلامو
وبدون سبب يرضيك خصامو لوعة العشاق تصيبو
تنسانى يا ظالم وقلبى معاك مفتكرك حبيبو

تسلمي ام مصطفي للاختيار الراقي للقامة الاستاذ ابوعركي البخيت وشكرا محمدعلي ورؤي للمواصلة في سرد ابداعاته

http://www.sm3na.com/song25424.html