ألف رحمه ونور عليك يا منتدانا - هام لكل الأعضاء

إلى كل الأعضاء ..
عرفت من جهه موثوق منها ان منتدانا قد اصيب بهكرز مما يؤدي إلى كثير من الأعطال في برمجة هذا المنتدى قد ينتج منها ضياع كثير من المواضيع واعطال في عضوية الأعضاء مما يتعذر عليهم المشاركه في المنتدى ..
اتمنى من جميع الأعضاء التعاون مع الإداره والصبر لحين معالجة هذا الأمر لكي يعود المنتدى إلى أحسن حال
وكان الله في عوننا..
ودي عين وما صلت على النبي
سحروك يا دوت كوم

يا هبة في داعي لجنس كلامك دا؟؟
ما كان احسن تتصلي بالادارة وتبلغيهم حتي ولو كان تلفونيا بالتفاصيل !!
ارجو ان تتصلي وتسحبي هذا البوست حتي لا يسبب ازعاج
ودام صفاك موفور

دي حقيقه أخ حسن
ومافيها حاجه لو كل الأعضاء عرفو المشكله
عشان ما يقدرو يساعدو لو أمكن
.....
وبعدين دوت كوم همنا كلنا

همنا نبني جنه جنه تلمنا ,,,,وبعدين يا استاذ حسن انت مفروض تسال هبه من وين جابت المعلومات دي وهبه على حد علمي ومعرفتي بها انها حريصة على هذا المنتدى وما ممكن تكون قاصدة بلبله ,,,ولكن لحرصها الشديد على التواصل بين الاعضاء ومشاركة كل الاعضاء وهمها المنتدى ما يتأثر باي هكترة وانسحابات ذي بتاعت الانتخابات عشان كدا اعلنت ,,,وبعدين الادارة هي المفروض تتصل عليها ,,,وللا انا غلطان ؟؟
ودام صفاك

التحيه لكل الأعضاء
وصراحةً دي كانت كذبة أبريل ..
بس الظاهر انها حا تاخد اتجاهات تانيه .. وح تعمل مشاكل

شكراً لكل الأعضاء .. وآسفين ع الإزعاج
والتحيه لك حسن وراق
ودام صفاك موفور

disco كتب:: همنا نبني جنه جنه تلمنا ,,,,وبعدين يا استاذ حسن انت مفروض تسال هبه من وين جابت المعلومات دي وهبه على حد علمي ومعرفتي بها انها حريصة على هذا المنتدى وما ممكن تكون قاصدة بلبله ,,,ولكن لحرصها الشديد على التواصل بين الاعضاء ومشاركة كل الاعضاء وهمها المنتدى ما يتأثر باي هكترة وانسحابات ذي بتاعت الانتخابات عشان كدا اعلنت ,,,وبعدين الادارة هي المفروض تتصل عليها ,,,وللا انا غلطان ؟؟
ودام صفاك

مشكوووووور اخ دسكو

هههههههههههههههه تسلمى ياهبة
والله نعنشتينا شوية
وكل وابريل وانت بخير
وتمتعينا بطرائفك الرائعة
ومزيد من الكذبات الابريلية

عفراء مصطفى كتب:: هههههههههههههههه تسلمى ياهبة
والله نعنشتينا شوية
وكل وابريل وانت بخير
وتمتعينا بطرائفك الرائعة
ومزيد من الكذبات الابريلية

تسلمي ياعفراء
ودا طبعا كل القصد .. النعنشه وتغيير الجو
وكل أبريل وكل عام وانتي بخير

بوست دمو خفيف
هبة دايما مبدعة وخلاقة
واحلي حركة
فى شكل وردة

نعم بوست دمو خفيف ورائع
وهبه دي شايفه عملت زوبعه هنا

والغريبه هبه دي مابقدر اسكته غير كلتشي
التحية للجميع

يعنى ياهبة الواحد يقرا البوست دا وعلى المنتدى الصحى على طوووووووووووووووووول .......
اديك العافية وحلوة منك وملعوبة .... ودايما اسياد البلد بعرفو يلعبوها صاااااااااح ......
واجمل قووووووووووووووون فى الصفراب ..... مش كدا ياديسكو ؟؟؟؟؟؟

راشد والله بقيت اخجل ليك

كااااااااااااااااااااااااادوقلي

والله يا هبوية حركة لذيذة شديييييد
ضحكتينا وان شاء الله ايامك واباريلك كلها ضحك وسعادة زي ما اسعدتينا

يا هبوية راعي عامل السن
تم استدعاء جميع الاحتياطي !!
اللبس بقي ضيق علينا عملنا فيها مباحث مخابرات!!
الله يجازي محنك انا كدا عمك بكري عثمان حمد يكون في الانعاش
والعجب حبيبي كيشو وكان علي بدريتو الجماعة قربو يحضروا ليهو الحنوط وجعفر قوليب الملاريا تاني جاتو وعواطف عمسيب دسترت!!!!!!

هبه
رفقا بالقوارير قصدي العواجيز
الجماعه ديل انا بجيب لكل واحد عصاية يتوكا عليها ويهش بها علي سنه ..
عصاية لوراق
عصاية لبكري
عصاية لكيشو
عصاية لبدر
بالمناسبة ماعندك واحده ابريلية تاني خفيفة كده عشان ندردقم نبق فى طبق

يا هبة أبريل الجائي لو عملتيـها في ناس بمشوا التجاني الماحي لأنهم حا يكلموا أنفسهم ما في داعي
مافي داعي

السلاااااااااااام عليكم
الشهر ابريل
تحيه لكل المولودين فى هذا الشهر
بالرغم من انو ح يعتبر كذبة ابريل

بس عاوزه زول يوضح لى مناسبة كذبة ابريل دى شنو؟؟؟؟
وارتباطها باليوم الاول من ابريل ؟؟؟؟؟
من ما قمت بسمع بيها وبنعمل مقالب فى بعضنا البعض
بس ما عارفه اصلها شنو ؟؟؟

والله تساؤل وجيه يا ايناس
نحنا طلبة فى الثانوي العام اذكر ان استاذ التاريخ اراد ان يدابع احد الطلبة الذي يراهن الاستاذ علي غبائه فساله قائلا يا فلان فى حاجة اسمها كذبة ابريل ممكن تورينا دي بتجي شهر كم .. وبكل سهولة ويسر اجاب الطالب المذكور بتجي فى شهر 5 يا استاذ
متنا ساعتها بالضحك

وقفتى قلبنا ... يا هبه ...
مبارك العايز يجيب لينا عصايات نتوكأ عليها .. هو عايز ليهو كرسى متحرك لانو الوقفه حتغلبوا .. وكمان معاهو المحبوب!!!!! عشان يلزو لا كرعين لا يدين بكونوا شغالات بس الخشم الشغال ..

هبة الحصاحيصا دائما مواضيعك جميلة وكزبة ابريل مبالغة لاكن الظاهر دي من اثر كادقلي وربنا يستر عليكم من العاجي كمان
تقبلي تحياتي

حلوة منك الحركة ياهبة بس كويس لحقتيها في لحظتها و لا كان حصلت حاجات عجيبة على كل حال راي فيكي ما تغير دايما بتتطلعى بحركات عجيبة بس حلوة الله يديك العافية

التحيه لي كل الأعضاء
وتسملو كتيييييييييييير على المداخلات الجميله
.......
في حاجه لكن كنا عاملين حسابها .. كنا موقفين عربية الإسعاف قدام البوست
وراعينا عامل السن وناس السكري والضغط
يعني كنا مؤمنين مما جميعو ..
وبركه جاب العصايات
بس التجاني الماحي دي ما عملنا حسابها يالمحبوب

بكرى عثمان حمد كتب:: وقفتى قلبنا ... يا هبه ...
مبارك العايز يجيب لينا عصايات نتوكأ عليها .. هو عايز ليهو كرسى متحرك لانو الوقفه حتغلبوا .. وكمان معاهو المحبوب!!!!! عشان يلزو لا كرعين لا يدين بكونوا شغالات بس الخشم الشغال ..

.......
يادكتور
الحلوه موش تتوكأو عليها فقط
اللذيذه تهشوا بها ( حلوه تهشوا بها دي)
الخشم بكون شغال نقة شديدة
من حي العمده للحله الجديدة

هبة
علميني حركة لووووول دي
عشان اجنن بيها الجماعة ديل

منتدنا بخبر ياهبة مادام فيهو ناس عسل زيك

وان شاء الله ماتصيبك عيون
لاتنجرح لا فى يوم تهوووووووووووووووووون

» يا معتمد الحصاحيصا .. برافو عليك .. طلعتا تفتيحة لكن عليك بابجيقة و اعوانه الزبالعة حتي تدخل قلوب ناس الحصاحيصا!!!
» رحمة ونور عليك
» لمسة وفاء 000(((الاستاذة حميدة ابو الكيلك )))
» فى ذمه الله حسن جلى
» استوب ( اعتراض ) كشف هوية الاعضا خطاء