مناظرة مرشح الرئاسة ياسر عرمان في برنامج بابكر حنين

بالأمس شهد الملايين من المشاهدين ومن كافة أنحاء العالم المناظرة لمرشح الرئاسة السودانية ياسرعرمان في برنامج الأستاذ بابكر حنين على قناة النيل الأزرق الفضائية
وقد بدأ الافتتاحية المرشح المنتظر بكل عنجهية وغرور وكيل كافة النعوت على المؤتمر الوطني ولم يخيب ظني ككافة المرشحين من أولويات برنامجهم بعد إسقاط مرشح المؤتمر الوطني محاسبتهم وحتى يتم ذلك ثم يلتفتوا لقضايا الشعب والوطن عامة ، والمرشح المنتظر قد أثار في بعض من الخوف والهلع عندما نعت كل من تجرأ وتقدم بالسؤال بأنه من ضمن أعضاء المؤتمر الوطني حتى بابكر حنين لم يسلم منه فقال له يا بابكر أنت عملت البرنامج دا عشان تقلل من شان المرشحين وانأ قبلت دعوتك عشان اثبت ليك انك ما بتقدر تقلل من شأني ، بل وذكر كافة عروض الفساد التي قام بها المؤتمر الوطني وعند سؤاله عن الفساد الذي يحصل في الجنوب قال هنالك توجد إحالة ومحاسبه ولم ينكر أن الفساد موجود في كل الدنيا في حين استثناء من هذه الدنيا المؤتمر الوطني ، كما انه شكك في مطبعة البطاقات ( صك العملة ) كما شكك في نزاهة المفوضية الانتخابات وان رئيس المفوضة هو من محسوبي المؤتمر يعني اذا البشير فاز عنده الشماعة التي سوف يعلق عليها خساراته
لقد راودتني مشاعر شتى عندما يحكمنا ياسر عرمان والله لا جاب هذا اليوم وهو انه أشبه بمن يتقوى بالسلطة ليعيث في البلاد بالفساد والعنف والجبروت وسوف يقوم بتقطيع كل من نظر إليه نظره لم تعجبه حتى أنا لن اسلم منه ويا خوفي عليك يا بلدي

وهل يجدي غير ذلك مع صعاليك أعلام الجبهة ؟
ياسر عرمان مناضل تأريخه النضالي معروف وبيشهد ليهو ، وزول مبادئ وزول حارة ، والبلد دلوقتي في حفرة أطاحها فيها نظام الجبهة ، وبابكر حنين كادر أنقاذي ظهر في غفلة من الزمان أذا لم يأتي هذا النظام فمكانه الطبيعي بتاع كشك جرائد ، أو بالأحري ظهر بعد تهجير الأعلاميين المحترمين وفصلهم للصالح العام ، ياسر عرمان كسب جولة أعلامية مع سواقط قيد الاعلام السوداني في مؤسسات السلطة الأعلامية الكرتونية .

الأخ صداح ...............

لك التحية...

بستغرب عندما تتحدث عن ياسر عرمان بانه مناضل .......... ياسر عرمان ما هو إلا قاتل ماجور لا يسوى حتي ان نتحدث عنه ، قاد نضال ضد من من الناس ضد شعبه وقتل في الجنوب خيرة أبناء البلد ، وإستنزفت هذه الحرب كل موارد السودان ، ولولا الانقاذ لكان الان ميت في إحدى الحانات أو أدغال الجنوب ...
هذا الرجل الانتهازي لو لا الأنقاذ لكان الان يتسكع في شواره نايروبي او اديس ......... ليس له فكر وليس له مكان في المجتمع السوداني خلاف انه أنسان مريض ناقص .

عزيزي أبورائد :
أحترم وجهة نظرك ، أما وجهة نظري فهي أن ياسر عرمان مناضل جسور ، وأذا الليلة دي حاول يبيع نفسو بيكون أغلي سوداني سعرأ في بورصة المؤتمر الوطني ، بعدين يا ابورائد حكاية أنو قاتل دي أحسن تشيلها ليه ؟لانو في قاتل أعترف أنو قتل حوالي 10000 سوداني ومتهم هارب حتي اللحظة من محكمة الجنايات الدولية وأنت من مؤيديه .

أما بالنسبة لموته في أحدي أدغال الجنوب فبالنسبة لعرمان الموت في غابات الجنوب دفاعا عن ما يؤمن به يبز الموت في جادة الشانزلزيه يا عزيزي !
أما عن مكانته وفكره فيكفيك أخي أن المؤتمر الوطني يحاول أقناع الحركة بسحب ترشيحه من سباق الرئاسة .

Mutwakel كتب:

بالأمس شهد الملايين من المشاهدين ومن كافة أنحاء العالم المناظرة لمرشح الرئاسة السودانية ياسرعرمان في برنامج الأستاذ بابكر حنين على قناة النيل الأزرق الفضائية
وقد بدأ الافتتاحية المرشح المنتظر بكل عنجهية وغرور وكيل كافة النعوت على المؤتمر الوطني ولم يخيب ظني ككافة المرشحين من أولويات برنامجهم بعد إسقاط مرشح المؤتمر الوطني محاسبتهم وحتى يتم ذلك ثم يلتفتوا لقضايا الشعب والوطن عامة ، والمرشح المنتظر قد أثار في بعض من الخوف والهلع عندما نعت كل من تجرأ وتقدم بالسؤال بأنه من ضمن أعضاء المؤتمر الوطني حتى بابكر حنين لم يسلم منه فقال له يا بابكر أنت عملت البرنامج دا عشان تقلل من شان المرشحين وانأ قبلت دعوتك عشان اثبت ليك انك ما بتقدر تقلل من شأني ، بل وذكر كافة عروض الفساد التي قام بها المؤتمر الوطني وعند سؤاله عن الفساد الذي يحصل في الجنوب قال هنالك توجد إحالة ومحاسبه ولم ينكر أن الفساد موجود في كل الدنيا في حين استثناء من هذه الدنيا المؤتمر الوطني ، كما انه شكك في مطبعة البطاقات ( صك العملة ) كما شكك في نزاهة المفوضية الانتخابات وان رئيس المفوضة هو من محسوبي المؤتمر يعني اذا البشير فاز عنده الشماعة التي سوف يعلق عليها خساراته
لقد راودتني مشاعر شتى عندما يحكمنا ياسر عرمان والله لا جاب هذا اليوم وهو انه أشبه بمن يتقوى بالسلطة ليعيث في البلاد بالفساد والعنف والجبروت وسوف يقوم بتقطيع كل من نظر إليه نظره لم تعجبه حتى أنا لن اسلم منه ويا خوفي عليك يا بلدي

الاخ متوكل أشكرك على هذا الموضوع ...

لقد تابع الجميع مناظرة هذا الرجل السخيف وطريقة حواره ولقد هاتفت كثير من الاخوة واظهروا إستائهم الشديد للغته البذيئة التي كانت يتحدث بها لم يتكلم عن برنامج انتخابي سوى إسقاط المؤتمر الوطني ، المؤتمر الوطني الذي اكله وشربه وأعطاه سيارة وحرس و لولا ذلك كان الان يركب حمار يطوف ادغال الجنوب .
نأسف كثيرا ان يكون في السودان مثل هؤلاء القتله يتكلمون في القنوات الفضائية وكل العالم يسمع لهم ولن يخرج من هاويته التي هو فيها طال ما همه الأساسي إسقاط المؤتمر الوطني ......
الفساد الذي يتحدث عنه مارسوه في حكومة الجنوب وبشراهه ، أين الاموال التي إستلموها من حصة البترول لتنمية الجنوب ألم تذهب لجيوبهم وإشتروا بها الفلل خارج السودان في مدينة النخيل وفي بعض الدول .
هذا الرجل حرام ان تتاح له الفرصة للترشح والتحدث للشعب بسمومه وحقده وهو غير جدير للترشح لرئاسة الجمهورية ...
والصناديق قربت وسنرى ماذا سوف يفعلون ....

صداح فاروق وراق كتب:

عزيزي أبورائد :
أحترم وجهة نظرك ، أما وجهة نظري فهي أن ياسر عرمان مناضل جسور ، وأذا الليلة دي حاول يبيع نفسو بيكون أغلي سوداني سعرأ في بورصة المؤتمر الوطني ، بعدين يا ابورائد حكاية أنو قاتل دي أحسن تشيلها ليه ؟لانو في قاتل أعترف أنو قتل حوالي 10000 سوداني ومتهم هارب حتي اللحظة من محكمة الجنايات الدولية وأنت من مؤيديه .

أما بالنسبة لموته في أحدي أدغال الجنوب فبالنسبة لعرمان الموت في غابات الجنوب دفاعا عن ما يؤمن به يبز الموت في جادة الشانزلزيه يا عزيزي !
أما عن مكانته وفكره فيكفيك أخي أن المؤتمر الوطني يحاول أقناع الحركة بسحب ترشيحه من سباق الرئاسة .

الأخ صدارح ...................
أشكرك على ردك .............. ولكن بماذا يؤمن هذا الرجل وما هو فكره قل لي إنت ما هو هدفه في هذه الحياة ....

يا أبورائد يا أخوي :
تحياتي : الراجل ده عندو برنامج أسمو برنامج السودان الجديد ، وده يا خوي برنامج بيهدف لتصفية دولة الأستعلاء العرقي والأثني وبيهدف لحكم البلد علي أساس مفهوم المواطنة وبيهدف للعدالة الاجتماعية وتصفية دولة الحزب الواحد وتحقيق السلام والتنمية . الموضوع ده سبق لي أنزلت بوست بأسم ياسر عرمان سودان جديد waeeeeeee حتلقي فيهو ملخص البرنامج بتاع السودان الجديد ، فياعزيزي أبورائد لو عايز توزن ياسر عرمان من بوابة الفساد مع عمر البشير حقو تجيب ليك ميزان بتاع أبل غايتو ، ولو عايز توزنو في القتل العمد مع سبق الأصرار (والعرضة ) ممكن توزنهم وتشوف وين بتوديك الكيلووات جثه !!!!!

يا صداح الليلة وقعت في شر أعمالك ،،
شفت طوالي إستلمك أبو رائد وبعدا الله يحلك ،،
وليهو يومين مافي جا ينطط زي أبو الحصين تقول البوست حقو !!
وبعد شوية حا يجيك أبو عثمان عشان يكمل ثلاثي الشرقية مع أبو رائد ومتوكل ،،
قلت شنو يا متوكل ياسر عرمان مالو ؟؟
أنا ما شفت البرنامج بالأمس والليلة من الصباح بفتش عليهو في اليوتيوب ما لاقيهو ،،
ما عندك صرفة نشوف الراجل دا قال شنو خلاك تقول فيهو الشِعر دا ؟؟

والله تكون طيارتنا قامت يوم اجي اليوم ده يامتوكل
عيب ياسر عرمان انو بيستدر عطف الشعب بانو اسيء للموتمر الوطني
مابتكلم عن محاسن الحركه الشعبيه
وانا اتخيل لي الدعايه الانتخابيه بتاعتو حتتطلعو في النهايه بالسالب لان بخرمج خرمجه شديده

أي ادره فيها فساد والمؤتمر الوطني ده مابرئي من الفساد بتاتا لكن نديها لياسر عرمان عشان البلد تتقلب تنقلب شنو؟ مالقيت لي حاجه سيئه اقولها
الافتتاحيه بتاعت البرنامج الانتخابي بتقول (الانتخابات عندنا ) اكتر اغنيه ساقطه مرت علي طول عمري
المؤتمر الوطني خلاص عرفنا البيه والعليه وعرفنا حراميه من حاميه وجنن تعرفو اخير من جنن مابتعرفو
وبعد الكلام ده كلو تخيلو ان انا مامسجه وماعندي بطاقه تصويت لاني لافه في كرعي ديل مالقيت زمن اسجل
احلنا الله
لك التحيه

يا إيمو ....

وينك انت مختفية تماماً ...

هذا الذي يسمى بياسر عرمان نكرة ليس له أي وزن سياسي وإنما رجل فرضته الظروف علينا ......... وليخسا الخاسئون

برجع للاخوة المتداخلين برواقة
والله يا المحبوب تمنيت ان يكون لدي تلفونك عشان اكلمك وللاسف انا حتى ما عرفت بوجود ياسر عرمان الا عند فتح البرنامج ويا المحبوب ابو رائد دا عندو حق شرعي في البوست دا بجدنا السادس عشر وبكري ود خالي ، ونفسي اعرف ثلاثي الشرقية دي جبتها من وين ومعنها شنو ؟؟؟؟؟؟؟؟

يا متوكل انت حضرت الحلقة ولا كلموك بيـها ؟؟
أكان حضرتـها فهل بي عقل مفتوح ولا بي رأي مسبق ؟؟
غايتو أكان حضرتـها بتكون مصيبتك أعظم !!
قول لي كيف ؟؟
البرنامج عاملاهو سونا ،ن
إسمو مجهر سونا ،،
الغرض منو إلقاء الأضواء على برامج المرشحين للجمهورية ،،
حنين لأنو منحاز للمؤتمر حول البرنامج لما يشبه المحاكمة لمرشحي الأحزاب ،،
أها جيت إنت وطلعت وتفوقت على حنين ،،
وحولت البرنامج بقدرة قادر لي مناظرة بين حنين وعرمان ،،
وانصرفت عن هدف البرنامح وبرنامج عرمان للقدح في ياسر عرمان
لذلك أرجو تصحيح العنوان وبعداك نتفاهم

المحبوب انا والله شفته
وكنت بعتقد انو عرمان المنافس الاول لانه شريك في الحكم واكيد عمل شعبية في الخمس سنين السابقة في الجنوب اسوة بالبشير وما عندي انطباع عنه غير جيد في السابق لكن انطباعي في الحلقة ذي لما يجي مدرس جديد في المدرسة ويحاول يبرز من اول يوم لكسب الاحترام ونقول عليه دا مدرس صعب ارجع بذاكرتك لزمن المدرسة واتخيل ، ، ، ،
ودا ما انطباعي انا انت وصداح الوحيدين الذين خالفتم هذا الانطباع من المناظرة التي لم تراها انت وانا رايتها وتابعتها بكل تملي لدرجة اقفلت على اولادي في غرفة عشان ما يشغلوني عنها وانا ما بقدر اتفوق على بابكر حنين ويكفيني اتابع ليهو بس لانه رجل جديد بالاحترام

يا أبو السراكيس :
ياخ ده أسمو العمل الجبهوي علي أساس المطلوب ، برنامج الحد الأدني ، وبعدين أنت كنت في الجامعة متبني برنامج الحد الادني ده من خلال صيغة التجمع الوطني الطلابي ، شنو الأتغير يا سركسة ؟

صداح فاروق وراق كتب:

يا أبو السراكيس :
ياخ ده أسمو العمل الجبهوي علي أساس المطلوب ، برنامج الحد الأدني ، وبعدين أنت كنت في الجامعة متبني برنامج الحد الادني ده من خلال صيغة التجمع الوطني الطلابي ، شنو الأتغير يا سركسة ؟

الاخ صداح
لمن احزاب المعارضة يمكن ان تتنازل لعدونا اللدود المؤتمر الشعبى وانت تعرف المؤتمر الشعبى هو الواجهة الخلفية للمؤتمر الوطنى واشد شراسة واذا كانت هناك مفاضلة ما بين الشعبى والوطنى فالخيار هو الوطنى برنامج الحد الادنى لايمكن يستقيم مع المؤتمر الشعبى المعارضة فى سبيل اسقاط الوطنى يمكن ان تتنازل للشعبى وكانك يا زيد ما عزيت

صداح فاروق وراق كتب:

يا أبورائد يا أخوي :
تحياتي : الراجل ده عندو برنامج أسمو برنامج السودان الجديد ، وده يا خوي برنامج بيهدف لتصفية دولة الأستعلاء العرقي والأثني وبيهدف لحكم البلد علي أساس مفهوم المواطنة وبيهدف للعدالة الاجتماعية وتصفية دولة الحزب الواحد وتحقيق السلام والتنمية . الموضوع ده سبق لي أنزلت بوست بأسم ياسر عرمان سودان جديد waeeeeeee حتلقي فيهو ملخص البرنامج بتاع السودان الجديد ، فياعزيزي أبورائد لو عايز توزن ياسر عرمان من بوابة الفساد مع عمر البشير حقو تجيب ليك ميزان بتاع أبل غايتو ، ولو عايز توزنو في القتل العمد مع سبق الأصرار (والعرضة ) ممكن توزنهم وتشوف وين بتوديك الكيلووات جثه !!!!!

فاليذهب هو وبرنامجه الي الجحيم والشعب السوداني ليس ذلك الشعب السازج الذي يمكن أن يستمع الي شخص بهذا الممستوي ايو يبارك خطواته والصناديق قرب مواعيدها

المحبوب أحمد الأمين كتب:

يا صداح الليلة وقعت في شر أعمالك ،،
شفت طوالي إستلمك أبو رائد وبعدا الله يحلك ،،
وليهو يومين مافي جا ينطط زي أبو الحصين تقول البوست حقو !!
وبعد شوية حا يجيك أبو عثمان عشان يكمل ثلاثي الشرقية مع أبو رائد ومتوكل ،،
قلت شنو يا متوكل ياسر عرمان مالو ؟؟
أنا ما شفت البرنامج بالأمس والليلة من الصباح بفتش عليهو في اليوتيوب ما لاقيهو ،،
ما عندك صرفة نشوف الراجل دا قال شنو خلاك تقول فيهو الشِعر دا ؟؟

يا المحبوب بكرة تقول ياريتني لو كنت رابعكم

بسم الله الرحمن الرحيم
متوكل سبقتني على كلام ياسر عرمان
المحبوب انا بس الفي الشرقية متوكل وابو رائد في جدة
حقيقة حضرت النصف الاخير من اللقاء واول ماسمعته بانه بقول السودان محتاج لي واحد زي كدا بعرف اديره للفترة القادمة
وطبعا باقي الكلام تماه عنجهية وكانه ضمن
وعن حديث لام كول واعتقاله قبل كم يوم من قبل الحركة الشعبية شفتوه قال شنو قال سلفاكير في الجنوب ماعنده اي منافس على رئاسة الجنوب وطلع لام كول مؤتمر وطني وانه مابلقى اي اصوات
طبعا انا بعتقد ان ياسر عرمان دا ولد صعلوق ليس إلا وداء مجرد راي وعلى البقية ان تعتقد فيه بانه المنقذ للسودان
الحركة الشعبية حركة عنصرية واضحة والله اجو احكموا السودان الا اشغلوكم خداميين معاهم ويالمحبوب كان مالقيتك شغال مع جون وشايل ليك سوط ماتديني ايدك

لنا عودة يالمحبوب

كويس إنك صححت لي معلومة وجود المتوكل وأبو رائد ،،
خلاص يا متوكل حقك علينا بس أنا فهمت من بكري بأنك معاه في الشرقية والعتب على النظر ،،
وأرجو أن تعملو ثنائي في الغربية إنت وأبورائد عشان ما تتعبونا في الرد ،،
وبكري داك خلوه براهو أصلو مشاتر الناس يقولو بلالي جاء هو يقول ما جا ،،
برجع ليكم التلاتة وبقول ليكم إنتو من بدري مقررين إنو ياسر عرمان رجل غير كفء لحكم السودان !!
والله أنا مستغرب داير واحد فيكم يورينا شنو المعايير بتاعة الحكم ؟؟
ويا بكري أحذف الكلمة اللقلتها عن عرمان لأنو دا كلام ما لذيذ ممكن يدخلك في مشاكل انت في غنى عنها،،
والراجل لا مدنقد منكم جرف ،،
لا مجاوركم في حواشة ،،
رجل مقدم نفسو لحكم السودان زيو وزي الناس ،،
وعندو برنامج مبني على بعث السودان في شكل جديد ،،
قائم على أساس فك الارتباط بين المركز والسلطة وصنوها الثروة ،،
بإشراك ناس الهامش في السلطة ومقاسمتهم للمركز في ثروات البلد ،،
أها ناس المركز الكلام دا ما عجبن قالوا لا البلد حقتنا ونحن أسيادا وأي زول ما مسلم يدفع الجزية عن يد وهو صاغر ،،
أنا شخصيا شايف كلام ناس الهامش دا فيهو معقولية فالسودان للسودانيين ،،
ما كان يجب ان يُفرق بين البشر على أساس ألوانهم وأديانهم ومواطنهم الجغرافية ،،
الكلام ما عديل؟؟
أكان أعوج ورونا عوجتو ما تقولو لي ياسر ما عاجبنا ،،
لأنو ياسر دا جائي بفكرة محددة إنتو شوفوها وأحكموا ما تجو بأفكار مسبقة وتنزلوا في الراجل شتيمة بلا سبب ،،

ينصر دينك يابركة

اقتباس :

من طرف أبو رائد في الأربعاء مارس 31, 2010 8:49 pm

صداح فاروق وراق كتب:
يا أبورائد يا أخوي :
تحياتي : الراجل ده عندو برنامج أسمو برنامج السودان الجديد ، وده يا خوي برنامج بيهدف لتصفية دولة الأستعلاء العرقي والأثني وبيهدف لحكم البلد علي أساس مفهوم المواطنة وبيهدف للعدالة الاجتماعية وتصفية دولة الحزب الواحد وتحقيق السلام والتنمية . الموضوع ده سبق لي أنزلت بوست بأسم ياسر عرمان سودان جديد waeeeeeee حتلقي فيهو ملخص البرنامج بتاع السودان الجديد ، فياعزيزي أبورائد لو عايز توزن ياسر عرمان من بوابة الفساد مع عمر البشير حقو تجيب ليك ميزان بتاع أبل غايتو ، ولو عايز توزنو في القتل العمد مع سبق الأصرار (والعرضة ) ممكن توزنهم وتشوف وين بتوديك الكيلووات جثه !!!!!
والشعب السوداني ليس ذلك الشعب السازج الذي يمكن أن يستمع الي شخص بهذا الممستوي ايو يبارك خطواته والصناديق قرب مواعيدها

عزيزي أبورائد :

برنامج السودان الجديد هذا أذا تم تطبيقه في الجحيم فثق بأن الجحيم سيتحول الي واحة من واحات المواطنة المتساوية ، وواحة من واحات الأقرار والتعايش مع التعدد العرقي والأثني والديني ، وبعدها ستسمع بموسم الهجرة الي الجحيم !! فالجحيم ياسيدي ليس جغرافيا فقط بل هو حالة ، الجحيم هو الحزب الواحد والرجل الواحد والبلد التي تآكلت أطرافها بفعل الحرب والمجاعة ، الجحيم ليس أمنية بل واقع يعيشه المهجرين في قِبل الدنيا الأربعة بمن فيهم أنت عزيزي أبورائد ! ، والجحيم يعيشه أهل دارفور مع مغيب الشمس وطلوعها ، الجحيم يعيشه الأبناء مجهولي الأبوين في دار المايقوما ، الجحيم يعيشه المهنيين والعمال والموظفين الذين يعانون من تدني الاجور وضيق المعاش ، الجحيم يا عزيزي أبورائد ليس بعيداً من هنا !! فهنا والجحيم طُرة وكتابة لعملة واحدة يا عزيزي .

والله يا صداح كفيت ووفيت لكن الله غالب