زواج اخونا بدر الدين الحاج وعروسته مواهب

عمت الأفراح منزلنا بالضقاله بعد سنين عجاف وإلتقينا بأهلنا وأصدقائنا في جو ملئ بالفرح والحب الحقيقي، أنعشت بدواخلي كل الحنين والتواصل واصبحت زادا روحيا في هذه البلاد الموحشه.
إلتقيت بكثير من الأصدقاء ولو علي عجل لكن الشوفه دي بالدنيا.
وفاتتك يا هندواي
[URL=http://img3.imageshack.us/]

مبروك لكل ال الحاج واتمنى ان يكون بيت مال وعيال
والتحية لكل اهل الضقالة

عمار تلودى

مرحب الاخ ابراهيم
وألف مبروك لاخونا بدر الدين وعروستة
وربنا يسعدهم ....والفاتنا كتير وما اجمل ان تتلم الناس فى الافراح
وهنيئا لكم وانتم اتلميتوا بعد غيبة وما كنت بتخيل اجئ يوم والناس
تتلم وتتجمع فى داركم الكانت عامرة دوما بوجود الخال المرحوم الحاج
محمد احمد والوالدة المرحومة الحاجة عائشة فهم كانا نقطة ألتقاء كل الاهل
والاحباب ويا للذكريات والضحكات الجميلة واراك تداعب الوالدة عائشة
وما اطعم ملاح الورق الاخضر ومل احلى القراصة من يدها ....فها هى الدنيا
التى تباعد بيننا والاخرين لكن هم خالدين فى دواخلنا بكل معانى الود والحب .
نعم اخى ابراهيم قد نرفل فى نعيم وتقدم فى عدة اشياء لكن فى لحظة نحن الى
جلسة على رمال الخور وفتة فول مصلحة فى النادى من يد اخونا امام
او جلسة ونسة مع اخونا عبدالمنعم وكباية شاى من يد الاخت حنان ...وما الطف
حين تهاظر وتداعب الصديق( الاسد) نور الدين ما أجمل هذا الرجل ويا لبياض
دواخلة انة يحمل الكثير من المرحوم الحاج محمد احمد ولكم اشتاقة .....
فهنيئا فانكم تمتعتم وفرحتم بين اهلكم وعشيرتكم واصدقاؤكم وخليتوتنا نحنا
للحر والسخانة والغربة ...وانت قلت لورقة الدنيا عندكم برد ونحنا حر
يعنى نحنا فى اول الدنيا وانتم فى أخرها شوف فرق الزمن والبعد عن الوطن
وسلام لكل الاخوان والاعزاء أنور وعبدالناصر والاهل بالضقالة وودسلفاب
وكل الحصاحيصا وما عارف لينا نصيب فى شريط العرس ؟؟؟؟؟
وويا صديقى اشتاقك بلا حدود .............هنداوى

اخي عبدو كما يحلو للأخوات مناداتك
شكرآ لهذا المنتدي والجهد المقدر للأخوان أولاد وراق ومن مهم علي خلق هذه المساحه لنواصل ما بدأناه سنين عديده.
شجون وحنين كثير وأجيال كبرت خلخلت دواخلي في هذه الخمسه ايام القضيتها في الضقاله ، بس حالتي بقت زي الدخلت فلم ملئ بالأحداث ومرقت منه تحمل الشعور والصور
كل ما أتمناه إننا نتمكن من العوده للارض الفيها عشنا أحلامنا ووجعنا
كل الناس بتسأل منك وأكيد الشريط يجيك ورسل العنوان علي الأيمل.
ليك والأسره كل الحب.

الف مبروك لبدر الدين والعقبال لينا؟؟
وتعال يا ابو خليل .. بدر الدين ( في الصورة) برضو هنا داير يحنك حلالو؟؟ ما سلمتوه القسيمة والله شنو؟؟
الزول دا تاني ما بجيكم في امريكا.. لاقيتو قبل يومين في الحصاحيصا في زحمة المواصلات قرب الملجة.. تريان ومندي.. كاسي الكتان والهندي .. وريحة الكبريت (بفتح الكاف) جهجهت الناس وخلتم ما يفرقوا بين النعناع والبقدونس؟؟ وزتعال شوف بنات الفلاته بتاعين الدكوة اخر تعليقات..لكن بالغت يا (اريس) ما جهجهت هنانا ان شا الله يكون (الارس) بيئآدي ( بعادي)؟؟
ودام صفاك موفور

اقتباس :

لكن بالغت يا (اريس) ما جهجهت هنانا ان شا الله يكون (الارس) بيئآدي ( بعادي)؟؟

والله يل حسن قطعت مصاريني من الضحك، طبا إتخيلت المنظر، وبدر لس بحاول يواطن بين دلع الفلاتيات و جامعته هنا ناس
You got some brother.
و الله لو منو أعمل حميل والتلبب واعقد لي لأبو النور ديدبان.



التحايا للشباب كلهم

مبروك لكل ال الحاج واتمنى.. بيت مال وعيال
والتحية لكل اهل الضقالة

Best,
Ghada

الاخ ابراهيم الحاج
لك التحية من على البعد
الف مبروك زواج الاخ بدرالدين وربنا يهنيه

الأخت غاده لك بالغ الشكر والتحايا العميقه عمق تلك السنوات.
وايضا أخونا علي لك بالغ الحب والتقدير

وين مسجل غياب يا ابراهيم..
عساك طيب..
ادينى تلفونك على bakri.hamad@strayer
كن بخير
بكرى

ألف مبروك للعرسان و بيت علم و عيال. و هذه الزهور هدية مني لهما من علي البعد

مبروك للعروسين
بيت مال وعيال
وبالرفاء والبنين..جعله الله زواجا مباركا
تهانينا ااجميع