يا خوانا دكتور معتصم دا جائي من الحج ... ولا جائي من ود الفادني عن طريق المؤتمر ؟؟

يا معتصم قلوبنا معاك وربنا يوفقك،،
يا معتصم نتمنى لك التفوق والازدهار ،،
يا معتصم انت خير من يمثل المنطقة في سماوات البرلمان الابيض الفسيح ،،
يا معتصم نفديك بالروح ،،
ويا معتصم ربنا يجعل ليك في كل خطوة سلامة ،،

الكلام دا كلو مفهوم في اطار العلاقات الاجتماعية والمجاملات الودية وكلنا بنتمنى ليهو الخير والسعادة ،،
لكن لمن يكون فيـها عمر البشير
وعلي عثمان طه
الجاز
وقوش
وغازي
وعبد الرحيم محمد حسين
وكرتي
وسبدرات
وشيلا
والزهاوي
وساوي
حقو نقيف ما نسير ساي ولا رايكم شنو ؟؟
ديل ما الكورس
الناس ما لا ماعيزة تجيب كلو كلو سيرة المؤتمر ؟؟

إن شاء الله يا دكتور معتصم السنة الجاية تمش الحج النشوف ابو عثمان وابورائد ووليد العشي بكتبوا شنو ؟؟

اسي ابو عثمان الدخله هنا شنو
المحبوب انا حالتي لي كم يوم بتفرج عليكم بس لاني ضمنت فوز عمر البشير ومعتصم جعفر
اها كان عندكم ناس في باقي المقاعد فوزوهم

جاوب حا تكتبوا شنو ورونا

حانقول عمر فاز ومعتصم فاز مكيدة لي باقي الناس

حانقول عمر فاس ومعتصم فاس مركبة في روسين الناس
كدي مش موزونة ؟؟

صحيح واسفاي .. واسفاي علي وطن يقتله ابناؤه دون وعي او ادراك ، وان اصدقني الاخوة او كذبوني فقد انعدمت الرغبة في ادارة حوار وهو حوار ابكم بكل المقاييس ، فما نراه مجموعة من الناس تجابه فكرة بكلام اي كلام والسلام وتتخذ من الشوارع الضيقة للهروب من حوار واضح وضوح الشمس / فالمتابع للبوستات خلال الايام الماضية يجد فكرة تجابهها نكرة ويجد حقيقة تواجه بعجز اكيد في تقبلها او تحليلها ، فنحن الرافضون لترشيح الدكتور اتكأنا علي حقيقة ان المرشح قادم من رحم الانقاذ = الجبهة الاسلامية = المؤتمر الوطني = الفصل التعسفي ال ال ال .
تأتينا الاجابة من هولاء بأن الدكتور هو خير من يمثل الحصاحيصا .
ياهولاء : ماهكذا يكون الرد فلم ولن يكون لنا يوما رأي معيب بشأن مرشحكم مرشح الانقاذ ولكن رأينا بمن يمثلهم الدكتور ثابت ولن يتزحزح . وليعلم هؤلاء ان اخفاء عورة الانقاذ يالحديث عن ترشيح الدكتور (هكذا ) وبمعزل عن ارتباط حزبي اسفاف وعدم موضوعية .
قولوا وبالصوت الواضح اننا مع الانقاذ التي قدمت الدكتور مرشحا لها ، عندها يستقيم الحوار ولابأس بالبداية من جديد .

ياحمورى اذا كان الناس ماهماهم الوطن الكبير .... السودان
مابهمهم انو الحصاحيصا تتقدم ....
وكمان ممكن نقول عليهم انهم مامع الدكتور ابدا ....
انت بتصفق لى زول وبتدفعوا دفعا للوقوع فى الهاوية ... فى بركة الفساد .... انو ايديهو تتلطخ بالدماء ...

محمد دفع الله كتب:: صحيح واسفاي .. واسفاي علي وطن يقتله ابناؤه دون وعي او ادراك ، وان اصدقني الاخوة او كذبوني فقد انعدمت الرغبة في ادارة حوار وهو حوار ابكم بكل المقاييس ، فما نراه مجموعة من الناس تجابه فكرة بكلام اي كلام والسلام وتتخذ من الشوارع الضيقة للهروب من حوار واضح وضوح الشمس / فالمتابع للبوستات خلال الايام الماضية يجد فكرة تجابهها نكرة ويجد حقيقة تواجه بعجز اكيد في تقبلها او تحليلها ، فنحن الرافضون لترشيح الدكتور اتكأنا علي حقيقة ان المرشح قادم من رحم الانقاذ = الجبهة الاسلامية = المؤتمر الوطني = الفصل التعسفي ال ال ال .
تأتينا الاجابة من هولاء بأن الدكتور هو خير من يمثل الحصاحيصا .
ياهولاء : ماهكذا يكون الرد فلم ولن يكون لنا يوما رأي معيب بشأن مرشحكم مرشح الانقاذ ولكن رأينا بمن يمثلهم الدكتور ثابت ولن يتزحزح . وليعلم هؤلاء ان اخفاء عورة الانقاذ يالحديث عن ترشيح الدكتور (هكذا ) وبمعزل عن ارتباط حزبي اسفاف وعدم موضوعية .
قولوا وبالصوت الواضح اننا مع الانقاذ التي قدمت الدكتور مرشحا لها ، عندها يستقيم الحوار ولابأس بالبداية من جديد .

الأخ محمد لك ولصاحب البوست التحية والتقدير

وقوف معظم ابناء الحصاحيصا ( وهذة حقيقة ) مع الدكــــــــتور معتصم جعفر (وانا منهم) رغم عدم

انتمائنا الي المؤتمــــر الوطني بل نصل الي درجة ( بغضة ) ليس اسفاف او عدم موضوعية كما تفضلت

لأنـــــــنا ببساطة ننظرالي المرشح كما معظم الناخبين من زاويتين . الأولي انتمائة الحزبي وفي هذة نختلف

معه كما انتم تختلفون معه . الثانية مردودة الخدمي الذي يمكن ان يفيد به وفي هذة نحن مقتنعين (والكـــل

ايضآ مدرك هذا)ما يمكن أن يقدمة لهذة الدائرة من خدمات مفيدة مع العلم انه قّدم قبل هذا (يعني مجــــرب)

قبل ان يفكر في الترشيح اصلآ .ثانيآ حتي مناقشتنا في البــدائل المطروحة من المنافسين والذين الي حد علمي

المتواضع يتجهون الي دعم مرشح واحد وهو مرشح المــؤتمر الشعبي ( وهذة خيبة ) من خيباتنا جميعآ وسقوط

لكل الافكـارالأيدلوجيات لمعارضة لنظام الجبهة الأسلامية . اذن عن ماذا تحدثون وكل هذة الأحـــــزاب ليس فيها

من يقنع ’’’’’’ اين البرامج والديمقراطية وهذة الأحــــــــزاب اكل الدهرعليها وشرب دون تطور او حـــــراك

والأمثلة تغني عن الأجـابة في زعمائها (الشيوخ )ولقد كتبت في هذا موضوع ( الأحـزاب السودانية الوهم الكبير )

.تكاد تكون معظـــم الناس متفـــقة علي سوء الحزب الحاكم وكذلك المعارضين (واحزابهم )علي حد سواء ومدام الأمر

كذلك معتصم جعفرهو الأنسب والأفضل . والسلام .

الاخ المنصوري .
اشكرك جدا علي (الموضوعية ) التي لونت حديثك المقبول جدا (كفكرة) ولكن :::::
غدا سيقاتل الدكتور (بدون شك او رياء) لبناء اعظم مستشفي بالحصاحيصا .
غدا سيقاتل الدكتور لاجل ابناء مدينته و(قد) ينتزع لهم حقوقا ما كان اهل المدينة يحلمون بها .
وأيضـــــــــــــــــــــــا :
غدا سيرفع الدكتور يده موافقا ومرجحا (بصوته الانقاذي) لقرار تصفية مشروع الجزيرة ، دعما لقرار حزبه الذي اتي به الي كرسي البرلمان (لا توجد خيارات) .
عندها :
فلتذهـب الحصاحيصا الي الجحيم بكل (ما) سيبني عليها .
وليبقي السودان موحدا ، ومشروع الجزيرة ملاذا للفقراء والمساكين .
هذه هي اخي محمد المعادلة الصعبة جدا والتي تحتاج منا الي رأي واضح ، رأي يبني علي دفع الضرر عن كل السودان وهذا لن يتم الي بأفقار عددية (المؤتمر)داخل البرلمان وبالتالي السعي لاسقاط اكبر عدد من (ممثلي) الانقاذ ، واحييك جدا بالفهم الراقي والموضوعي لمسألة ( ترشيح معتصم + ترشيح مرشح الانقاذ) فالبون بينهما شاسع بل واستغرب : فمعتصم لا يشبه الانقاذيين بأي حال من الاحوال .

محمد دفع الله كتب:: الاخ المنصوري .
اشكرك جدا علي (الموضوعية ) التي لونت حديثك المقبول جدا (كفكرة) ولكن :::::
غدا سيقاتل الدكتور (بدون شك او رياء) لبناء اعظم مستشفي بالحصاحيصا .
غدا سيقاتل الدكتور لاجل ابناء مدينته و(قد) ينتزع لهم حقوقا ما كان اهل المدينة يحلمون بها .
وأيضـــــــــــــــــــــــا :
غدا سيرفع الدكتور يده موافقا ومرجحا (بصوته الانقاذي) لقرار تصفية مشروع الجزيرة ، دعما لقرار حزبه الذي اتي به الي كرسي البرلمان (لا توجد خيارات) .
عندها :
فلتذهـب الحصاحيصا الي الجحيم بكل (ما) سيبني عليها .
وليبقي السودان موحدا ، ومشروع الجزيرة ملاذا للفقراء والمساكين .
هذه هي اخي محمد المعادلة الصعبة جدا والتي تحتاج منا الي رأي واضح ، رأي يبني علي دفع الضرر عن كل السودان وهذا لن يتم الي بأفقار عددية (المؤتمر)داخل البرلمان وبالتالي السعي لاسقاط اكبر عدد من (ممثلي) الانقاذ ، واحييك جدا بالفهم الراقي والموضوعي لمسألة ( ترشيح معتصم + ترشيح مرشح الانقاذ) فالبون بينهما شاسع بل واستغرب : فمعتصم لا يشبه الانقاذيين بأي حال من الاحوال .

مرة اخري ياابوحميد لك التحية

قد اكون كاذبآ إن لم اقل أن كلامك موضوعي الي حد كبير ولكن ........

الا تتفق معي أن البديل ايضآ غير متوفر بمانريد ؟؟؟؟؟؟

ثانيآ ماهو موقفك الشخصي اذا اتحدت الأحزاب خلف مرشح المؤتمر الشعبي ؟؟؟؟

والسؤال ايضآ للأخ الكريم صاحب هذا البوست ؟؟؟؟

الأخوة الكارم ............

لن يعرف الأنسان مقدار النعمة التي هو فيها إلا عندما يفقدها ...

مرحب بالرجل الفاضل المنصوري ،،
وحللت سهلاًً وطاب بك ولك المقام ،،
وسررنا أيما سرور بمرورك الوسطي الازرق فأهلاً بك ،،

ونجي لي كلامك واحدة او حبة حبة ،،
((....وقوف معظم ابناء الحصاحيصا ــ وهذة حقيقة ــ مع الدكــــــــتور معتصم جعفر ــ وانا منهم ــ رغم عدم انتمائنا الي المؤتمــــر الوطني بل نصل الي درجة بغضه ....))!!
تقيف مع الدكتور مرشح المؤتمر وإنت تبغض المؤتمر ؟؟
كيف يامنصوري ؟؟
الكلام دا ما بتسق نـهائياً مع إنك بررتـه برؤيتك للمسألة من زاويتين كما ذكرت ،،
إلا إنك في حقيقة الأمر واقع في فخ ثلاثي الأبعاد أو الزوايا ،،
يعني يا منصوري إنت أسير مثلث الرعب أو مثلث برمودا ،،
وتعال نحسب ليك أضلاع المثلث المرعب الانت غاتس فيهو بقصد أو بدون قصد ،،
ونبدأ بالزاويتين اللتين أشرت إليهما بعظمة لسانك ،،
فهما ــ في حقيقتهما ــ زاويتان لموقفين تجاه المؤتمرأحدهما سلبي والآخر إيجابي ،،
فالمنصوري البحب الدكتور وببغض المؤتمر ،،
دا صوتو بمشي للمؤتمر عن طريق الدكتور المرشح ،،
والمؤتمر ذاتو ما عايز مثل هؤلاء المناصير ،،
يعني هم برضو ببادلوك بغض ببغض لا قبل لك به وبما لا عين رأت ولا أذن سمعت ولا طاف على قلب بشر ،،
المهم عندهم تصوت وتندرج على أهلك قشه ما تعتر ليك ،،
وحبك للدكتور المرشح فهو علاقة إجتماعية بينكما ليس للمؤتمر علاقة بـها ،،
وفي هذه الحالة وبما انك واقف مع الدكتور وتبغض المؤتمر ،،
فالمؤكد إنك ما حا تهبش ممارسات المؤتمر وسياساته خلال ال 20 سنة الماضية ،،
وكِدا المؤتمر لقى منصوري ماسك خشمو عليهو ( سالب ) ولا يتحدث عن فعايلـهم (1)،،
وفي نفس الوقت وعشان علاقة إجتماعية يقوم المنصوري يصوت ( موجب ) لمرشح المؤتمر ،،
فالمؤتمر ضمن 20 سنة تانية (2)،،
تفتكر المؤتمر بكون بطمح لأكثر من كِدا ؟؟
نجي إلى موقفك من الاحزاب المبني على دعاية المؤتمر نفسه (3)،،
ودي لازم ترجع بيها إلى الوراء قليلاً لعهد الانقاذ قبل أن تصبح مؤتمر ،،
إنقاذ من ومن من ؟؟
إنقاذك انت وانا ومعانا بقية الشعب السوداني الفضل ،،
وإنقاذوا من منو ؟؟
طبعاً من الأحزاب الانت ما شايف ليـها جدوى دي ،،
طيب انت بدل تسخط على الاحزاب ما تسأل ناس المؤتمر عن تركهم لأمر الانقاذ ،،
أسألهم شوفن أنقذونا ولا لسه ؟؟
وكان لقيت إجابة منهم عليك النبي كان تكلمني بيها

وتقبل شكري وكامل تقديري

الاخ الكريم محمد المنصورى لك التحية والاحترام
اولاً اتفق تماماً مع ما ورد أخونا حمورى ...له تحياتى والاستاذ المحبوب ولاداعى للتكرار
فقط أحب ان أوضح إذا لم نلغى العصبية القبلية ، الجهوية ،الاثنية ، والمجاملة ، والمهادنة ... ونضع النقط فوق الحروف ... بمبدئية من أجل ترسيخ الديمقراطية فالطريق أمامنا مسدود ..... وكما أوضح لك الاخوان الدكتور معتصم كشخص ومواطن على عينا ورأسنا ... ونحفظ جميله ولا ننكره ... ولكن الدكتور معتصم مرشح المؤتمر الوطنى ...شخص آخر ... شخص يتبنى برنامج و سياسات حكومة الانقاذ بالله عليك كيف لنا أن نقف مع شخص يمثل العدو الاول للديمقراطية ... يا أخى هذه إزدواجية خطيرة . راجع موقفك .. أفصل بين العام والخاص لتكون الرؤية أكثر وضحاً أمامك .

المحبوب أحمد الأمين كتب:: مرحب بالرجل الفاضل المنصوري ،،
وحللت سهلاًً وطاب بك ولك المقام ،،
وسررنا أيما سرور بمرورك الوسطي الازرق فأهلاً بك ،،

ونجي لي كلامك واحدة او حبة حبة ،،
((....وقوف معظم ابناء الحصاحيصا ــ وهذة حقيقة ــ مع الدكــــــــتور معتصم جعفر ــ وانا منهم ــ رغم عدم انتمائنا الي المؤتمــــر الوطني بل نصل الي درجة بغضه ....))!!
تقيف مع الدكتور مرشح المؤتمر وإنت تبغض المؤتمر ؟؟
كيف يامنصوري ؟؟
الكلام دا ما بتسق نـهائياً مع إنك بررتـه برؤيتك للمسألة من زاويتين كما ذكرت ،،
إلا إنك في حقيقة الأمر واقع في فخ ثلاثي الأبعاد أو الزوايا ،،
يعني يا منصوري إنت أسير مثلث الرعب أو مثلث برمودا ،،
وتعال نحسب ليك أضلاع المثلث المرعب الانت غاتس فيهو بقصد أو بدون قصد ،،
ونبدأ بالزاويتين اللتين أشرت إليهما بعظمة لسانك ،،
فهما ــ في حقيقتهما ــ زاويتان لموقفين تجاه المؤتمرأحدهما سلبي والآخر إيجابي ،،
فالمنصوري البحب الدكتور وببغض المؤتمر ،،
دا صوتو بمشي للمؤتمر عن طريق الدكتور المرشح ،،
والمؤتمر ذاتو ما عايز مثل هؤلاء المناصير ،،
يعني هم برضو ببادلوك بغض ببغض لا قبل لك به وبما لا عين رأت ولا أذن سمعت ولا طاف على قلب بشر ،،
المهم عندهم تصوت وتندرج على أهلك قشه ما تعتر ليك ،،
وحبك للدكتور المرشح فهو علاقة إجتماعية بينكما ليس للمؤتمر علاقة بـها ،،
وفي هذه الحالة وبما انك واقف مع الدكتور وتبغض المؤتمر ،،
فالمؤكد إنك ما حا تهبش ممارسات المؤتمر وسياساته خلال ال 20 سنة الماضية ،،
وكِدا المؤتمر لقى منصوري ماسك خشمو عليهو ( سالب ) ولا يتحدث عن فعايلـهم (1)،،
وفي نفس الوقت وعشان علاقة إجتماعية يقوم المنصوري يصوت ( موجب ) لمرشح المؤتمر ،،
فالمؤتمر ضمن 20 سنة تانية (2)،،
تفتكر المؤتمر بكون بطمح لأكثر من كِدا ؟؟
نجي إلى موقفك من الاحزاب المبني على دعاية المؤتمر نفسه (3)،،
ودي لازم ترجع بيها إلى الوراء قليلاً لعهد الانقاذ قبل أن تصبح مؤتمر ،،
إنقاذ من ومن من ؟؟
إنقاذك انت وانا ومعانا بقية الشعب السوداني الفضل ،،
وإنقاذوا من منو ؟؟
طبعاً من الأحزاب الانت ما شايف ليـها جدوى دي ،،
طيب انت بدل تسخط على الاحزاب ما تسأل ناس المؤتمر عن تركهم لأمر الانقاذ ،،
أسألهم شوفن أنقذونا ولا لسه ؟؟
وكان لقيت إجابة منهم عليك النبي كان تكلمني بيها

وتقبل شكري وكامل تقديري

الحبيب تكعيب ( المحبوب ) ماطرحتة ردآ هو فكرة قابلة للقبول من ناحية واحدة وهي

التضاد مع نظام مهما فعل فهو مجرم وإن أحسن في بعض الزوايـــــا واخفق في البعض .

مثلآ اختيار الدكتور في حد ذاتة حسنة وايجابية كبري (هكذا انظـر اليها أنا) ثانيـــآ حتي

وإن اتفقنا جميعآ علي سوء الأنقاذ التي وكأي نظـــــام شمولي له من المساؤي مايبرر هذا

التدهور او قل(الحال المائل )الذي وصل اليه من يفترض هم أهل الأنقـــاذ الحقيقيين لهذا

الشعب فهولاء ماذا يرجو منهم الشعب السوداني؟ في رائ الألتفـــــــاف حول سوء الأنقاذ

فقط والتغير من اجل التغير دون النظــــــر لما بعد ذلك قـصور كبير ومواصلة في ارتكاب

الجرم علي هذا الشعب . اخيرآ ارجو الرد علي السؤال عن التفـاف المعــــارضة في بعض

الدوائر حول مرشح المؤتمر الشعبي كما في أنتظار رد الأخ محمد ولكم خـــــــــــــالص الود .

(دفـــاعنا عن ترشيح اخونا معتصم قد يجعلنا انقـاذيين اكثر من أهل الأنقاذ كما يعتقد البعض)

وذلك دفـــاعآ عن فكرة وليس نظام .

يا منصوري صباحك ورد ،،
بعدين الوسطية عرفناها الأحمر دا لي شنو ؟؟
والله كادوقلي اليومين ديل خلت الأزرق زي لون زينب ،،
نرجع لي تعقيبك ،،
وفي آخر سطر كتبت لينا عبارات في غاية في الأهمية ،،
فقد ذكرت بأن :
دفاعنا عن أخونا معتصم ،،
يجعلنا إنقاذيين أكثر من الإنقاذ ،،
في إعتقاد البعض ،،
ولكن دفاعنا عن فكرة ،،
وليس نظام !!.
أما بشأن دفاع الأخ "الناخب" عن الأخ "المرشح" ،،
فالدفاع عن أخوك معتصم ما عندو علاقة بالموضوع ،،
دي علاقة بينك وبين إخوانك وإنت مخير فيـها ،،
أما كون هذه العلاقة تجعلكم إنقاذيين أكثر من أهل الإنقاذ ،،
فهذه المقولة صحيحة تماماً ،،
ونمشي معاك لي قدام شوية ،،
وأسمح لي أن أطلق على أي منـهم لقب "إنقاذي ونص" ،،
إنقاذي كامل الدسم وزائد في الدسم دماثة ،،
فإنت لمن تصوت للإنقاذ وتمكنـهم من الرقاب ،،
ليسومونا سوء العذاب ،،
تاني في شنو يا منصوري ؟؟
إنت قايل ناس المؤتمر دايرين منك أكثر من ذلك ،،
ولا دايرين إدوك بطاقة عضوية ؟؟
لا يا حبيبي ،،
تصوت وتشتت ،،
وبالميت تاخد ليك عرضة مدنكلة وخلاس ،،
فالمؤتمر عمل على إستمالة غير المنتمين بـخدعة جهوية ،،
ووجد الطُعم في الدكتور الراغب المُستمال مع إحترامنا وتقديرنا له ،،
إبن منطقة ومحبوب وشهم وخلوق ولديه قبول عند الناس ،،
وفوق هذا وذاك ،،
فقد حسبـها بالآلة الحاسبة لشيء له علاقة بإستثماراته ،،
وكمان نفسو قصير ،،
وما راح يلاويهم في بلاويـهم ،،
يعني أبو جنا ولاقا ،،
أنا ما عارف ناس قريعتي راحت ديل فوق أم كم ؟؟
فالقصة حسابات يا منصوري ما تصفق ساي ،،
فالخوف على المنطقة ،،
والعشم المفرط غير المبرر في تحسين الخدمات ،،
ما حقوا يرمينا في براثن المؤتمر ،،
ولو كان الترشيحات تمت على خوف مذدوج ،،
فما شائف سبب لضياع صوتنا بين المذدوجين ،،
أما بشأن دفاك عن فكرة وليس نظام !!.
فالنظام ما عايز حد يدافع عنو ،،
الاذاعة والقنوات الفضائية كفيلة بصد أي هجوم ،،
وعلى فكرة يمتلكون ألسنة زي الرصاص ،،
أما بشأن الفكرة ،،
فعلى حد علمي فترشيح الدكتور ممثلاً للمؤتمر لم يقم على فكرة ،،
إنما على حسابات الدكتور وحسابات المؤتمر في السطو على الأصوات ،،
ولو جاز لنا إطلاق كلمة فكرة على عمل كهذا ،،
فأعتقد بأنـها فكرة لن تعد لنا بفائدة ،،
ودفاعنا عنـها ما بجيب مريسة تام زينو ،،
بل بالعكس فسوف نضمن لناس المؤتمر عقول مقفلة ،،
وأفواه غاية ما تجود به هي لله هي لله ،،
لا للثروة ولا للجاه ،،
وفي النـهاية عينك ما تشوف إلا النور ،،
ثروة بصح بصح ،،
ونحن في جاه الملوك نلوك ،،
وبس.
عايز تلوك لوك ،،
ما عايز تلوك ،،
يجلوك .....

المحبوب الشغلانية بقت كبيرة مشيت جبت عوض نمير وجيت
التحية للاخ عوض نمير وللمحبوب الجابو لينا

عوض نمير براو
لوك الصبر
وشوية شوية
لمن يوم تصحو تلقوا المزيقا العسكرية
والبيان رقم واحد
ونودي دكتور بكري المايقوما
واستاذ بكري عثمان السجن

ود الشريف رايو كمل
رايو كمل جيبوا لي شلايتو من دار قِمر جيبو لي شلايتو
ترا ترا ري را را
ثورة ثروة لمن نروى

المحبوب أنا ما عايز الوك

واخير اجلوني لو جابت ليها لوك

بس في سؤال اتكرر ماجاوبته عليه

انشاءالله خير لأني بصدق عايز رائك

( مغروض فيه ) شديـــــــــــــــــــــــد

الأحمر لزوم التضامن مع الصديق

راشد الجاك وشباب كادوقلي يا ( حمدووون )

يا منصوري ،،
شايف النقاش معاك جاب فائدة ،،
يعني شوية كِدا ملت على اليسار ( أنا شفت بي عيني قبل تعديل المداخلة ) ،،
وبقيت تكتر من الأحمر ،،
والله كان شافوك ثنائي الشرقية راح يقيموا فيك الحد
أها تاني كان زحيت بتقع تكسر لسانك ولونك ببقى باهت ،،
غايتو أنا حظرتك ،،
سؤالك ياتو العامل لي بيهو الخوتة دا ؟؟
ياربي امكن بتاع اذا اتحدت الأحزاب خلف مرشح المؤتمر الشعبي ؟؟؟؟
ولا سؤالاً آخر ؟؟
أكان ياهو دا ..
لو الاحزاب اتحدت خلف الشعبي ما قطر المؤتمر بصفر ،،
وإنت قايلني مستني شنو ؟؟
ما الصفارة بتاعة القطر ،،
وعلى فكرة دا بيت بكاء يعني فارشين ما بندفن لمن الميت يقلع ،،
ونعرف سبب موتو ومنو الكتلوا وقتلوا ليه وكيف
بعداك نغسلو ونحنطو ونودي المقابر ونقرأ عليهو البراق وندفنو ،،
بعداك بنفرش ونتقبل التعازي ،،
الكلام دا ما فيهو مساومة إلى أن نموت نلحق حقنا
عندك سؤال تاني يا أحمر يا شامت ولا نشتت

تأني انا بسأل ؟؟؟

ما خوتتكم طلعت شمار في مرقة

ونضألكم طلع ( مريسة في ابريق )

وقال ايه ... صفارة

عارف ( بعد داك)الا تختاروا مكان الفراش

عشان امكن .. امكن تلحقوا (بركة ) البركة

(الترابي) والحور العين و.....

انشاءالله ياحبة اجي اليوم داك

عشان ماتشوف الا (المنصوري )

اضوي ليك يعني الا ( النور ).. عرفت

يااخوي ..قول معاي .. يارب

يا منصوري سالت عن الموقف من اتحاد المرشحين ووقوفهم مع المؤتمر الشعبي ؟؟
قلنا ليك اي قرار من المرشحين ضد مرشح المؤتمر حايكون في مصلحة اسقاط مرشح المؤتمر ودا هدف استراتيجي سواء كان على المستوى القومي او الولائي وتحديدأ وبالذات الرئاسة ،،
لو علي انا شخصياً أي زول إلا مرشحي المؤتمر الوطني ،،
لسبب بسيط ما في طريقة لكشف حجم الماساة الا بإسقاط مرشحي المؤتمر ،،
وإختصرت ليك كل ذلك في حكاية القطر البصفر ،،
وقلت ليك أنا راجي الصفارة عشان عندنا زول إتقتل ....الخ.
إذا الكلام دا ما واضح نوضحو ،،
وكان دا ما السؤال أشر لينا على السؤال مرة أخرى ،،
وكان عندك سؤال آخر أسأل ونحن نجاوب دا كلو عشان المنصوري المرة أزرق طيبة ومرة حمرة اباها المهدي bounce

أبو رائد كتب:: الأخوة الكارم ............

لن يعرف الأنسان مقدار النعمة التي هو فيها إلا عندما يفقدها ...

كلامك صحيح 100% ياأبو رائد فنحن لم نعرف مقدار النعمه التي كنا فيها الا بعد مجئ الانقاذ .

إبن إبنى /بكرى عثمان

مش قالوا الدم بحن........عشان كده اتوقع وقوفك وإنضمامك لينا ..... وكان معجبتك إبن إبنى دى أو عندك فيها أدنى شك أسأل الكبار منها..............

لك خاص الود والتحايا

» هل فشل فعلا دكتور معتصم جعفر في ان يقدم اي شئ لمدينته في كل المجالات ؟
» من ودالفادني دكتور معتصم يدشن حملته الانتخابية ( توجد صور )
» ما رايكم في مرشح الحصاحيصا دكتور معتصم جعفر
» دعوة من دكتور معتصم جعفر لحضور افتتاح حملته الانتخابية
» أبواب الدولة ... وأبواب مرشح المؤتمر الوطني بالحصاحيصا ... وباب لله يا محسنين !!