احياء(المحالج-الصفا-الجملونات-رى قرشى)يساندون معتصم جعفر

ليلة امس بحى المحالج
رجال ونساء وشباب احياء المحالج والجملونات والرى قرشى وحى الصفا التقو جميعاً فى لحظات صدق ونقاء
وحسن انتماء وعمق وفاء لرجل العطاء الدكتور معتصم جعفر
دعماً ومساندة وامنيات بالفوز
وفقك الله ايها المعتصم

يا وليد ما تاوقت علي المحالج شفتـها إشتغلت ولا لسه ؟؟

سلامات عشي..
اين الصور..؟؟؟
الحق يقال معتصم كان لبق واختار الكلمات الجميله وابسط الحضور
قال بقولو الكمبو فراق الحبايب وانا بقول ناس الكمبو هم الحبايب.
والمدخل كان نقطه ضعف سكان المحالج السكن وكما زكر هو الهاجس الاكبر
ووعد بتمليك البيوت ومافي زول ح يتشرد ومساحات الكمبو لوماشالت
تشليهم الخطه السكنيه .
وتكلم عن التعليم ومشاكل الرياض بالمنطه ووعد بدعمها
ووعد بتشغيل مشروع الجزيره وتشغيل العماله وتحديثه
ويادكتور اي خطه سكنيه ح تشيلنا والحصاحيصا المدينه شبه قفلت.
والمشروع الدمروا منو مش المؤتمر الوطني
وانت مرشح المؤتمر.!!!
تدشين دكتور معتصم جعفر في اكبر احياء مدينه
الحصاحيصا فشل ياعشي والاسباب كتيره
والحضور الاكبر كان من النساء مجندات المؤتمر
والنهايه اغنيه حماسيه ورقص معتصم جعفر ورقص الحضور
ونفسي اعرف سر هذا الرقص .
‎ ‎

المحبوب أحمد الأمين كتب:

يا وليد ما تاوقت علي المحالج شفتـها إشتغلت ولا لسه ؟؟

‎
مساءك طيب ياحبه
قول ليهو ما تاوقت على سكان المحالج وسالتهم بياكلو شنو ومن وين؟؟
من يوليو 2009

يا رحاب كيف الحال ،،
اظنك مهيصة في الزفات ساي ما اليومين ديل خريف أبو السعن مطر وهبايب !!
وليد والله بقى الواقعة ما برفعا والله يعينو ،،
والله الناس ديل عشان الصوت الانتخابي دا مستعدين يعملوا أي حاجة ويقولوا أي كلام ،،
يعني لمن الدكتور يقول داير يشغل المحالج !!
هي المحالج دي شنو مُترار بتختو في كراعك وتفركو ؟؟
يا جماعة ما تخافوا الله في هؤلاء المساكين ،،
لكن الرياح جاية جاية مافي شك
تسلمي يا رحاب ولك التحايا أخي وليد فسير سير مع نصير البشير وعليكم الرسول كان تقيفوا حدكم واوستي

شوف عينى يا المحبوب
رحاب قسم البارى فى نص الجماعة
يوجد شهود

يعني وحدو قندول رحاب الفندر الريكة

وليد العشي كتب:

شوف عينى يا المحبوب
رحاب قسم البارى فى نص الجماعة
يوجد شهود

وشهد شاهد من إهلها ................ مبروك لمعتصم حب الناس وربنا ينصره إنشاء الله ... ويا رحاب لا تحزني غدا اجمل

المحبوب أحمد الأمين كتب:

يعني وحدو قندول رحاب الفندر الريكة

المجبوب انا من كلامي مش واضح اني موجوده يعني مامحتاجين لي شهود
بس ضد ياعشي.

تعرفوا ياشباب (وليد العشي) دة ذكرني قصة طريفة جدا حدثت بالعام 2000 والانقاذ جديدة .
تفاصيل القصة تقول :
اشتدت حمي القبض علي شباب السودان لاجل تجنيدهم (للدفاع الشعبي) وصارت الكشات لاترحم الا من انتمي
وبينما جماعة الكشة لافين في السوق ، قبصوا علي احد الشباب ودار بينه وينهم الحوار التالي :

ناس الكشة : يازول انت طالب ولا شغال ؟ .
الشاب (بعد تفكير لمدة 10 ثواني فقط ) : شغــــــــــــــــال .
ناس الكشة : شغال وين ؟
الشاب (بعد تفكير لمدة 5 ثواني فقط ) : شغال في مصنع الضمنة ( بضم الضاد ) (الدومينو ) .
ناس الكشة : شغال شنو في المصنع ؟
الشاب : شغلي ( بنقط الضمنة ) .
ناس الكشة : طيب الليلة مالك ما شغال ؟ زايغ من الشغل ولا شنو ؟
الشاب : لا مازايغ ، لكن الليلة اجازة .
ناس الكشة : اجازة عشان شنو ؟
الشاب : الليلة يوم البـــــــــــلاطة .
ياوليد : ربنا ميزنا عن السؤام بالعقل ، وتمرين ابريل المجيدة لازال حاضرا .
ولو ما مصدقني اسأل شحاته .
لك وله التحية .

يا رحاب انا ذاتي إستغربت
وشنو موجودة
وكأنه داير يكتر كوم الموجودين
مع ان المسألة عادية والهيلمانة في المحالج
يعني طبيعي تجد ناس المحالج
بس غير الطبيعي وجود ناس من مناطق أخرى
وياحموري الليلة يوم شنو قلت لي ؟؟

رحاب - حمورى - المحبوب
لكم الحب والتقدير

ولي فترت ؟؟
ما تسير ،،،،،،،،
سير
سير
يا
الباقي تمو أورقنات